Հինգշաբթի, 19 Հոկտեմբերի 2017 19:02
Կարինա Մելիքյան

IFC-ն ԻՆԵԿՈԲԱՆԿ-ին կօգնի նվազեցնել տոկոսադրույքի ռիսկը՝ դյուրացնելով ֆինանսական միջոցների հասանելիությունը

IFC-ն ԻՆԵԿՈԲԱՆԿ-ին կօգնի նվազեցնել տոկոսադրույքի ռիսկը՝ դյուրացնելով ֆինանսական միջոցների հասանելիությունը

Արմինֆո. Համաշխարհային բանկի խմբի անդամ Միջազգային ֆինանսական կորպորացիան (IFC) աջակցում է ԻՆԵԿՈԲԱՆԿ-ին՝ ներգրավվելու տոկոսադրույքի սվոփ գործարքներում, որոնք կօգնեն ավելի լավ կառավարել տոկոսադրույքային ռիսկերը տեղական բիզնեսների համար ֆինանսական միջոցների հասանելիության ապահովման գործընթացում։

IFC-ն և ԻՆԵԿՈԲԱՆԿ–ը ստորագրել են Սվոփների և ածանցյալ գործիքների միջազգային ասոցիացիայի (ՍԱԳՄԱ) գլխավոր համաձայնագիրը, որը բանկին հնարավորություն կտա հեջավորել ԱՄՆ դոլարի տոկոսադրույքային ռիսկերը՝ չմարված երկարաժամկետ փոխառությունների համար։ ՍԱԳՄԱ-ի գլխավոր համաձայնագիրը ստանդարտ փաստաթուղթ է, որն օգտագործվում է ածանցյալ գործիքներով արտաբորսայական գործարքների հետ կապված հարաբերությունների կարգավորման համար։

«IFC-ի հետ կնքած այս նոր համաձայնագիրը կօգնի մեզ ավելի լավ համապատասխանեցնել մեր ակտիվների և պարտավորությունների դիրքերը, ինչպես նաև հզորացնել ֆինանսական միջոցների արդյունավետ կառավարման մեր կարողությունները», - նշեց ԻՆԵԿՈԲԱՆԿ-ի գործադիր տնօրենի ժամանակավոր պաշտոնակատար Գառնիկ Թադևոսյանը։ «Ռիսկի կառավարման այս նոր գործիքի շնորհիվ կկարողանանք մեր երկարաժամկետ փոխառությունների տոկոսադրույքներն ամրագրել նպաստավոր մակարդակի վրա, ինչը, հաստատապես, կօգնի ավելի արժեքավոր պայմաններ առաջարկել մեր հաճախորդներին»։

Համաշխարհային տնտեսական ֆորումի «Մրցունակության համաշխարհային զեկույց 2016-2017»-ի (the World Economic Forum’s Global Competitiveness Index 2016-2017) համաձայն՝ Հայաստանում գործարարությամբ զբաղվելու ամենամեծ խոչընդոտը ֆինանսական միջոցների հասանելիությունն է։ ԻՆԵԿՈԲԱՆԿ-ին՝ տոկոսադրույքային ռիսկերի հեջավորմանն օգնելուն զուգահեռ նոր գործիքը կբարելավի նաև բանկի հաճախորդներին երկարաժամկետ ֆինանսավորում տրամադրելու հնարավորությունները, ինչն, իր հերթին, կնպաստի զարգացմանը և աշխատատեղերի ստեղծմանը։

«Մեր երկարաժամկետ գործընկեր ԻՆԵԿՈԲԱՆԿ-ի հետ կնքած այս համաձայնագիրը մեր ընդհանուր ռազմավարության մի մասն է, որի նպատակն է բարելավել բանկերի՝ u1404 .իսկի կառավարման կարողությունները և ներկայացնել իրենց հաճախորդների համար շահավետ նորարարական արտադրանք», - ասաց IFC-ի Հարավային Կովկասի տարածաշրջանային ղեկավար՝ Յան վան Բիլսենը։

Հայաստանը IFC-ի անդամ է դարձել 1995 թվականին։ Այդ ժամանակից ի վեր, IFC-ն տրամադրել է 480 միլիոն ԱՄՆ դոլար, որից մոտ 118 միլիոնը գոյացել է այլ վարկատուների միջոցներից, ֆինանսավորելով շուրջ 49 ծրագիր մի շարք ոլորտներում, որոնցից են ֆինանսական շուկաները, արտադրությունը, ագրոբիզնեսը, սպասարկումն ու հանքարդյունաբերությունը։ IFC-ն աջակցել է նաև ավելի քան 130 միլիոն ԱՄՆ դոլար արժողությամբ առևտրային գործարքներին՝ առևտրի ֆինանսավորման ծրագրի միջոցով, ինչպես նաև իրականացրել մասնավոր հատվածի զարգացմանն ուղղված խորհրդատվական ծրագրեր։

Միջազգային ֆինանսական կորպորացիայի (IFC) մասին

Համաշխարհային բանկի խմբի անդամ IFC-ն համաշխարհային զարգացման ամենախոշոր հաստատությունն է, որի ուշադրությունն ուղղված է զարգացող երկրների մասնավոր հատվածին: Աշխատելով ավելի քան 2,000 բիզնեսների հետ աշխարհի տարբեր երկրներում` օգտագործում ենք մեր կապիտալը, փորձառությունը և ազդեցությունը` աշխարհի զարգացող երկրներում շուկաներ և հնարավորություններ ստեղծելու համար։ 2017 թվականի ֆինանսական տարում մասնավոր հատվածի օժանդակությամբ նպաստելով ծայրահեղ աղքատությանը վերացմանը և համընդհանուր բարեկեցությանը, մեր երկարաժամկետ ներդրումները զարգացող երկրներում հասել են շուրջ 19.3 միլիարդ ԱՄՆ դոլարի: Տես ավելին՝ www.ifc.org վեբ կայքում։

ԻՆԵԿՈԲԱՆԿ-ի մասին

Հիմնադրվելով 1996 թվականին, ԻՆԵԿՈԲԱՆԿ-ը ակտիվ զարգացող բանկ է, որն ունիվերսալ բանկային ծառայություններ է մատուցում Հայաստանի ֆինանսական ծառայությունների շուկայում։ Բանկի նպատակն է դառնալ մանրածախ, միկրո և ՓՄՁ հաճախորդների համար պարզ և արդյունավետ բանկային ծառայություններ մատուցող առաջնակարգ բանկ՝ զարգացող երկրներում։ ԻՆԵԿՈԲԱՆԿ-ն աշխատում է շուրջ 30 միջազգային ֆինանսական հաստատությունների հետ, այդ թվում՝ կապիտալ ներդրող 3 կազմակերպությունների հետ (IFC, ԳՆԶԸ և ՎԶԵԲ), ինչպես նաև խոշոր վարկային կազմակերպությունների հետ, ինչպիսիք են ԶԱԲ-ը, ՆԶՖԸ-ն, ՍԾԱԶԲ-ն, ՀԱԵԵՀ-ն, ԱԶԲ-ն (ADB, FMO, BSTDB, EFSE, OeEB, OFID) և այլն: Տես ավելին՝ www.inecobank.am վեբ կայքում։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
19.02.2020
RUB7.530.02
USD478.63-0.32
EUR517.06-1.31
GBP622.510.11
CAD361.610.60
JPY43.42-0.24
CNY68.36-0.23
CHF486.61-1.72



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000