Լևոն Ալթունյան. Պետծառայողները նոր սոցփաթեթներով կարող են ավելի շատ բուժծառայություններ ստանալ, ինչի դիմաց, սակայն, պետությունը կվճարի ավելի քիչ

Արմինֆո. Սոցիալական փաթեթները, որոնք տրամադրվում են պետական ծառայողներին, բարելավվել են, այժմ դրանցողվ կարելի է ստանալ ավելի շատ բժշկական ծառայություներ, ինչի դիմաց, սակայն, պետությունը կվճարի շատ ավելի քիչ: Այս մասին երկրի խորհրդարանում հայտարարել է ՀՀ առողջապահության նախարար Լևոն Ալթունյանը:

Նա նաև տեղեկացրել է, որ վերանայվել է նաև սոցփաթեթների շրջանակներում տրամադրվող բուժծառայությունների ձևը, այն դարձել է ավելի ճկուն, ինչը հարմար է շահառուներին: «Այժմ պետծառայողները բուժծառայությունները կարող են ստանալ այն բուժհաստատություններում, որոնք նրանց համար ավելի մատչելի են»,-նշել է նախարարը:

ՀՀ առողջապահության նախարար Լևոն Ալթունյանի հրամանով հաստատվել է այն բուժհաստատությունների ցանկը, որոնցում սոցփաթեթների շահառուները կարող են ծառայությունն ստանալ առանց նախնական գրանցման: Ֆինանսական ռեսուրսների արդյունավետ օգտագործման և դրանց հոսքի հսկողության ուժեղացման նպատակով բժշկական օգնության տրամադրումը կկիրականացվի առողջության ապահովագրության միջոցով: Միևնույն ժամանակ, լուծված է նաև մատուցվող բժշկական ծառայությունների որակի ապահովման հարցը: Մասնավորապես սահմանվել է տրամադրվող ապահովագրական փաթեթը, ապահովագրության պայմանագրերի տեսակները, բժշկական հաստատությունների հետ համագործակցության կարգը, ինչպես նաև ապահովագրական ընկերությունների միջև շահառուների բաշխման կարգը: Արդյունքում, բոլոր շահառուները կկարողանան ստանալ անհրաժեշտ բժշկական օգնություն ցանկացած բժշկական հաստատությունում:

Հիշեցնենք, որ այս տարվա հուլիսի 27-ին ՀՀ առողջապահության նախարար Լևոն Ալթունյանը լրագրողներին հայտնել էր, որ պարտադիր առողջապահական ապահովագրության փորձնական ծրագիրը կմեկնարկի 2017 թ. սեպտեմբերին: Այդ ծրագրից կարող են օգտվել սոցիալական փաթեթների շահառուները, որոնց թիվը տվյալ փուլում կազմում է 80-ից մինչև 100 հազար մարդ: Կես տարվա ընթացքում առողջապահության նախարարությունը կհետևի ծրագրի արդյունքներին, որից հետո կներառվեն ևս 612 հազար սոցիալապես անապահով քաղաքացիներ: Եվ մոնիտորինգից և դրական արդյունքներից միայն մեկ տարի անց կներդրվի պարտադիր առողջապահական ապահովագրության մասին օրենքը: Հայաստանում գործում են սոցիալական փաթեթների ծրագրեր, որոնք տրամադրվում են պետական ծառայողներին, մասնավորապես, հանգստի կազմակերպման բաղադրիչով: Սոցիալական փաթեթներին պետական ​​բյուջեով (բացառությամբ բժշկական սպասարկման բաղադրիչի) նախատեսված է 10 մլրդ դրամ: Քաղաքացիական ծառայողներին տրամադրվում է տարեկան 132 հազար դրամի սոցիալական փաթեթ, որով նախատեսում են մի շարք պարտադիր բաղադրիչներ` առողջապահական ծախսերի վճարում, հիփոթեքի տոկոսների մարում, բուհերում ուսման վարձի վճարում և հանգիստ Հայաստանում: