Արմինֆո. Նոյեմբերի 6-ին ՀՀ ԱԺ առողջապահության և սոցիալական հարցերի և ԱԺ ֆինանսավարկային և բյուջետային հարցերի մշտական հանձնաժողովների համատեղ նիստում քննարկվել է «Հայաստանի Հանրապետության 2018 թվականի պետական բյուջեի մասին» ՀՀ օրենքի նախագիծը: Քննարկմանը մասնակցել են ՀՀ ԱԺ պատգամավորներ, ՀՀ նախարարներ, ոլորտների պատասխանատուներ, հրավիրված այլ անձինք:
Ինչպես ԱրմԻնֆո գործակալությանը տեղեկացվել է ՀՀ ԱԺ մամուլի ծառայությունից, ՀՀ ֆինանսների նախարարի առաջին տեղակալ Ատոմ Ջանջուղազյանը ներկայացրել է նշված ոլորտներին հատկացվելիք ֆինանսական միջոցների ծավալները, իսկ ոլորտների ղեկավարները`իրականացվելիք ծրագրերը:
2018 թ. պետական բյուջեի նախագծով նախատեսված կրթության բնագավառի ծախսերը կազմում են 126,714.1 մլն դրամ, որը կազմում է ՀՆԱ-ի 2.17 %-ը, պետական բյուջեի ծախսերի 8.65 %-ը: Ծախսերը 2017 թ. պետական բյուջեի համապատասխան ցուցանիշի նկատմամբ նվազել են 712.4 մլն դրամով կամ 0.6 %ով: Հանրակրթության ոլորտի համար նախատեսվել է 74,237.1 մլն դրամ: Ծախսերի նվազումը 2017 թ. համապատասխան ցուցանիշի նկատմամբ կազմել է 2,184.7 մլն դրամ կամ 2.9 %: Կրթության ոլորտում նախատեսվում է շարունակել և իրականացնել արտաքին աղբյուրներից ստացվող նպատակային վարկային և դրամաշնորհային միջոցներով ծրագրեր, որոնցից են ՀԲ աջակցությամբ իրականացվող Կրթության բարելավման ծրագիրը, Ասիական զարգացման բանկի աջակցությամբ իրականացվող Դպրոցների սեյսմիկ պաշտպանության ծրագիրը:
2018 թ. պետական բյուջեի նախագծով գիտության բնագավառի ծախսերը կազմում են շուրջ 14,276.0 մլն դրամ:
2018 թ. պետական բյուջեի նախագծով գիտատեխնիկական գործունեության համար նախատեսվել է շուրջ 14,276.0 մլն դրամ` 2017 թ. 14276.8 մլն դրամի դիմաց: Բազային ֆինանսավորում ստացող կազմակերպությունների համար 2018 թ. պետական բյուջեի նախագծով նախատեսվել է 9588.4 մլն դրամ` 2017 թ. 10065.4 մլն դրամի դիմաց: Պետական նպատակային-ծրագրային ֆինանսավորման համար նախատեսվում է հատկացնել 2568.5 մլն դրամ` 2017 թ. 1848.0 մլն դրամի դիմաց: Պայմանագրային (թեմատիկ) ֆինանսավորման համար նախատեսվում է 1306.7 մլն դրամ` 2017 թ. 1523.0 մլն դրամի դիմաց:
ՀՀ ԿԳ նախարար Լևոն Մկրտչյանը նշել է, որ կառավարությունը փորձել է բյուջետային փաստաթղթով անել առավելագույնը, որպեսզի կրթության ու գիտության ոլորտում որևէ ծրագիր չտուժի և հետագայում բյուջետային միջոցների ավելացման հնարավորություն լինի: Մտահոգիչ է համարվել ՀՆԱ-ի աճի պարագայում բյուջեում կրթության և գիտության հատվածի հետ կապված տոկոսային խնդիրը, որը միջնաժամկետ հեռանկարում փորձ կարվի կարգավորել: Նախարարն ընդգծել է, որ 2018 թվականի հատկացումներում 600 միլիոն դրամի նվազեցումը որևէ կերպ չի անդրադառնալու կրթության բովանդակության և որակի վրա: Ծրագրային բյուջետավորմամբ պայմանավորված կա կառուցվածքային փոփոխությունների անհրաժեշտություն: Եվրամիության հետ իրականացվող կրթական համակարգում դրամաշնորհային ծրագիրը նպատակաուղղվելու է երեք հիմնական ուղղությունների՝ որևէ մարզում պիլոտային ծրագրի իրականացում՝ ամբողջ կրթական համակարգի պատկերն ստանալու համար, միջին մասնագիտական կրթությանը և կրթության բովանդակությանը նվիրված հատված: Գիտության բնագավառում արմատական փոփոխությունները վերաբերում են ֆինանսավորմանը և գիտական ծրագրերի նոր որակին:
Հանգստի, մշակույթի և կրոնի բնագավառի համար 2018 թ. պետական բյուջեի նախագծով նախատեսված է 26,691.2 մլն դրամ` 2017 թ. պետական բյուջեով նախատեսված 26,457.8 մլն դրամի դիմաց կամ ծախսերն աճել են 233.4 մլն դրամով: Մշակութային ծառայությունների համար 2018 թ. նախատեսված են 13,564.8 մլն դրամ հատկացումներ` 2017 թ. 13,995.3 մլն դրամի դիմաց: Մշակութային ծառայությունների գծով ծախսերը նվազել են 430.5 մլն դրամով կամ 3.1 %ով:
Արվեստի գծով 2018 թ. նախատեսված են 7,616.8 մլն դրամ հատկացումներ` 2017 թ. 7,370.0 մլն դրամի դիմաց: Կինեմատոգրաֆիայի գծով 2018 թ. նախատեսված են 611.0 մլն դրամ հատկացումներ` 2017 թ. 653.5 մլն դրամի դիմաց: Հուշարձանների և մշակութային արժեքների վերականգնման և պահպանման գծով 2018 թ. նախատեսված է 395.8 մլն դրամ` 2017 թ. 405.9 մլն դրամի դիմաց:
ՀՀ մշակույթի նախարար Արմեն Ամիրյանը նշել է, որ գալիք տարվա բյուջեն զարգացման և արդեն մեկնարկած ներդրումային ծրագրերի շարունակականությունն ապահովող բյուջե է լինելու: Առավել ագրեսիվ քաղաքականություն է իրականացվելու կապիտալ ծախսերի մասով. դրանք պետք է ուղղվեն ենթակառուցվածքների զարգացմանը: Նախարարի խոսքով՝ հաջորդ տարի աշխատանքներն ուղղված են լինելու հայ ժամանակակից կերպարվեստը միջազգային շուկաներ արտահանելուն, կինոարտադրության ոլորտում նոր մոդելի կիրառմանը, վիզուալ քաղաքի ստեղծմանը, արտասահմանյան ֆիլմարտադրությունը Հայաստանում կազմակերպելու համար տնտեսական շահավետ խթանող առաջարկների ներկայացմանը, մշակութային արտադրանքի առավել թիրախավորված ծրագրի մշակմանը, այլ պետությունների հետ համատեղ մշակութային ծրագրերի իրականացմանը:
Հանգստի և սպորտի ծառայությունների համար 2018 թ. նախատեսված են 2,631.8 մլն դրամ հատկացումներ՝ 2017թ. 1,842.8 մլն դրամի դիմաց: Այս ուղղությամբ ծախսերի աճը 2017 թ. համեմատ կազմել է 789.0 մլն դրամ կամ 42.8 %:
Ռադիո և հեռուստահաղորդումների հեռարձակման և հրատարակչական ծառայությունների իրականացման համար 2018 թ. նախատեսված են 8,462.4 մլն դրամ հատկացումներ` 2017 թ. 8,580.0 մլն դրամի դիմաց:
Տեղեկատվության ձեռքբերման գծով 2018 թ. նախատեսված են 361.7 մլն դրամ հատկացումներ` 2017 թ. 383.6 մլն դրամի դիմաց:
Պատգամավորների հարցերը վերաբերել են որոշ մասնագիտությունների գծով պետպատվերի տեղերի վերանայմանը, մասնավոր հավատարմագրված բուհերի դիպլոմներին, ներառական կրթության ոլորտում հատկացումների նվազեցմանը, բնական գիտությունների զարգացման նպատակով ներմուծվող լաբորատոր սարքավորումների հարկմանը, բուհերի կողմից իրականացվող ուսումնական պրակտիկաների անցկացման վերանայմանը, գրադարանային գործի կազմակերպմանը և այլ խնդիրների:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ