Արմինֆո. «Կասպերսկու լաբորատորիան՚ Ռուսաստանի, Հայաստանի և Մալայզիայի ֆինանսական կազմակերպությունների նկատմամբ նոր թիրախային գրոհ է հայտնաբերել, հաղորդել է «Պրայմը՚` վկայակոչելով ընկերության հաղորդումը: «Առաջին ալիքն սկսվել է 2017-ի հուլիսին, իսկ նորն իրականացվում է այժմ: Աննկատ լինելու և գաղտնի մնալու իր հատկության համար հարձակումը կոչվել է Silence (լռություն – խմբ.)՚, - հաղորդում է «Կասպերսկու լաբորատորիան՚: Ընկերության փորձագետների ասելով, վարակումը կատարվում է թիրախային ֆիշինգային նամակների միջոցով, որոնք .chm. ձևաչափի վնասակար հավելվածներ ունեն: Հաճախ նամակի տեքստը հաշիվ բացելու սովորական հարցման տեսք է ունենում, պարզաբանել են ընկերությունում: Նամակը բացելու արդյունքում վարակը ներթափանցում է կորպորատիվ ցանց և այն ուղարկողներին հնարավորություն ընձեռում ուսումնասիրելու ենթակառուցվածքը, ինչպես նաև հետևելու աշխատակիցներին, մասնավորապես` մոնիտորների էկրաններին տեղադրված տեսախցիկների օգնությամբ: Տվյալների ուսումնասիրությունից և վերլուծությունից հետո հակերները կողոպուտ և դրամական փոխանցում են իրականացնում:
«Բանկերի և ֆինանսական կազմակերպությունների նկատմամբ գրոհները կիբեռհանցագործների համար հարստացման ամենաարդյունավետ եղանակներից մեկն է: Այն, որ Silence գրոհն արձանագրվել է արդեն մի քանի երկրում, խոսում է խմբի աճող ակտիվության մասին: Ընդ որում, չարագործները օգտագործում են օրինական վարչական գործիքներ` աննկատ մնալու նպատակով: Դա բարդացնում է գրոհի հայտնաբերումը՚, - նշել է «Կասպերսկու լաբորատորիայի ավագ հակավիրուսային փորձագետ Սերգեյ Լոժկինը, ում խոսքերը վկայակոչվում են հաղորդագրությունում: «Կասպերսկու լաբորատորիայի՚ մամուլի ծառայությունում ճտել են, որ նոր թիրախային գրոհի զոհ են դարձել Ռուսաստանի տասնյակ բանկեր:
Արդյոք բոլոր փողերը պաշտպանված են ռուսական բանկերում
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի