ՏՎԷԼ-ը և ՀԱԷԿ-ը պայմանագրային փաստաթղթեր են ստորագրել ռուսական միջուկային վառելիքի մատակարարումների վերաբերյալ

Արմինֆո. «ՏՎԷԼ՚ ԲԸ և ՀԱԷԿ ՓԲԸ պայմանագրային փաստաթղթեր են ստորագրել ռուսական միջուկային վառելիքի մատակարարումների վերաբերյալ: Այդ պայմանագրի շնորհիվ կապահովվի ոչ միայն վառելիքի հերթական վերաբեռնումը պլանային վերանորոգման համար, այլև կձևավորվի երկու տարվա վառելիքի պահուստ, հաղորդել է վառելիքային ընկերության մամուլի ծառայությունը:

Աղբյուի համաձայն, պայմանագրային փաստաթղթերն ստորագրվիել են «Ռոսատոմի՚  «ՏՎԷԼ՚ վառելիքային ընկերության նախագահ Նատալյա Նիկիպելովայի գլխավորած պատվիրակության Հայաստան այցի ընթացքում: «ՏՎԷԼ՚ վառելիքային ընկերությունը հայ գործընկերներին առաջարկել է բարձրացնել էներգետիկ անվտանգության մակարդակն ու միջուկային վառելիքի մատակարարումների շահավետ առևտրային պայմանները` հաստատելով մեր բազմամյա գործընկերության և փոխադարձ վստահության բարձր մակարդակը: ԱԷԿ-ն առանցքային դեր է խաղում երկիրն էլեկտրաէներգիայով ապահովման գործում, ուստի չափազանց կարևոր է ապահովել դրա երաշխավորված և անխափան աշխատանքը: 2016 թվականին մենք համատեղ որոշում էինք կայացրել ՀԱԷԿ-ում միջուկային վառելիքի պահուստի ստեղծման մասին՚, - նշել է «ՏՎԷԼ՚ ԲԸ նախագահ  Նատալյա Նիկիպելովան:

ՀԱԷԿ միջուկային վառելիքի մատակարարումներն էներգետիկայի ոլորտում ռուս-հայկական համագործակցության կարևոր ուղղություն է: ՀԱԷԿ ռուսական արտադրության  վառելիք է մատակարարվում 1995 թվականից ի վեր, և այդ ընթացքում միջուկային վառելիքի շահագործմանն առնչվող ոչ մի խախտում չի արձանագրվել:

Ավելի վաղ ԱրմԻնֆ-ոի թղթակցի հետ զրույցում ՀԱԷԿ գլխավոր տնօրեն Մովսես Վարդանյանը հաղորդել էր, որ կայանը հաջողությամբ համագործակցում է «ՏՎԷԼ՚ ընկերության հետ` երկար տարիներ շարունակ: Նա տեղեկացրել էր, որ պայմանվորվածություն է ձեռք բերվել 2018 և 2019 թվականներին  վառելիքի մատակարարումների շուրջ: ՀԱԷԿ գլխավոր տնօրենի հավաստմամբ, «ՏՎԷԼ՚-ը վառելիքի հուսալի մատակարար է, որը միշտ ժամանակին է կատարում իր պարտավորությունները: Նա բարձր էր գնահատել ռուսական վառելիքի  որակն ու հուսալիությունը, և ընդգծել, որ «ՏՎԷԼ՚ ապրանքանիշի վառելիքի նկատմամբ երբեք դժգոհություն չի եղել ոչ հայ փորձագետների, ոչ ՀԱԷԿ-ում ստուգումներ անցկացնող օտարերկրյա մասնագետների շրջանում:

«ՏՎԷԼ» ԲԸ ստեղծվել է 1996 թվականի սեպտեմբերի 12-ին` «Ռոսատոմ» պետական կորպորացիայի կազմում: «ՏՎԷԼ»-ը ռուսական ԱԷԿ-ների համար միջուկային վառելիքի միակ մատակարարն է: «ՏՎԷԼ»-ը միջուկային վառելիքով ապահովում է աշխարհի 14 երկրների 75 էներգետիկ ռեակտորներ, հետազոտական ռեակտորներ, ինչպես նաև ռուսական ատոմային նավատորմի տրանսպորտային ռեակտորները: Աշխարհի յուրաքանչյուր վեցեորդ էներգետիկ ռեակտոր աշխատում է ՏՎԷԼ-ում արտադրված վառելիքով: