Հայաստանի ապահովագրական ընկերությունների ընդհանուր զուտ շահույթը 2017 թվականի 9 ամիսների ընթացքում նվազել է 56.1%, մինչև 3.6 մլն.դոլար

Արմինֆո. Հայաստանի ապահովագրական ընկերությունների ընդհանուր զուտ շահույթը 2017 թվականի 9 ամիսների ընթացքում նվազել է 56.1%, (նախորդ տարվա աճը`62,7%,), կազմելով 1,7 մլրդ դրամ կամ 3.6 մլն դոլար: Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի,  տարեկան դինամիկայի վատթարացումը հիմնականում պայմանավորված էր ապահովագրական հատուցումների ծավալների կտրուկ աճով`4,8% -ից մինչև 19,3%, մինչդեռ ապահովագրական պրեմիաների աճը կազմել է ընդամենը 3,8%, նախորդ տարվա 0,3% փոխարեն: Տարեկան կտրվածքով շահույթի նվազում է նկատվել հինգ ապահովագրական ընկերություններում, որոնցից երեքն արդեն կրճատել են դրական ցուցանիշը 40-64%-ով, իսկ երկուսը հայտնվել են վնասներում (ՍԻԼ ինշուրանս և ՌԵՍՈ), և միայն մեկ ընկերություն («Արմենիա-Ինշուրանս») կարողացել է արձանագրել շահույթի 15.3% աճ:

Միայն III եռամսյակում ապահովագրողների զուտ շահույթը նվազել է 41,1% (նախորդ տարվա անկումը`3%), ինչը պայմանավորված էր հատուցումների դինամիկայի11.5% աճով, նախորդ տարվա 10.2% անկման փոխարեն, ինչպես նաև պրեմիաների ծավալի ավելի համստ`1.8% աճով, նախորդ տարվա 22.8% անկման փոխարեն: Ընդ որում, եռամսյակում երեք ընկերություններում զգալիորեն կրճատվել է շահույթը (26-61%), երկուն, ընդհանարապես, արձանագրել են վնասներ, և միայն մեկ ընկերությունում`Արմենիա Ինշուրանսում, այս ցուցանիշով արձանագրվել է 39.1% աճ:

9 ամիսներն զուտ շահույթի գծով առաջին տեղում է «Ռոսգոսստրախ Արմենիա» ապահովագրական ընկերությունը`753.6 մլն դրամ (տարեկան անկումը`56.4%): Այնուհետև հաջորդում են` «Նաիրի Ինշուրանսը»`386.5 մլն դրամ (տարեկան անկումը`40.8%), «ԱՐՄԵՆԻԱ Ինշուրանսը»`347.6 մլն դրամ (15.3% տարեկան աճ), «ԻՆԳՈ Արմենիան»`308.7 դրամ (տարեկան անկումը`63,6%): Եզրափակում են «ՍԻԼ Ինշուրանսը»`32,7 մլն.դրամ և «ՌԵՍՈ»-ն` 52 մլն դրամ վնասով (տարեկան անկումը`2.2-2.4 անգամ):

Ապահովագրական պրեմիաների ընդհանուր ծավալը տարվա 9 ամիսներին, համաձայն ընկերությունների հաշվետվությունների (ըստ IFRS ստանդարտների), կազմել է 23,9 մլրդ դրամ ($ 50 մլն), իսկ ապահովագրական հատուցումները`12.4 մլրդ դրամ ($ 26 մլն): Միայն III եռամսյակում ապահովագրական պրեմիաները կազմել են 7,4 մլրդ դրամ, հատուցումները` 4,3 մլրդ դրամ: Արդյունքում, ապահովագրության գծով ընդհանուր շահույթը տարեկան կտրվածքով նվազել է 13,9%, մինչև 11,5 մլրդ դրամ ($ 24 մլն), իսկ եռամսյակի անկումը կազմել է 9,3%, մինչև 3.1 մլրդ դրամ: Ամենամեծ շահույթն արձանագրել է «ԻՆԳՈ Արմենիա» ընկերությունը`3.2 մլրդ դրամ (տարեկան անկումը`2.8%, եռամսյակային անկումը`22,2%), որին հաջորդում են` «Ռոսգոսստրախ Արմենիան»`3.1 մլրդ դրամ (տարեկան անկումը`16,4%, եռամսյակային աճը`31,3%), «Նաիրի Ինշուրանսը»` 2 մլրդ դրամ (տարեկան անկումը`25,7% եռամսյակային անկումը`51.5%): Չորրորդ, հինգերորդ և վեցերորդ տեղերում են «ՌԵՍՈ», «Սիլ Ինշուրանս» և «ԱՐՄԵՆԻԱ ԻՆՇՈՒՐԱՆՍ» ընկերությունները, համապատասխանաբար`1,24 մլրդ, 1.2 մլրդ և 747.5 մլն դրամ, ընդ որում, այս երեք ընկերությունները եռամսյակի համատեքստում ապահովել են այս ցուցանիշի աճ (3.5 45.8%), բայց տարեկան ծավալների աճ է արձանագրել միայն ՌԵՍՈ ընկերությունը (0.8%):

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.09.2017 թ. կազմել է 478.41 դրամ/դոլար):