Արմինֆո. Հայաստանի կառավարությունը 2018 թվականին չի նախատեսում բարձրացնել աշխատավարձերը և կենսաթոշակները: Փոխարենը նախատեսում է բարձրացնել Կառավարման աշխատակազմի, մասնավորապես, հարկային և մաքսային համակարգերի աշխատավարձերը:
«Մենք պարտավոր ենք ապահովել ՀՆԱ-ի անհրաժեշտ մակարդակ, և միայն դրանից հետո համարձակորեն գնանք կենսաթոշակների և աշխատավարձերի բարձրացմանը», - ի պատասխան ԱրմԻնֆո գործակալության թղթակցի հարցին, հայտրարել է ՀՀ ֆինանսների նախարար Վարդան Արամյանը հոկտեմբերի 22-ին կայացած «2018 թվականի պետական բյուջե» խորագրով սեմինարի ընթացքում:
Ըստ հաջորդ տարվա բյուջեի նախագծի, գանձապետական ծախսերը կավելանան 104 մլրդ դրամով, ընթացիկ տարվա հաստատված 1,360.1 մլրդ-ից մինչև 1 464,2 մլրդ դրամ: Բյուջետային ծախսերի հիմնական ուղղությունները կլինեն սոցիալական հոդվածները` կենսաթոշակները և նպաստները`27% կամ 398.4 մլրդ դրամով, Բյուջետայինների աշխատավարձերը` 21% կամ 309.5 մլրդ դրամ, իսկ պաշտպանական ոլորտը կպահանջի 12% կամ 181.7 մլրդ դրամ: Պետական պարտքի սպասարկմանը (տոկոսադրույք) կհատկացվի 140.5 մլրդ դրամ ($ 67.8 մլն դոլար) կամ 10%: Այլ ծախսերի հոդվածով նխատեսվում է հատկացնել 261 մլրդ դրամ կամ 18%`դրամաշնորհներ համայնքներին`48.2 մլրդ դրամ (3%), սոցիալ-մշակութային ոլորտին և գիտությանը`68,7 մլրդ դրամ (5%, պահուստային ֆոնդը կստանա 21,1 մլրդ դրամ (1%), իսկ առևտրի ներկայացուցչությունները, դեսպանատունները կստանան $ 11 մլրդ կամ ընդհանուր բյուջետային ծախսերի 1%-ը, վարչական ապպարատի ծախսերը կկազմեն 13.2 մլրդ դրամ (1%) և ուժային բլոկի այլ ծախսերը կկազմեն 17.9 մլրդ դրամ (1%) և այլ ուղղությունները կստանան 81.5 մլրդ (6%): Այսպիսով, աշխատավարձերի գծով բյուջեով հատկացված 3,001.2 մլն դրամից (չհաշված ուժայիններին), առողջապահական ոլորտի 32,570 աշխատողներին կհատկացվի 2,179.4 մլն դրամով պակաս`44,471.5 մլն դրամ: Կրթության ոլորտը կստանա 2,947.8 մլն դրամով պակաս, 63.612 աշխատողների աշխատավարձի ֆոնդը կկազմի 97,525.7 մլն դրամ, Հանգստի, մշակույթի և կրոնի ոլորտներին 12,729.3 մլն դրամի ֆոնդը կրճատվի 12,205.7 մլն.-ով: Սոցիալական ոլորտի 3,072 աշխատողների աշխատավարձի ֆոնդը կկազմի 62,6 մլն դրամով պակաս - 4,402.1 մլն դրամ, իսկ գիտությունը կպահպանի նախկին աշխատավարձի ֆոնդը - 5.778 աշխատողները կստանան 8,169.2 մլն դրամ: Այլ ոլորտները կստանան 19,7 մլն դրամ:
Աշխատավարձի ֆոնդի աճ է սպասվում տնտեսության ոլորտներում - 9,123.3 մլն.դրամով, մինչև 9,262.5 մլն դրամ: Ավելի շատ կշահեն կառավարման աշխատակիցները, կրճատավելով 19.221-ից մինչև 18.444, որոնց աշխատավարձի ֆոնդն ավելացել է 2,592.7 մլն դրամով, մինչև 66,446.2 մլն դրամ: Մասնավորապես, «շոկոլադում» են հայտնվել հարկային և մաքսային ոլորտի աշխատողները: Ինչպես բացատրել են ՀՀ ֆինանսների նախարարությունում, եթե ՊԵԿ-ում միջին աշխատավարձը մեկ տարի առաջ կազմում էր 80 հազար դրամ, ապա այսօր աճել է մինչև 313 հազար դրամ:
Ավելի վաղ, այս տարվա մայիսի 11-ին, ի պատասխան ԱրմԻնֆոյի թղթակցի`ՊԵԿ աշխատակիցների բոնուսային վճարների արդյունավետության և հիմնավորվածության մասին հարցին, ՊԵԿ ղեկավար Վարդան Հարությունյանը նշել էր, որ ՊԵԿ-ը սկսել է մտածել իր աշխատակիցների ֆինանսական մոտիվացիայի մասին: «Շրջանառվող լուրերն այն մասին, որ ՊԵԿ աշխատակիցների աշխատավարձերը բարձր են, չի համապատասխանում իրականությանը: Եվ մենք այժմ աշխատում ենք Կոմիտեի աշխատավարձերի բարձրացման ուղղությամբ», - ասել է նա: Նա նաև չի ժխտել, որ կան երևույթներ, փաստեր, որոնք արատավորում են ՊԵԿ աշխատողների «բարի անունը»:
Հարկ է նշել, որ տնտեսական աճը 201-ին նախատեսվում է 4.5% կամ $ 11,948.9 մլն. 12-ամսյա գնաճը մինչև տարեվերջ կկազմի 4% 2017-ին 2,4% փոխարեն: Արտահանումը կկազմի ՀՆԱ-ի 37.4% -ը, 2017-ին կանխատեսվածից 37% փոխարեն: Կոնսոլիդացված բյուջեն 2018 թ-ին եկամտային մասով կկազմի 1,307.3 մլրդ դրամ (առանց միջբյուջետային մուտքերի): Տարվա արդյունքներով եկամուտների կհասնեն 1.210 տրլն դրամի: 2018-ին հարկեր կկազմեն 1,247,9 մլրդ դրամ կամ ՀՆԱ-ի 21.3% -ը, այս տարվա 21,2% փոխարեն (1135.0 մլրդ դրամ) (ճշգրտված հարկեր/ ՀՆԱ կկազմի 21,3%, 2017-ի 20,9% փոխարեն): Հաջորդ տարի, ինչպես բացատրեց Ֆինանսների նախարարությունում, պետական գանձարանը կստանա ավելի քան 395 մլրդ դրամ, ԱԱՀ-ի, եկամտահարկի և շահութահարկի վճարումների գծով բիզնեսին կատարված զիջումների շնորհիվ:
Դեֆիցիտ/ՀՆԱ հարաբերակցությունը կկազմի 2.7%, կանխատեսված 3.2%-ի փոխարեն, և 5.5% 2016-ի արդյունքներով, համապատասխանաբար կազմելով`156.9 մլրդ դրամ, 150.1 մլրդ և 284.7 մլրդ դրամ: 2018-ի վերջի դրությամբ պետական պարտքն ընթացիկ տարվա համեմատ կավելանա ևս 300 մլն դոլարով, մինչև ավելի քան 7 մլրդ ԱՄՆ դոլար, կազմելով ՀՆԱ-ի 60% -ը:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ