Դրամը դոլարի նկատմամբ շարունակում է դանդաղ թուլանալ, իսկ եվրոյի նկատմամբ շարունակել ամրապնդվել

Արմինֆո. Հայաստանի արտարժութային միջբանկային շուկայում հոկտեմբերի 2-6-ն ընկած ժամանակահատվածում կտրուկ կրճատվեցին ծավալները`1,7 անգամ, անցած շաբաթտեղի ունեցած 3,3 անգամ կտրուկ աճից հետո: Դրան զուգահեռ, ներբանկային արժութային շուկայում գրանցվել է դոլարային գործարքների պասիվություն, եվրոյով գործարքների ակտիվության պայմաններում, ինչն ուղեկցվել է ռուբլով գործարքների նկատմամբ հետաքրքրության անկումով. Արտարժույթի բորսայական հարթակը շարունակում է մնալ դատարկ:

Արդյունքում, դրամը դոլարի նկատմամբ շարունակեց դանդաղորեն թուլանալ`478.3-ից մինչև 478,5 դրամ / $ 1, եվրոյի նկատմամբ ամրապնդվեց`563-ից մինչև 561 ՀՀ դրամ / եվրո, իսկ ռուբլու նկատմամբ իր դիրքերը պահպանեց 8.3 դրամ / ռուբլի մակարդակում: Մեկ տարի առաջ, 2016-ի հոկտեմբերի 6-ին դրամի փոխարժեքը դոլարի նկատմամբ կազմել էր 474,8 դրամ / $ 1, եվրոյի նկատմամբ`531 դրամ / եվրո, իսկ ռուբլու նկատմամբ կազմել էր` 7.6 դրամ/ռուբլի, ինչի խոսում է դրամի տարեկան արժեզրկման մասին:

Ինչպես ԱրմԻնֆո-ին տեղեկացվել է ՀՀ Կենտրոնական բանկի մամուլի ծառայությունից, NASDAQ OMX Armenia-բորսայական հարթակը շարունակում է դատարկ մնալ արդեն հինգերորդ ամիս: Իսկ արժույթի միջբանկային շուկայում հոկտեմբերի 2-6-ը կատարված գործարքների ծավալը կազմել է $ 14.9 մլն, միջին փոխարժեքը`478.86 դրամ / $ 1 (նախորդը կազմել էր 478.58): Դրան զուգահեռ, արժութային ներբանկային շուկայում դոլարի առք / վաճառքի տրենդն իջավ`48,7-39,3% աճից մինչև 7-4% անկում, եվրոյի առքը` 21,8% անկումը փոխարինեց 44.3-% աճով, իսկ վաճառքի գծով` 36.2% աճը դանդքաղեց մինչև 21,4%: Ռուբլու գծով առք ու վաճառքի տրենդը 4,8-47% աճից հետո արձանագրեց 11,9-3,8% անկում: Արդյունքում, գնվել $ 101,4 մլն, 477.63 դրամ / $ 1 միջին փոխարժեքով, 11,4 մլն. եվրո, 560.24 դրամ / եվրո միջին փոխարժեքով և 1.4 մլրդ.ռուբլի, 8.23 ​​դրամ / ռուբլի միջին կշռված փոխարժեքով: Եվ վաճառվել $ 107.2 մլն, 478.81 դրամ / $ 1 միջին կշռված փոխարժեքով, 21.03 մլն. եվրո 564.35 դրամ / եվրո միջին փոխարժեքով , և 598,8 մլն ռուբլի, 8.32 դրամ / ռուբլի միջին հաշվով:

Աղբյուրի համաձայն, նախորդ շաբաթվա (սեպտեմբերի 25-30-ը) Հայաստանի բանկերի կողմից տրամադրվել է 49.7 մլրդ դրամի դրամով վարկեր և $ 70,8 մլն-ի ԱՄՆ դոլարով վարկեր: Նախորդ ժամանակաշրջանի (18 -23-ը սեպտեմբերի) դրամով վարկերն աճել են 26%, իսկ դոլարով տրամադրված վարկերը`52%:

Հարկ է նշել, որ այս տարվա հունվար-հուլիս ամիսներին արտարժույթի բորսայական հարթակում իրականացված գործարքների ընդհանուր ծավալը կազմել է $ 3,3 մլն: ՀՀ Կենտրոնական բանկը հունվար-հուլիս ամիսներին արտարժույթի շուկայում գործարքներ է իրականացրել միայն հունվար, հունիս և հուլիս ամիսներին: