Երկուշաբթի, 2 Հոկտեմբերի 2017 16:44

Արմինֆո. 27.09.2017թ. «Ժողովուրդ» թերթում հրապարակված «Ռուսական ընկերությունը սովի է մատնում 70 ընտանիքի» հոդվածի կապակցությամբ «ԳեոՊրոՄայնինգ գոլդե ընկերությունը անհրաժեշտ է համարում ներկայացնել իր մեկնաբանությունը։

Ինչպես նշվում է ընկերության հաղորդագրությունում, «ԳեոՊրոՄայնինգ գոլդը» իրապես մտադիր է չերկարաձգել «Ակնաձորե կապալառու ընկերության հետ կնքված պայմանագիրը, որի գործողության ժամկետը, ըստ էության, ավարտվում է 2018թ․հունվարի 1-ին։ Տվյալ քայլը պայմանավորված է «ԳեոՊրոՄայնինգ գոլդե ընկերության ֆինանսական կայունության և Սոթքի հանքի արտադրողականության բարձրացմանն ուղղված ծրագրով, այն է՝  ներառել կապալառու ընկերության պարտավորությունները սեփական արտադրության շրջանակում։ Այդ նպատակով  ընկերությունը գնել է բաց հանքի ծանր տեխնիկա, որը կապահովի արտադրական ծրագրի իրականացումը։

Հոդվածում նշված մեծ բեռնատար ավտոմեքենաների 70 վարորդ աշխատում է «Ակնաձորե ընկերությունում, և «ԳեոՊրոՄայնինգ գոլդըե նրանց հանդեպ որևէ պարտավորություն չի ունեցել։ Սակայն, ելնելով իր սոցիալական պատասխանատվության քաղաքականությունից «ԳեոՊրոՄայնինգ գոլդըե պատրաստ է աշխատանքի ընդունել «Ակնաձորե ընկերության վարորդներին,  որոնք ներկայումս հանքաքարի փոխադրում են իրականացնում «ԳեոՊրոՄայնինգ գոլդիե հետ պայմանագրային հիմունքով։ Դրանից ելնելով, վերակազմավորման արդյունքում վարդենիսցիների և տեղի համայնքների բնակիչների համար աշխատատեղեր կավելանան։ Ձեռք բերված տեխնիկայի աշխատանքի համար «ԳեոՊրոՄայնինգ գոլդե ընկերությանը անհրաժեշտ կլինեն ավելի քան 70 վարորդ։ «ԳեոՊրոՄայնինգ գոլդումե աշխատանքը  աշխատողների համար ապահովում է շահավետ և կայուն պայմաններ՝ ինչպես ֆինանսական, այնպես էլ սոցիալական առումով։ Այս ամենը «Ակնաձորե ընկերությանը շատ լավ հայտնի է, և այդ կապակցությամբ մենք կարծում ենք, որ հոդվածում բերված «իբրև վարորդներիե անանուն հայտարարությունները հանդիսանում են «Ակնաձորե ընկերության ղեկավարների պատվերը կամ լրագրողական հնարք։

Անհրաժեշտ է նշել, որ հոդվածի հեղինակի կողմից բերված թվերը իրականությանը չեն համապատասխանում, և, մեղմ ասած, բացարձակ ստահոդ են։ Օրինակ, հոդվածում բերված ներդրումների չափը փոքրացված է, իսկ հեղինակին ասենք, որ լավ կլիներ հասկանար հասույթի և եկամտի տարբերությունը։ «ԳեոՊրոՄայնինգ գոլդե ընկերությունը, Հայաստանի Հանրապետությունում աշխատելով 10 տարի, ներդրումներ է իրականացրել արտադրության տեխնոլոգիական և տեխնիկական զարգացման համար և այդ ամբողջ ընթացքում կրել է զգալի ֆինանսական կորուստներ, որից հետո միայն 2016 թվականից սկսել եկամուտ ստանալ։

«ԳեոՊրոՄայնինգ գոլդըե հերթական անգամ հիշեցնում է իր սոցիալական պատասխանատվության քաղաքականության մասին, որի շրջանակում նեցուկ է կանգնում այն համայնքներին, որտեղ իրականացնում է իր գործունեությունը, այդ թվում՝ Վարդենիս քաղաքին, ինչպես աշխատանքի տեղավորման հարցերում, այնպես էլ բազմաթիվ սոցիալական ծրագրերով, որոնք ուղղված են տեղի բնակչության աջակցությանը, ինչպես նաև համայնքների զարգացմանը և բարեկեցությանը։ Նշենք, որ GeoProMining ընկերությունն ստեղծվել է 2001 թվականին, հանդիսանում է մետաղների դիվերսիֆիկացված ռեսուրսներով միջազգային մասնավոր ընկերություն: Ընկերությունը ոսկի է արտադրում «Dora» համաձուլվածքի և պղնձի, մոլիբդենի և սյուրմայի խտանյութերի տեսքով: GeoProMining-ի ձեռնարկությունները տեղակայված են Ռուսաստանում և Հայաստանում: