Արմինֆո. ՀՀ Պետական եկամուտների կոմիտեն (ՊԵԿ) նախաձեռնում է հարկային օրենսդրության ազատականացման գործընթացը, խախտումների դիմաց կիրառվող պատժամիջոցների առումով: Այս մասին հայտարարել է ՊԵԿ իրավաբանական վարչության ղեկավար Արման Մնացականյանը, հոկտեմբերի 27-ին ներկայացնելով ոլորտի իրավական կարգավորման բարեփոխումները, ինչպես նաև հարկային վարչարարության պարզեցման առաջիկա նախաձեռնությունները:
Մասնավորապես, ինչպես նշել է, Մնացականյանը, նախկինում օրենսդիրը սահմանում էր վարչական տուգանք, 10-20 հազար դրամի չափով, հարկերը ժամանակին չվճարելու համար: «Շատ հաճախ հարկային պարտքի առկայության պայմաններում, նույնիսկ մեկ հազար դրամ, նախատեսվում էր դրամական տուգանք, որն առաջացնում էր բիզնեսի դժգոհությունը», - պարզաբանել է նա: Միաժամանակ, ինչպես հիշեցրել է ՊԵԿ ներկայացուցիչը, համաձայն «Հարկերի մասին» ՀՀ օրենքի 23-րդ Հոդվածի, հարկերի վճարումն ուշացնելու դեպքում ուշացման յուրաքանչյուր օրվա դիմաց վճարում է տուգանք, չվճարված գումարի 0.15% չափով: Ընդառաջելով համապատասխան ղեկավարներին ու ձեռներեցներին, ինչպես նաև վարչապետ Կարեն Կարապետյանի հանձնարարության շրջանակներում, Կոմիտեն որոշեց պարզեցնել հարկային վարչարարության գործընթացը, ազատականացնելով հարկային օրենսդրությունը: Արդյունքում, կիրառելով խախտման նկատմամբ իրավական պատասխանատվության համաչափության սկզբունքը, որոշվեց վարչական պատասխանատվության սկզբունքը կիրառել միայն այն դեպքերում, երբ հարկային պարտքը գերազանցում է 200 հազար դրամը:
Պետական եկամուտների կոմիտեն նախատեսում է նաև կառավարությանը ներկայացնել օրենսդրական փոփոխությունների ևս մեկ փաթեթ, կապված առավել հաճախ հանդիպող խախտումների հետ հարկային ոլորտում`պահանջվող հաշվետվությունները չներկայացնելու կամ ուշացնելու դեպքերում: Նման խախտումների դիմաց, նշել է Մնացականյանը, ներկայումս տուգանքը կազմում է 10-20 հազար դրամ: Օրենքով չեն նախատեսված տուգանքի նվազագույն և առավելագույն չափերը, դրանք տրված են լիազոր մարմինների հայեցողությանը, նշել է նա: «Եթե կառավարությունն ու խորհրդարանը հաստատեն փաստաթուղթը, ապա հարկային խախտումներոբ նախատեսված պատիժները, եթե կատարվել են առաջին անգամ, կփոխարինվեն նախազգուշացումով: Իսկ մեկ տարում կրկնվելու դեպքում օրենսդիրը կամրագրի տուգանքների կոնկրետ չափեր, դրանք չփոխանցելով լիազորված անձի հայեցողությանը», - ասել է Մնացականյանը:
Հարկային և մաքսային մարմինը հայտարարել է մեկ նորարարության մասին, դա վերաբերում է հարկային վճարումների վերականգնմանն առանց դատարան դիմելու: Ներկայումս, նշել է Մնացականյանը, հաճախ հարկ վճարողները չեն կատարում իրենց հարկային պարտավորությունները սահմանված ժամկետում, ինչի հետևանքով հարկային մարմնի որոշակի գործողություններ է ձեռնարկում չմարված հարկային պարտավորությունը հարկադրաբար վերականգնելու նպատակով: Այդ գործընթացը ներառում է տարբեր ընթացակարգեր, որոնք հիմնականում կապված են հարկատուին պատշաճ ծանուցելու խնդրի հետ: Դրանից անբարեխիղճ հարկատուները հմտորեն խուսափում են, ինչը փակուղու մեջ է դնում ողջ գործընթացը: Նոր օրենսդրական նախաձեռնությունը հարկային մարմնին իրավունք է տալիս, անվիճելի հարկային պարտավորությունների դեպքում, իրականացնելու նախատեսված գործողություններ, առանց ծանուցուման, ելնելով այն նկատառումներից, որ տնտեսվարողն այդ մասին ծանուցված է: Այս նորարարությունը նաև ենթադրում է պարտատիրոջ հաշիվներից դրամական միջոցների ավտոմատ առգրավում:
Ավելի վաղ, օգոստոսի 24-ին կառավարության նիստում, ՀՀ վարչապետ Կարեն Կարապետյանը հայտարարել էր, որ փոքր և միջին ձեռնարկությունների ներկայացուցիչների հետ հանդիպումների ընթացքում հայտնաբերվել են ամենահաճախ տեղի ունեցող վարչական խախտումները հարկային ոլորտում: