Անելիք Բանկն ազդարարում է կորպորատիվ հաճախորդների համար վարկավորում-մրցույթ ծրագրի 2-րդ փուլը

Արմինֆո. Անելիք Բանկը հայտարարում է կորպորատիվ հաճախորդների համար վարկավորման մրցույթի երկրորդ փուլի մեկնարկի մասին, որի շրջանակներում հաճախորդները կարող են առաջարկել իրենց համար հաստատված վարկի տոկոսադրույք։ Ինչպես ԱրմԻնֆո գործակալությանը տեղեկացվել է     մամուլի ծառայությունից, վարկերը տրամադրվում են 60 ամիս ժամկետով`50,000-250,000 ԱՄՆ դոլար գումարի սահմաններում, Հաստատված վարկի համար առաջարկվող տարեկան նվազագույն տոկոսադրույքը կազմում է 7.7% , իսկ վարկի առավելագույն տոկոսադրույքը կկազմի կորպորատիվ հաճախորդի կողմից մրցույթի մասնակցության հայտով առաջարկվող տարեկան տոկոսադրույքը: Տեղաբաշխման գումարն այս փուլի համար կկազմի  1 մլն ԱՄՆ դոլար։

Աղբյուրի համաձայն, ծրագրին մասնակցելու համար պարզապես հարկավոր է՝  մինչև 2017 թվականի հոկտեմբերի 25-ը ներառյալ Բանկ ներկայացնել վարկային հայտ, Բանկի չափորոշիչներին համապատասխան վարկունակության գնահատումից հետո՝ դրական պատասխանի դեպքում, փակ ծրարով մինչև 2017 թվականի նոյեմբերի 6-ը ներառյալ առաջարկել հաստատված վարկի նախընտրելի տոկոսադրույքը:

Մրցույթի արդյունքների հայտարարման օրը մասնակիցների կողմից փակ ծրարով ներկայացրած տոկոսադրույքի առաջարկները կբացվեն Բանկի ներկայացուցիչների, մրցույթի մասնակիցների և այլ պաշտոնատար անձանց ներկայությամբ: Մրցույթում ամենաբարձր տոկոսադրույքն առաջարկած մասնակիցները (տոկոսադրույքի նվազման կարգով) կճանաչվեն մրցույթի հաղթողներ:

 «Վարկավորում մրցույթի երկրորդ փուլի մեկնարկը պայմանավորված է նմանատիպ կոնցեպտով ներկայացվող բանկային պրոդուկտների նկատմամբ հաճախորդների կողմից մեծ հետաքրքրվածությամբ։ Մրցույթի առաջին և պիլոտային տարբերակի գործարկումից հետո մենք բավական թվով դրական արձագանքներ ստացանք, իսկ ուղիղ եթերով հեռարձակվող արդյունքների ամփոփումն ապացուցեց մրցույթի ամբողջովին բաց և թափանցիկ լինելու փաստը, ինչի արդյունքում որոշում կայացվեց ծրագրին շարունակական ընթացք տալ։ Այս անգամ նույնպես Բանկը որևէ ոլորտային սահմանափակում չի դնում հաճախորդների առջև, և ծրագրին կարող են մասնակցել ցանկացած ոլորտում իրենց գործունեությունն իրականացնող իրավաբանական անձինք, ովքեր կհամապատասխանեն մրցույթի կանոններին», - ասել է Անելիք Բանկի վարչության նախագահի առաջին տեղակալ-կորպորատիվ բիզնեսի գծով տնօրեն Սերգեյ Վիրաբյանը:

Մրցույթի մասնակցության հայտերը կբացվեն մրցույթի անցկացման մասին ծանուցմամբ (հրավերով) սահմանված օրը և ժամին, մրցույթին մասնակցության հայտերի բացման նպատակով հրավիրված նիստում, որը զուգահեռ կհեռարձակվի համացանցում` ուղիղ կապով:

Հիշեցնենք, որ կորպորատիվ հաճախորդների համար վարկավորման մրցույթի առաջին փուլի արդյունքների ամփոփումը տեղի ունեցավ 2017թ սեպտեմբերի 4-ին՝ ուղիղ հեռարձակմամբ Բանկի պաշտոնական ֆեյսբուքյան էջում։ Հաճախորդների կողմից բոլոր ներկայացված հայտերը բավարարվեցին, իսկ այն հաճախորդներին, որոնք չէին բավարարում մրցույթի մասնակցության հիմնական պայմաններին առաջարկվեց վարկավորում՝ Բանկում գործող և իրենց պահանջարկին համապատասխանող տոկոսադրույքով։

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Անելիք Բանկի վարկային ներդրումների ծավալը 2016 թվականին աճել է 3,6 անգամ, մինչև 218.8 մլրդ դրամ, որտեղ մանրածախի մասնաբաժինը կազմել է մոտ 13% կամ 27,7 մլրդ դրամ, իսկ կորպորատիվի մասնաբաժինը`86% կամ 188,1 մլրդ դրամ: Ընդ որում, վարկային ներդրումների նման աճը բանկն ապահովել է կորպորատիվ պորտֆելի էական աճի հաշվին (մոտ 6 անգամ), կտրուկ մոտենալով առաջատարների եռյակին, ինչպես ընդհանուր, այնպես էլ կորպորատիվ պորտֆելի ծավալներով: Այդ աճը բանկին թույլ է տվել հաշվետու տարում ակտիվներն ավելացրել 3 անգամ, մինչև 283.5 մլրդ. դրամ: Արդյւոնքում, վարկային պորտֆելի մասնաբաժինը բանկի ակտիվների կառուցվածքում աճել է 68%, մինչև 77%: Անելիք Բանկի զուտ շահույթը 2016-ին ավելացել է 5.3 անգամ, մինչև 1.2 մլրդ դրամ: (ՀՀ դրամի հաշվարկային փոխարժեքը 31.12.2016թ. դրոթւյամբ կազմել է 483,94 դրամ / դոլար):

Հիշեցնենք, որ «Անելիք Բանկը» շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկմից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ):