Ուրբաթ, 17 Նոյեմբերի 2017 18:22

Արմինֆո. «Կոնվերս Բանկը բարելավել է ապառիկ վարկավորման պայմանները և հաճախորդներին է  առաջարկում մինչև 36 ամիս  ժամկետով, մինչև 2 մլն դրամի ապառիկ վարկավորում՝ սկսած 9 տոկոս տարեկան տոկոսադրույքից: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, զուգահեռաբար, Բանկն իր Shopping card  քարտապաններին է առաջարկում 0 տոկոս տարեկան տոկոսադրույքով և 24 ամիս մարման ժամկետով ապառիկ վարկավորում»-տեղեկացրել են Բանկում:

Աղբյուրի համաձայն, վարկային հայտի վերաբերյալ որոշումը կայացվում է հնարավորինս սեղմ ժամկետում՝ 15 րոպեում:

«Ավելին՝ վարկավորումը  հնարավորինս մեծ թվով  մարդկանց հասանելի դարձնելու նպատակով Բանկն ընդլայնել է ծառայությունների մատուցման աշխարհագրությունը` որպես գործակալ ներառելով Հայփոստ ՓԲԸ բաժանմունքների լայն ցանցը,  և  ապառիկ վարկավորում է իրականացնում նաև  Արմավիրի, Արարատի, Գեղարքունիքի, Վայոց Ձորի, Շիրակի, Կոտայքի, Տավուշի, Լոռու, Արագածոտնի մարզերում»,- եզրափակել են Բանկում:

Ըստ ԱրմԻնֆո գործակալության`Հայաստանի Բանկերի Ֆինանսական Վարկանիշի, 2017 թվականի հոկտեմբերի 1-ի դրությամբ, Կոնվերս բանկի սպառողական վարկերի ծավալն ավելացրել է 40,4%, մինչև 39,6 մլրդ դրամ: Բանկի ընդհանուր վարկային պորտֆելում, որը այդ ժամանակահատվածում կազմել է 150.1 մլրդ դրամ, տարեկան 39.3% աճով, սպառողական վարկերի տեսակարար կշիռը կազմել է 26.4%: Կոնվերս Բանկի մանրածախ վարկերի պորտֆելը տարեկան կտրվածքով ավելացել է 37,8%, մինչև 66,1 մլրդ դրամ:

Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Իսկ Բանկի 100% բաժնետոմսերի անուղղակի բաժնետերն է Holding Company "Blakery Assets" LTD: