Վարդան Արամյան. 2018 թվականին Հայաստանի բնակչության կյանքի որակը կբարելավվի

Արմինֆո. «ՀՀ Ֆինանսների նախարարությունը հոգ է տանում ժողովրդի մասին, և այն ամենը, ինչ արվում է, արվում է ժողովրդի համար», - հայտարարել է ՀՀ ֆինանսների նախարար Վարդան Արամյանը, պատասխանելով դիտարկմանն այն մասին, որ երկրի քաղաքացիները հոգնել են դատարկ խոսակցություններից և սպասում են, թե երբ իշխանությունը բառերից կանցնի գործերին: ՀՀ ֆինանսների նախարարությունը հոկտեմբերի 30-ին ներկայացրեց Հայաստանի 2018 թվականի պետական բյուջեի նախագիծը: Նախարարի խոսքով, Ֆինանսների նախարարությունն այսօր չի կարող ասել, հայերի կյանքի որակը կտրուկ կբարելավի: Ֆինանսական գերատեսչությունը, այնուամենայնիվ, երաշխավորում է հաջորդ տարվա համար նախատեսված բյուջեի նախագծում նշված ցուցանիշների կատարում: Հայաստանի քաղաքացիների կենսամակարդակի բարելավման համատեքստում Արամյանը նշել է Հայաստանում մեկ շնչի հաշվով ՀՆԱ-ի սպասումները: 2016-ի վերջում այս ցուցանիշը հավասար էր 3532 դոլարի, իսկ հաջորդ տարվա վերջին ակնկալվում է`3699 դոլար, իսկ մինչև հաջորդ տարվա վերջը`3985դոլար: «Դա նշանակում է, որ կենսամակարդակի գծով համախառն ներքին արդյունքը մեկ շնչի հաշվով կարձանագրի աճ», - ասել է նախարարը:

Կյանքի որակի փոփոխության մյուս ցուցանիշը, ըստ Վարդան Արամյանի, անհատական ​​(վերջնական) սպառման դինամիկան է: 2016 –ին այս ցուցանիշը նվազել է 0.5%, այդ նույն արտաքին բացասական ցնցումների պատճառով, իսկ այս տարվա հունվար-հունիսին այն աճել է 4.5%: 2017-ի վերջին ակնկալվում է 5,7% իրական աճ, ինչը պայմանավորված է իրական սպառման աճով: Դա, ինչպես բացատրել է նախարարը, պայմանավորված է Հայաստանի բնակչության դրական ակնկալիքներով, եկամուտների առումով: 2018 թ.-ին, նախատեսվող աճի բյուջեի ապահովման պայմաններում, սպասվում է իրական սպառման 6.5% աճ: Միևնույն ժամանակ, ինչպես նշվել են Ֆինանսների նախարարությունում, աճը կարձանագրվի մասնավոր և պետական ​​հատվածներում:

Միևնույն ժամանակ, ըստ Վարդան Արամյանի, եթե նույնիսկ զարգացած երկրներում հետաքրքրվենք տնային տնտեսությունների կյանքի որակի փոփոխություններով, նույնիսկ 10-12% աճի պայմաններում ոչ ոք չի խոսի աճի մասին: Պատասխանը հիմնականում կլինի չեզոք, կամ էլ բացասական: Ըստ համընդհանուր ընդունված կանոնների և ակադեմիական գրականության, պարզաբանել է նախարարը, մեկ բավարարված պահանջարկը կարիքն է, որը վերածվում է պահանջարկի, առաջացնելով հարյուրավոր նոր կարիք: Այսօր աճում են երկրի բնակչության կարիքները, մինչդեռ, նա հիշեցրել է, 96-ին մեր պահանջարկները շատ ավելի համեստ էին, բոլորս երազում էինք միայն հագուսների մասին: Դա, սպառողական հոգեբանության տեսանկյունից, ըստ Արամյանի, նորմալ է, այլ բան է, երբ կառավարությունը պետք է ապահովի երկրի քաղաքացիների կարիքներն ու պահանջները: «Այս համատեքստում մենք վստահ ենք, որ մենք գնում ենք ճիշտ ուղղությամբ», - եզրափակել է ՀՀ ֆինանսների նախարարը:

Ավելի վաղ ՀՀ ֆինանսների նախարար Վարդան Արամյանը հայտարարել էր, որ 2020-ին երկրի մեկ շնչին ընկնող ՀՆԱ-ն կկազմի 4700 դոլար, ներկայիս 3500 դոլարի փոխարեն: Ընդ որում,  հաշվարկը կատարվել է`հիմք ընդունելով 480 դրամ մեկ ԱՄՆ դոլարի դիմաց փոխարժեքի պահպանումը: Մինչդեռ, մայիսի 18-ին, ՀՀ նախագահ Սերժ Սարգսյանը, դինելով խորհրդարանական պատգամավորներին, ասել էր, որ 2040 թվականին մեկ շնչին ընկնող ՀՆԱ-ն նախատեսվում է մեծացնել մինչև 15,000 դոլար, ինչպես նաև բարելավելով ինչպես ՀՆԱ աճի տեմպերը, այնպես էլ ժողովրդագրական իրավիճակը: Ինչպես հայտարարել էր Սարգսյանը 1990-2015 թվականներին ՀՆԱ-ի ամենամյա աճը  Հայաստանում 2 մլրդ 257 մլն դրամից հասել է 10 մլրդ 529 մլն դրամի, ավելանալով մոտ 4.7 անգամ: Իսկ 2016-2040 թվականներին նախատեսվում է ապահովել տարեկան 5% միջին աճ, հասնելով մոտ 57-60 մլրդ դոլարի, ապահովելով մոտ հինգ ու կես անգամ աճ: