Հայաստանի տնտեսական ակտիվությունը 2017 թվականի առաջին 10 ամիսներին աճել է 7%, շարժիչ ուժերն են` ծառայությունների, առևտրի և արդյունաբերության ոլորտները

Արմինֆո. Հայաստանում տնտեսական ակտիվության աճը 2017 թվականի հունվար-հոկտեմբերին աճել է 7%, 2016-ի 10 ամիսների 0.4% ստագնացիայից հետո: Աճի շարժիչ ուժերն են` ծառայությունների, առևտրի և արդյունաբերության ոլորտները: Ըստ ՀՀ Ազգային վիճակագրական ծառայության նախնական տվյալների, միայն 2017-ի հոկտեմբերին արձանագրվել 7,5% անկում, իսկ տարեկան աճը կազմել է 17%, մինչդեռ 2016-ի հոկտեմբերին անկումը կազմել է 18.7%, տարեկան 7.8% բացասական դինամիկայի պայմաններում:

2017 թվականի հունվար-հոկտեմբերին տնտեսական ակտիվության աճը շարունակում են խթանել ծառայությունների ոլորտը`13.9% տարեկան, առևտրի ոլորտը` 12.8% և արդյունաբերական հատվածը`12.4%: Իսկ էներգետիկ համալիրում աճը կազմել է 5,4%, իսկ անկումը գյուղատնտեսության և շինարարության ոլորտներում համապատասխանաբար կազմել է`4.1% և 0.9%: Մեկ տարի առաջ, 2016-ի հունվար-հոկտեմբերին ծառայությունների և արդյունաբերության ոլորտներում աճը համապատասխանաբար կազմել էր`7.7% և 4.6%, իսկ մյուս տարածքներն արձանագրել էին անկում, առևտուր - 0.1%, գյուղատնտեսություն - 7.3%, Էներգետիկ համալիր - 6.3% և շինարարություն - 9.8%:

Արդյունաբերական գների ինդեքսը հունվար-հոկտեմբերին, 2016-ի նույն ժամանակահատվածի համեմատ կազմել է 3,9%, 2017-ի հոկտեմբերին, 2016-ի հոկտեմբերի համեմատ`5,4%, իսկ միայն հոկտեմբերին`0.9%: Մեկ տարի առաջ, 2016-ի հունվար- հոկտեմբերին 2015-ի նույն ժամանակահատվածի համեմատ արդյունաբերական գների ինդեքսն աճել էր 0.5%:

Ամսական կտրվածքով աճ են արձանագրել`ագրոբիզնեսը - 4,5%, արդյունաբերությունը - 3.7%, ծառայությունների ոլորտը - 2.4%, շինարարության ոլորտը - 0.1%, առևտուրը - 1,4% և էներգահամալիրը - 8.7%: Տարեկան կտրվածքով աճ են արձանագրել`գյուղատնտեսություն - 34.7%, ծառայությունների ոլորտ - 22,4%, արդյունաբերություն - 16.5%, առևտրի ոլորտ - 15,1%, շինարարություն - 5,7%: Իսկ անկում է արձանագրվել էներգետիկ համալիրում`4.6%:

Ըստ վիճակագրության, 2017 թվականի հունվար-հոկտեմբերին բացարձակ արժեքով առաջատարն է առևտրի ոլորտը - 2.02 տրլն.դրամ ($ 4.2 մլրդ): Այնուհետև հաջորդում են` արդյունաբերական ոլորտ - 1.3 տրլն.դրամ ($ 2.8 մլրդ), ծառայությունների ոլորտ - 1.2 տրլն դրամ ($ 2.5 մլրդ), գյուղատնտեսություն - 735.7 մլրդ դրամ ($ 1.5 մլրդ), շինարարության ոլորտ - 274.6 մլրդ դրամ (569.2 մլն դոլար): 2017 թվականի հունվար-հոկտեմբերին էլեկտրաէներգիայի արտադրության ծավալը կազմել է 6313 մլն կՎտժ, որից 567.8 մլն կՎտժ - միայն հոկտեմբերին:

Միևնույն ժամանակ, Հայաստանի արտաքին առևտրի շրջանառությունը 2017 թվականի հունվար-հոկտեմբերին կազմել է 2,400.6 մլրդ դրամ (4,679,8 մլն դոլար), տարեկան 22,4 տոկոս աճով: Դրա կառուցվածքում արտահանման աճը կազմել է 19,4%, մինչև 841.4 մլրդ դրամ ($ 1745,4 մլն դոլար), իսկ ներմուծումը`24%, մինչև 1559.2 մլրդ դրամ ($ 3234,4 մլն դոլար): 2017 թ. հոկտեմբերին Հայաստանի արտաքին առևտրի շրջանառությունն աճել է 27.9%, մինչև 24.3%, իսկ ներմուծումը`29.7%:

ՀՀ դրամի միջին հաշվարկային փոխարժեքը 2017 թվականի հոկտեմբերին կազմել է 480.74 դրամ / դոլար, իսկ հունվար-հոկտեմբերին`482.41 դրամ / դոլար: