Երեթշաբթի, 28 Նոյեմբերի 2017 18:08

Արմինֆո.Այսօր վերաբացվեց Արդշինբանկի «Տիգրան Մեծ» մասնաճյուղը՝ արդիականացված, վերանորոգված և ժամանակակից պահանջներին համապատասխանող նոր գրասենյակում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,  

վերաբացված մասնաճյուղը հագեցած է տեխնիկական լայն հնարավորություններով, որն ավելի դյուրին է դարձնում բանկային ծառայություններից օգտվելու գործընթացը:

 

«Մասնաճյուղային ցանցի զարգացման և կատարելագործման ռազմավարության շրջանակում՝ մենք շարունակելու ենք զարգացնել մասնաճյուղային ցանցը՝ շեշտը դնելով ժամանակակից լուծումների կիրառման վրա, ինչը հնարավորություն կընձեռի ապահովել առավել որակյալ սպասարկում», - նշեց Ռազմավարական զարգացման տնօրեն Արմեն Գասպարյանը:

 

Աղբյուրի համաձայն, «Տիգրան Մեծ» մասնաճյուղը գտնվում է Մհեր Մկրտչյան 12 հասցեում, աշխատելու է երկուշաբթիից – ուրբաթ՝ ժամը 09:15-16:45:

 

Արդշինբանկի մասնաճյուղային ցանցը խոշորագույններից է ՀՀ բանկային համակարգում: Այսօր Արդշինբանկն ունի 64 գործող մասնաճյուղ, որոնցից 19-ը Երևանում, 42-ը՝ մարզերում և 3 մասնաճյուղ՝ ԼՂՀ-ում: Մասնաճյուղերի ցանցի մասին մանրամասն կարելի է ծանոթանալ https://www.ardshinbank.am հղումով, կամ զանգահարել (012)222222 հեռախոսահամարով:

 

Նշենք, որ Արդշինբանկի հիմնական բաժնետերերն են`«Arins Group» (այն վերանվանվեց «Բիզնես ներդրումների կենտրոն» ԱՊԸ-ի) - 70.1145% և «Ռեգիոն» Արդյունաբերական ֆինանսական կորպորացիան - 28.3689%: Արդշինբանկի մասնաճյուղային ցանցն ամենամեծերից մեկն է Հայաստանի բանկային համակարգում – 64 մասնաճյուղ, որից 19-ը գտնվում է Երևանում, 42-ը`մարզերում և 3-ը` ԼՂՀ-ում: