Ուրբաթ, 3 Նոյեմբերի 2017 18:23

Արմինֆո. Մանրածախ ապահովագրական մասնաբաժինը Հայաստանի ապահովագրողների պրեմիաների պորտֆելներում 2017 թվականի առաջին 9 ամիսների ընթացքում կազմել է 57.1% (14.2 մլրդ դրամ), իսկ կորպորատիվի մասնաբաժինը`42.9% (10.5 մլրդ դրամ):

Ընդ որում, մանրածախ ապահովագրության շուկայի ծավալի տարեկան դինամիկան մինուս 0,2% -ից անցել է դրական 3.5%-ի, իսկ կորպորատիվի աճի տեմպերն արագացել են`0,9% -ից մինչև 4.2%: Մինչև Հայաստանում ԱՊՊԱ և բյուջետայինների պարտադիր ապահովագրության տեսակների ներդրումը զգալիորեն գերակշռում էր կորպորատիվ ապահովագրությունը:

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, 2017 թվականի հոկտեմբերի 1-ի դրությամբ բոլոր ապահովագրողների պորտֆելներում գերակշռում է մանրածախ ապահովագրությունը, բացառությամբ ԻՆԳՈ Արմենիայի, որի մոտ գերակշռում է կորպորատիվը`53.5%: Մանրածախ և կորպորատիվ ապահովագրությունների միջև ամենամեծ անհամաչափությունն արձանագրվել է երեք ընկերություններում`«ՌԵՍՈ» (71.7% և 28.3%), «ԱՐՄԵՆԻԱ Ինշուրանս» (71% և 29%) և «Նաիրի Ինշուրանս» (66,1% և 33.9%): «Ռոսգոսստրախ Արմենիա» ընկերությունում մի փոքր գերակշռում է մանրածախը`54.1% և 45.9%, իսկ «Սիլ Ինշուրանս» ընկերությունում - 55.8% և 44.2%:

Ապահովագրական հատուցումների կառուցվածքում մանրածախ հաճախորդներին կատարված հատուցումների մասնաբաժինը կազմել է 71,9% կամ 8,6 մլրդ դրամ (մինուս 1%-ից մինչև պլյուս 25%), կորպորատիվինը`28.1% կամ 3,4 մլրդ դրամ (20%-ից դանդաղել է մինչև 7%):

Վերաապահովագրությանն ուղղված պրեմիաների կառուցվածքում կորպորատիվի մասնաբաժինը կազմել է 92.6% կամ 2.9 մլրդ. դրամ (տարեկան դինամիկան`10% անկումից մինչև 10% աճ), մանրածախինը`7.4% կամ 230 մլն դրամ (տարեկան աճի արագացումը կազմել է`3%-ից մինչև 16%):

Հայաստանի ապահովագրողները 2017 թվականի III եռամսյակում կնքել են 298.466 ապահովագրության պայմանագիր, տարեկան աճը`3.9%: Այսպիսով, 2017 թվականի հոկտեմբերի 1-ի դրությամբ գործող ապահովագրության պայմանագրերի թիվը կազմել է 680742, տարեկան աճը`4.5%: Ապահովագրության դասերի շարքում առաջատարն է ԱՊՊԱ-ն, որով 3-րդ եռամսյակում կնքվել է ավելի քան 201 հազար պայմանագիր, իսկ գործող պայմանագրերի թիվը հոկտեմբերի 1-ին գերազանցել 461 հազարը: Կամավոր տեսակներից ամենապահանջվածն է դժբախտ պատահարներից ապահովագրությունը, որով երրորդ եռամսյակում կնքվել է 39.5 հազար պայմանագիր, իսկ գործող պայմանագրերի թիվը հոկտեմբերի 1-ին հասել է 134.1 հազարի: ԱՊՊԱ հատվածում կնքված պայմանագրերի քանակով առաջատարն է «Ռոսգոսստրախ Արմենիան» (120,5 հազար գործող պայմանագիր հոկտեմբերի 1-ին, որից 43.7 հազարը կնքվել է III եռամսյակում): Նույն ընկերությունն առաջատարն է նաև բժշկական ապահովագրության հատվածում (2.1 հազար գործող, հոկտեմբերի 1-ին, 831-ը`III եռամսյակում), դժբախտ պատահարներից և ԿԱՍԿՈ ապահովագրության հատվածներում առաջատարն է «Ռեսո» ըկերությունը (73,2 հազար, և 4.3 հազ., համապատասխանաբար, հոկտեմբերի 1-ին), գույքի ապահովագրության հատվածքում առաջատարն է «ԻՆԳՈ Արմենիան» (16.6 հազ. գործող հոկտեմբերի 1-ին), նույն ընկերությունն առաջատարն է նաև արտասահման մեկնողների ապահովագրության հատվածում (5.9 հազար գործող պայմանագիր հոկտեմբերի 1-ին):

2017-ի 3-րդ երրորդ եռամսյակում կնքված պայմանագրերի թվով առաջատարն է «ԻՆԳՈ Արմենիան» - 75.1 հազար, որին հաջորդում են`«Ռոսգոսստրախ Արմենիա» - 66.4 հազ., ՌԵՍՈ - 50.4 հազ., Նաիրի Ինշուրանս - 48.8 հազ., Սիլ Ինշուրանս - 29.2 հազար, և «Արմենիա Ինշուրանսը» - 28.4 հազար: Բոլոր վեց ընկերություններում գերակշռում են ԱՊՊԱ պայմանագրերը, այդ թվում`առավելագույնը - Սիլ Ինշուրանսի մոտ (80%), իսկ նվազագույնը - ԻՆԳՈ Արմենիայում (54%):

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2017 թ. կազմել է 480.47 դրամ/դոլար):