Չորեքշաբթի, 1 Նոյեմբերի 2017 16:45
Ալինա Հովհաննիսյան

ՀՀ-ում ԱՄՆ դեսպանատուն. 2017 թ. 8 ամիսներին Միացյալ Նահանգների և Հայաստանի միջև ապրանքաշրջանառությունն աճել է 35 տոկոսով

ՀՀ-ում ԱՄՆ դեսպանատուն. 2017 թ. 8 ամիսներին Միացյալ Նահանգների և Հայաստանի միջև ապրանքաշրջանառությունն աճել է 35 տոկոսով

Արմինֆո. Նոյեմբերի 1-ին ՀՀ-ում ԱՄՆ դեսպանատունը, գործակցելով ՀՀ գյուղատնտեսության նախարարության և Էյչ-Էս-Բի-Սի Բանկ Հայաստանի հետ, կազմակերպել էր գործարար համաժողով՝ նվիրված գյուղատնտեսությանը: Նպատակը ոլորտի հայկական ընկերություններին ամերիկյան հայտնի «Վալմոնտե և «Մոնսանտոե ընկերությունների փորձի, ապրանքների ու տեխնոլոգիաների ներկայացումն էր ու կապերի ձևավորումը:

Համաժողովը միտված էր ամրապնդել Միացյալ Նահանգների և Հայաստանի կոմերցիոն կապերը ագրոբիզնեսի ոլորտի ամերիկյան ու հայկական կառույցների միջև կապեր հաստատելու միջոցով, և հնարավորություն տալով ամերիկյան ընկերություններին ներկայացնել ոլորտի վերջին տեխնոլոգիական զարգացումները:

«Գյուղատնտեսությունը Հայաստանի տնտեսության կարևորագույն ճյուղերից մեկն է, այն ապահովում է Հայաստանի ՀՆԱ-ի 19.6 տոկոսը և հայաստանյան աշխատուժի 36.2 տոկոս զբաղվածությունը: Միացյալ Նահանգները ջանում է բարելավել մեր երկու երկրների կոմերցիոն հնարավորությունները և խորացնել առևտրա-ներդրումային հարաբերությունները: Ուրախությամբ կարող ենք փաստել, որ այս տարվա առաջին 8 ամիսների ընթացքում Միացյալ Նահանգների և Հայաստանի միջև ապրանքաշրջանառությունն ըստ ԱՄՆ վիճակագրական ծառայության տվյալների աճել է 35 տոկոսով»,-  բացման խոսքում ասել է ԱՄՆ գործերի հավատարմատար Ռաֆիկ Մանսուրը:

Ամերիկյան երկու ընկերություններ՝ «Վալմոնտըե և «Մոնսանտոնե ներկայացուցիչներ էին գործուղել, ովքեր այս համաժողովում ներկայացրեցին իրենց ընկերությունների ապրանքները և ուսումնասիրեցին Հայաստանում առկա գործարար հնարավորությունները: Այս մեկօրյա համաժողովում զեկուցումներով հանդես եկան նաև Էյչ-Էս-Բի-Սի Բանկ Հայաստանի, Միջազգային ֆինանսական կորպորացիայի, Ագրոբիզնեսի ու գյուղի զարգացման ՔԱՐԴ կենտրոնի և ՀՀ կառավարության ներկայացուցիչները:

Միջոցառումն ամերիկյան ընկերություններին թույլ տվեց առավել հստակ պատկերացում կազմել Հայաստանի կառավարության ու գործարար դաշտի նպատակների ու առաջնահերթ խնդիրների մասին, իսկ հայկական ընկերությունների համար դա հնարավորություն էր ծանոթանալու բերքատվության մեծացման ու հավելյալ արժեք ձևավորելու նորագույն մոտեցումներին: Համաժողովից հետո տեղի ունեցան հանդիպումներ ամերիկյան ու հայկական ընկերությունների ներկայացուցիչների միջև:

Հայաստանի ազգային վիճակագրական ծառայության տվյալներով՝ 2017 թվականի հունվար-սեպտեմբերին Հայաստանի և ԱՄՆ-ի միջև արտաքին առևտրաշրջանառությունը կազմել է 139.9 մլն դոլար՝ 61.2% տարեկան աճով: Հայաստանից  ԱՄՆ ապրանքների և ծառայությունների արտահանումն աճել է 62,9% -ով՝ մինչև 47,2 մլն դոլար, ներմուծումը `60,3% -ով, մինչև 92,7 մլն դոլար: Հայաստանի և ԱՄՆ-ի արտաքին առևտրաշրջանառությունը 2016 թ. անկում է ապրել՝տարեկան 21 տոկոսով, մինչև 126.9 մլն դոլար, իսկ արտահանումը կրճատվել է 26.7 տոկոսով, մինչեւ 38.8 մլն դոլար, ներմուծումը `18.2 տոկոսով, մինչև 88.1 մլն դոլար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
27.02.2020
RUB7.280.00
USD478.490.10
EUR523.132.21
GBP617.20-2.08
CAD359.20-0.41
JPY43.420.05
CNY68.15-0.07
CHF492.171.11



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000