Ամերիաբանկը ՓՄՁ սուբյեկտներին առաջարկում է վարկավորման հատուկ պայմաններ` անհատական մոտեցում յուրաքանչյուր բիզնեսին

Արմինֆո. Նպատակ ունենալով նպաստել ՓՄՁ-ների զարգացմանը և կարևորելով այն հանգամանքը, որ յուրաքանչյուր բիզնես ունի իր առանձնահատկությունները և զարգացման իր պահանջները` Ամերիաբանկը ֆինանսական շուկայում հանդես է գալիս ՓՄՁ-ների վարկավորման լիովին նոր առաջարկով:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկը տրամադրվում է`հաշվի առնելով բիզնեսի առանձնահատկությունները,

մասնավորապես` յուրաքանչյուր վարկառու ստանում է վարկավորման անհատական պայմաններ`կախված բիզնեսի եկամտից, վարկ/գրավ հարաբերակցությունից և իր կողմից նշած վարկավորման անհրաժեշտ ժամկետից:

Արշավի շրջանակներում համադրելով վերը նշված երեք ցուցանիշները` ՓՄՁ-ն կարող է վարկավորվել անգամ՝ ՀՀ դրամի դեպքում 10.5%-ով, ԱՄՆ դոլարի դեպքում 6.5%-ով, եվրոյի դեպքում՝ 5%-ով: Արշավը  գործում է մինչև 2017թ. դեկտեմբերի 30-ը:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2017 թվականի հուլիսի 1-ի դրությամբ Ամերիաբանկն առաջատարն է վարկային ներդրումների ծավալով - 419.9 մլրդ դրամ (ակտիվների 64.3%-ը), ապահովելով այդ ցուցանիշի տարեկան 20,7% աճը: ՓՄՁ վարկավորման ծավալներով Ամերիաբանկը գտնվում է առաջատարների հնգյակում - 74.6 մլրդ դրամ, տարեկան աճը`20.2%: Բանկի ընդհանուր վարկային պորտֆելը բանկի ՓՄՁ հաշիվների համար մոտ 18%, իսկ ընդհանուր վարկերի ՓՄՁ մասնաբաժինը կազմել է ավելի քան 12%: Տարվա առաջին կիսամյակն Ամերիաբանկը եզրափակել է 3,3 մլրդ դրամ զուտ շահույթով, տարեկան աճը`55.8%: (ՀՀ դրամի հաշվարկային փոխարժեքը 2017 թ. հունիսի 30-ի դրությամբ կազմել է 480.47 դր / $ 1):

Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%: