Արմինֆո. ՀՀ գյուղատնտեսության նախարարությունն ուսումնասիրել է ոլորտը և հայտնաբերվել են մի շարք խնդիրներ, որոնց լուծումով հնարավոր կլինի բարձրացնել երկրի գյուղատնտեսության ոլորտի եկամտաբերությունը: «Հայաստանն ունի գյուղատնտեսական աճի մեծ ներուժ, բայց միայն այն դեպքում, եթե լուծվեն բացահայտված թերությունները, մենք կարող ենք հասնել ոլորտի ինդուստրացմանը», - ասել է նախարար Իգնատի Առաքելյանը հոկտեմբերի 11-ին կայացած մամուլի ասուլիսում, խոսելով նախարարության 2016- 2017 թվականի գործունեության արդյունքներին:
Նրա խոսքով, նախարարությունը հայտնաբերվել է հետևյալ խնդիրները`ցածր տեխնիկական միջոցների հագեցվածությունը, ֆինանսական միջոցների հասանելիության և ոչ պատշաճ ոռոգման հետ կապված պրոբլեմները, գյուղացիների խոցելիությունը կլիմայական պայմաններից և վնասների փոխհատուցման համակարգի բացակայությունը, իրացվող ապրանքների գնագոյացման և ֆերմերների վարձատրման պրոբլեմը մթերված բերքի դիմաց, գյուղատնտեսական հողերի գնահատման սխալ համակարգը: Խնդիր է նաև այն, որ Հայաստանում գյուղատնտեսությունը զարգանում է միայն ավանդական գյուղատնտեսական ուղղություններով: Մինչդեռ, այսօր համաշխարհային տրենդում առկա է բարձրակարգ գյուղատնտեսությունը և ինտենսիվ այգիների տունկը, ինչն ապահովում է եկամտաբերության բարձր մակարդակ: Մի շարք խնդիրներ կապված են գրագիտության և հմտությունների բացակայության, ինչպես նաև թույլ խորհրդատվական համակարգի և թերի իրավական դաշտի հետ:
Այնուամենայնիվ, ինչպես նշել է Առաքելյանը, Հայաստանը կարող է լուծել այդ խնդիրները: «Մենք պետք է հասնենք այնպիսի մակարդակի, որպեսզի գյուղացիները գյուղատնտեսությամբ զբաղվեն ոչ թե իրենց հուզող խնդիրները լուծելու համար, այլև որպեսզի գյուղացին զարգանա և ձևավորի ավելի գրագետ տնտեսություն», - ասել է նախարարը:
Այսօրվա դրությամբ, ըստ Իգնատի Առաքելյանի, կառավարության կողմից խոստացված 120 մլն.դոլարի ներդրումներից արդեն իրացվել է 50 մլն.դոլարը: Ըստ նրա, այդ ներդրումներն ուղղվել են ինտենսիվ պտղատու այգիների, ջերմոցների, պանրի արտադրության, ինչպես նաև վերամշակող ընկերությունների և անասնաբուժական տնտեսությունների ստեղծմանը:
Նշենք, որ պետական վիճակագրության նախնական տվյալներով, օգոստոսին համախառն գյուղատնտեսական արտադրանքի ծավալը Հայաստանում տարեկան կտրվածքով կրճատվել է 25%:
