Արմինֆո. Հայաստանի կառավարությունը 2018 թվականին սոցիալական նպատակներով բյուջեի ծախսերի վերանայում չի նախատեսում: Այդ մասին հայտարարել է ֆինանսների նախարար Վարդան Արամյանը կառավարության նիստից հետո, որի ընթացքում հավանության է արժանացել 2018 թվականի պետբյուջեի նախագիծը:
Նախարարը նշել է, որ հաջորդ տարի կառավարությունը մտադիր չէ ավելացնել սոցիալական ծախսերը: «Մենք ձգտում ենք մեր տնտեսական հնարավորությունների և ներուժի կայունցման, և դրանից հետո միայն նախաձեռնել նոր սոցիալական պարտավորություններ՚, - ասել է Արամյանը: Հակառակ դեպքում, նախարարի ասելով, շատ վտանգավոր նման քայլեր ձեռնարկել: Մասնավորապես, եթե չհաջողվի ապահովել ՀՆԱ 4-5 տոկոս աճ, նոր սոցիալական ծախսերը ծածկելու համար պետությունն ստիպված կլինի ներգրավել վարկային միջոցներ: «Վարկեր նրեգրավել բարձրացված կենսաթոշակներն ու աշխատավարձերը վճարելու համար, առնվազն, ազնիվ չէ բնակչության հանդեպ՚, - հայտարարել է ֆինանսների նախարարը:
Այսօր կառավարության հավանությանն արժանացած 2018 թվականի պետբյուջեի նախագծով եկամուտների միագումար ծավալը նախատեսվում է 1 տրլն 307 մլրդ դրամ, ծախսերինը`1 տրլն 464,2 մլրդ դրամ: Բյուջեի նախագիծը նախատեսում է ընթացիկ ծախսերի 2-2,5% աճ: Միևնույն ժամանակ, 80%-ով ավելացել են կապիտալ ծախսերը, որոնք կուղղորդվեն ենթակառուցվածքային նախագծերի իրագործմանը` ակնկալվող տնտեսական աճի համար հիմք ապահովելու նպատակով: ՀՆԱ/դեֆիցիտը կկազմի 2,7%` 156.9 մլրդ դրամ, որից շուրջ 80 մլրդ դրամ կֆինանսավորվի արտաքին աղբյուրներից, մնացածը` ներքին ռեսուրսների հաշվին:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |