Արմինֆո. «Հայաստանի ներդրողների ակումբ» հիմնադրամը հանրապետությունում իրականացնում է երկու ծրագիր, 250 մլն.դոլար ընդհանուր գումարով: Այս մասին հոկտեմբերի 18-ի ասուլիսում հայտարարել է ՀՀ տնտեսական զարգացման և ներդրումների նախարար Սուրեն Կարայանը:
Ինչպես պարզաբանել է նախարարը, խոսքը գնում է «Շնող» ՀԷԿ-ի և կոշտ թափոնների մշակման ձեռնարկության շինարարության մասին: Իսկ երկրորդ ծրագրի մանրամասները նախարարը ձեռնպահ է մնացել հրապարակել: «Շնող» ՀԷԿ-ի շինարարության մասին շրջանակային համաձայնագիրը`ՀՀ կառավարության, ՍՊԸ «Դեբեդ-Հիդրո» ընկերության և «Հայաստանի ներդրողների ակումբ» հիմնադրամի միջև կառավարության նհավանությանն է արժանացել օգոստոսի 10-ին: Շնողի ՀԷԿ-ը կապահովի երկրի ներքին սպառման 5 տոկոսից ավելին: Համաձայնագրի շրջանակներում նախատեսվում են 76 ՄՎտ հզորոթւյամբ Շնողի ՀԷԿ-ի նախագծման, շինարարության, ֆինանսավորման աշխատանքները, տիրապետման, օգտագործման և տնօրինման իրավունքներով: Նախագծի ընդհանուր արժեքը, ըստ Էներգետիկայի նախարար Աշոտ Մանուկյանի, գնահատվում է 150-160 մլն դոլար, որը ենթակա է ճշգրտման: Նախատեսվում է, որ Հայաստանի կառավարությունը կաջակցի կառուցապատողին հիդրոէլեկտրակայանի համար տարածքի ձեռքբերման հարցում: Իսկ կառուցապատողը պարտավորվում է իրականացնել շինարարական աշխատանքներ այդ օբյեկտի գծով: ՀԷԿ-ի շահագործման հանձնելուց հետո առնվազն 20 տարի կառավարությունը երաշխավորում է, որ «Հայաստանի էլեկտրական ցանցեր» ՓԲԸ-ն տարեկան կգնի առնվազն 500 մլն կՎտժ էներգիա:
2017 թվականի հունվարի 25-ին Ռուսաստանում բնակվող մի խումբ հայ գործարարներ որոշում ընդունեցին մասնակցել Հայաստանի կառավարության գործարար ծրագրերին: «Հայաստանի ներդրողների ակումբը» Հայաստանի Կենտրոնական բանկի կողմից գրանցված առաջին ոչ առևտրային ներդրումային հիմնադրամն է: Նպատակն է ներգրավել ներքին և արտաքին մասնավոր ֆինանսական միջոցներ, խթանել տնտեսության այնպիսի կարևոր ոլորտները, ինչպիսիք են`էներգետիկան, այդ թվում ` այլընտրանքային էներգիայի արտադրությունը, էներգետիկի և զբոսաշրջային ենթակառուցվածքները, հանքարդյունաբերությունը, սննդի և թեթև արդյունաբերությունները: Հիմնադրամը կառավարվում է «Ֆորա Կապիտալ» ՍՊԸ-ի կողմից: Ավելի վաղ տեղեկացվել էր, որ 2017 թվականին «Հայկական ներդրողների ակումբ» հիմնադրամի ներդրումները կկազմեն 300 միլիոն դոլար:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին
Նախկին պատգամավորը՝ Հայաստանի տնտեսական իրավիճակի մասին. այն, ինչը ջուրն է բերում, ջուրն էլ տանում է