Արդշինբանկը բարելավել է անշարժ գույքի գրավով վարկավորման պայմանները

Արմինֆո.Արդշինբանկը բարելավել է անշարժ գույքի գրավով վարկավորման պայմանները, նվազեցնելով տոկոսադրույքների առավելագույն շեմը:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ՀՀ դրամով սպառողական վարկերի տարեկան տոկոսադրույքը սահմանվել է 14.25-19.95% առանց եկամուտը հավաստող փաստաթղթերի առկայության, 14.25-17.75%` եկամուտների վերլուծությամբ: Էքսպրես վերանորոգման ԱՄՆ դոլարով վարկերինը` 12.75-17.95% առանց եկամուտը հավաստող փաստաթղթերի առկայության, 12.75-15.25` եկամուտների վերլուծությամբ, եվրոյով վարկերի դեպքում` 12-14.95%, 12-13.45% համապատասխանաբար: Ըստ բարելավված պայմանների այժմ հնարավոր է ստանալ մինչև 40 մլն. ՀՀ դրամ, 80,000 ԱՄՆ դոլար և 70,000 եվրո վարկ:

«Նախկինում Բանկը վարկերը տրամադրում էր առանց եկամուտը հավաստող փաստաթղթերի առկայության, որը անշարժ գույքի գրավով վարկերի ամենամեծ առավելություններից էր: Այժմ մենք հնարավորություն ենք տալիս մեր հաճախորդներին ստանալ վարկը նաև եկամուտների վերլուծությամբ՝ ավելի ցածր տոկոսադրույքներով: Բարելավվել են վարկի վերանայման պայմանները, ինչպես նաև սահմանվել են պայմաններ վերաֆինանսավորման համար: Մասնավորապես, այլ բանկից կամ վարկային կազմակերպությունից վարկի տեղափոխման դեպքում տոկոսադրույքը կարող է սահմանվել 0.5-1 տոկոսային կետով ցածր, իսկ առավելագույն գումարը՝ մինչև պայմանագրային գումարի 120%: Ավելին, վարկավորման պայմաններով նախատեսվում է գույքի վնասի և վարկառուի՝ դժբախտ պատահարի հետևանքով կյանքի և աշխատունակության կորստի ապահովագրություն, որի փոխհատուցումը պատահարի դեպքում ստանում է անմիջապես վարկառուն», - նշեց Ռազմավարական զարգացման տնօրեն Արմեն Գասպարյանը:

Հիշեցնենք նաև, որ Արդշինբանկի անշարժ գույքի գրավով վարկերը հնարավորություն են տալիս ստանալու 5% հետվճար (cash-back) ` ժամանակացույցով մարված տոկոսագումարից: Անշարժ գույքի գրավով ապահովված վարկերի մասին հավելյալ տեղեկատվություն կարելի է ստանալ այցելելով Բանկի պաշտոնական կայքէջ, զանգահարել (012)222222 հեռախոսահամարին կամ օգտվել կայքի «Հետզանգի պատվեր» ծառայությունից:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Արդշինբանկն իր հիմնական հաշվեկշռային ցուցանիշներով 2017 թվականի հուլիսի 1-ի դրությամբ գտնվում է առաջատարների եռյակում: Բանկի ընդհանուր կապիտալը կազմել է 62.8 մլրդ դրամ (տարեկան աճը` 22,4%), ակտիվները` 507.5 մլրդ դրամ (տարեկան աճը` 12.1%), վարկային ներդրումները`361.6 մլրդ դրամ: Բանկի վարկային պորտֆելի կառուցվածքում մանրածախ վարկավորման ծավալը հասնում է 27%-ի կամ 97,4 մլրդ  դրամի (տարեկան աճը`13.5%): 2017 թվականի առաջին կիսամյակն Արդշինբանկը եզրափակել է 3.1 մլրդ դրամ զուտ շահույթով, տարեկան կտրվածքով աճը`39,3%: Արդշինբանկը մասնաճյուղային ցանցը մեկն ամենամեծն է Հայաստանի բանկային համակարգում – 64 մասնաճյուղ, որց 19-ը գտնվում է Երևանում, 42-ը`մարզերում և 3-ը` ԼՂՀ-ում: Բանկի հիմնական բաժնետերերն են`«Arins Group» (այն վերանվանվեց «Բիզնես ներդրումների կենտրոն» ԱՊԸ-ի) - 70.1145% և «Ռեգիոն» Արդյունաբերական ֆինանսական կորպորացիան - 28.3689%: Նշենք, որ 2016 թ. վերջին Առէկսիմբանկ-Գազպրոմբանկի խումբը միացավ Արդշինբանկին:-