Ուրբաթ, 3 Նոյեմբերի 2017 12:43

Արմինֆո. Եվրասիական տնտեսական միության (ԵԱՏՄ) մաքսային օրենսգիրքը միջազգային բիզնեսին և փորձագետներին կներկայացվի Համաշխարհային մաքսային կազմակերպության հարթակում: ԵԱՏՄ գլխավոր փաստաթղթերից մեկի նման շնորհանդեսի հնարավորությունն են քննարկել ԵԱՏՄ մաքսային համագործակցության կոլեգիայի անդամ Մուկայ Կադիրկուլովը և Համաշխարհային մաքսային կազմակերպության գլխավոր քարտուղար Կունիո Միկուրիան` նոյեմբերի 1-ին Տոկիոյում Համաշխարհային մաքսային կազմակերպության տեխնոլոգիաներին և նորարարությանը նվիրված 4-րդ համաժողովի շրջանակում կայացած հանդիպման ընացքում:

 

Համաշխարհային մաքսային կազմակերպության տեխնոլոգիաներին և նորարարությանը նվիրված 4-րդ համաժողովի աշխատանքին մասնակցել է 500-ից ավելի պատվիրակ` ներառյալ կազմակերպության անդամ պետությունների մաքսային մարմինների ղեկավարներին, միջազգային կազմակերպությունների, տարբեր կառավարական գործակալությունների ներկայացուցիչներին, տեխնոլոգիաների մատակարարներին, գիտահետազոտական ինստիտուտների, խորհրդատվական ընկերությունների և այլ ձեռնարկությունների ներկայացուցիչներին, որոնք ներգրավված են մաքսային գործի բնագավառում ծրագրային ապրանքների և ժամանակակից մաքսային տեխնոլոգիաների մշակման գործում:

 

Միջոցառման շրջանակում քննարկվել են նոր տեղեկատվական-տեխնիկական լուծումներ և մաքսային վարչարարության ու առևտրի ընթացակարգերի պարզեցման ոլորտի ժամանակակից տեխնոլոգիաներ, տեխնոլոգիաների և նորարարությունների կիրառման առաջավոր եղանակները: