«Գործարարությամբ զբաղվելը» զեկույցում Հայաստանի դիրքերի բարելավման հարցով կզբաղվի միջգերատեսչական աշխատանքային խումբը

Արմինֆո. Այսօր կառավարության նիստում վարչապետ Կարեն Կարապետյանը, անդրադառնալով Համաշխարհային բանկի հրապարակած՝ «Գործարարությամբ զբաղվելըե 2018 թվականի զեկույցին, նշել է, որ այն ցույց է տալիս, որ գնահատման ժամանակահատվածում արձանագրվել է 9 կետով նահանջ:

«Թեև զեկույցում, դասակարգման հիմք հանդիսացող ինդեքսում արձանագրել ենք 0,59 կետով փաստացի աճ, երկրների խիստ մրցակցության պայմաններում դա բավարար չի եղել ոչ միայն առաջ գնալու, այլև նույն տեղում մնալու համար։

Միևնույն ժամանակ պետք է ֆիքսենք, որ միայն կարևոր ռեյտինգներում մեր երկրի համար արձանագրված առաջընթացի պայմաններում, մասնավորապես՝ Համաշխարհային տնտեսական ֆորումի մրցակցության զեկույցում, 79-րդից 73 տեղ բարձրանալը, տնտեսական ազատության ինդեքսով 54 -ից 33 հորիզոնական զբաղեցնելը նշանակում է, որ այսուհետ գնահատվող ցուցանիշներից յուրաքանչյուրի գծով անհրաժեշտ առաջընթացը պետք է դառնա յուրաքանչյուր պատասխանատու կառույցի աշխատանքի հիմնական գնահատականներից մեկը։ Միաժամանակ պետք է նշել, որ նախկինում տրված մի շարք հանձնարարականներն ուղղված են հենց այն ոլորտներում, որտեղ արձանագրվել է անկում՝ դատական և իրավական ապահովման ոլորտները, թույլտվությունների տրամադրման վարչարարությանը և այլն, որոնց հիման վրա մշակված օրենքի նախագծերի հիմնական հատվածն արդեն իսկ ներկայացվել է Ազգային ժողովե,-նշել է վարչապետը։

Ի լրումն նախորդ նիստում տրված՝ ծրագրային բարեփումների համար տեսանելի արդյունքների մոնիթորինգի համակարգի գործարկման վերաբերյալ հանձնարարականի՝ կառավարության ղեկավարը հանձնարարել է Տնտեսական զարգացման և ներդրումների նախարարին կառավարության աշխատակազմ ներկայացնել այս ուղղությամբ բարեփոխումների իրականացման ընթացքը կազմակերպելու և համակարգելու, ինչպես նաև՝ դրանց իրականացման ընթացքի մշտադիտարկման վերաբերյալ հստակ առաջարկություններ։ Նույն ժամկետում առաջարկություն կներկայացվի միջգերատեսչական աշխատանքային խումբ ստեղծելու և այն համակարգող պատասխանատու նախարարի տեղակալ նշանակելու վերաբերյալ: Վարչապետը հանձնարարել է նաև հանրապետական գործադիր մարմինների ղեկավարներին և առաջարկել Երևանի քաղաքապետին՝ առաջարկություն ներկայացնել միջգերատեսչական աշխատանքային խմբում համապատասխան ղեկավարի տեղակալի մասնակցության և նրա անձնական պատասխանատվության ապահովման վերաբերյալ: «Ռազմավարական նախաձեռնությունների կենտրոնե հիմնադրամի տնօրենին հանձնարարվել է ձևավորել անհրաժեշտ փորձագիտական խումբ՝ գնահատվող ցուցանիշներից յուրաքանչյուրի գծով պատասխանատու կառույցներին անհրաժեշտ մեթոդական օգնություն ցուցաբերելու նպատակով։

Հիշեցնենք,ո ր Համաշխարհային բանկի հրապարակած «Doing Business 2018ե զեկույցում Հայաստանը զիջել է դիրքը 9 հորիզոնականով՝ զբաղեցնելով 47-րդ տեղը՝  Իտալիայի (46-րդ տեղ) և Հունգարիայի (48-րդ տեղ) միջև: Չնայած դիրքերի վատթարացմանը` Հայաստանն իր ցուցանիշները բարելավել է վարկանիշի որոշ չափանիշների գծով: Մասնավորապես, Համաշխարհային բանկի մասնագետները նշում են Հայայստանում արձանագրված առաջընթացը «բիզնեսի մեկնարկի՚, «շինարարության թույլտվության՚, «միացում էլեկտրացանցերին՚ և այլ ցուցանիշների գծով: Հետխորհրդային երկրների շրջանում Հայաստանը վարկանշային աղյուսակում առաջ է անցել Ադրբեջանից (65-րդ տեղ), Ղրղըզստանից (75-րդ տեղ), Ուկրաինայից (80-րդ տեղ), Ուզբեկստանից (87-րդ տեղ) և Տաջիկստանից (128-րդ տեղ): Վրաստանը վարկանշային աղյուսակի առաջին տասնյակում է`  9-րդ տեղում, իսկ Ռուսաստանը` 35-րդ տեղում: Doing Business նախագիծը, որի իրագործումն սկսվել է 2002 թվականին, նվիրված է ազգային փոքր և միջին ձեռնարկությունների գործունեությանն ու նորմատիվային ակտերի գնահատմանը, որոնք կարգավորում են նրանց գործունեությունը կյանքի ողջ ցիկլի ընթացքում: