Չորեքշաբթի, 29 Նոյեմբերի 2017 18:03
Ալինա Հովհաննիսյան

Փորձագետ. Տոկոսադրույքների նվազեցմամբ Հայաստանի կորպորատիվ պարտատոմսերի շուկայի զարգացման հայտնաբերվել են նոր հնարավորություններ

Փորձագետ. Տոկոսադրույքների նվազեցմամբ Հայաստանի կորպորատիվ պարտատոմսերի շուկայի զարգացման հայտնաբերվել են նոր հնարավորություններ

Արմինֆո. Տոկոսադրույքների նվազումը նոր հնարավորություններ է ստեղծել կորպորատիվ պարտատոմսերի շուկայի զարգացման համար: Այս մասին Ամերիաբանկի ֆեյսբուքյան էջի միջոցով ընթացող «Տոկոսադրույքների փոփոխման միտումները» խորագրով առցանց-կոնֆերանսի ընթացքում հայտարարել է Ամերիաբանկի մանրածախ բանկինգի տնօրեն Արման Բարսեղյանը, պատասխանելով ԱրմԻնֆոյի թղթակցի հարցին:

 

«Երբ ավանդների տոկոսադրույքները նվազում են, տնտեսվարող սուբյեկտները, տնային տնտեսությունները ներդրումների համար փորձում են գտնել այլ ուղղություններ: Եվ այդ այլընտրանքը կարող է լինել կորպորատիվ պարտատոմսերի շուկան: Ռիսկի համապատասխան պրոֆիլով, կորպորատիվ կառավարման մակարդակով, ինստիտուցիոնալ կայունությամբ ընկերությունները ցածր տոկոսադրույքների պայմաններում թողարկված պարտատոմսերը կարող են ավելի հեշտությամբ և համարժեքորեն տեղաբաշխել: Եվ այդ առումով ցածր տոկոսադրույքները կնպաստեն կորպորատիվ պարտատոմսերի շուկայի ակտիվացմանը», - ասել է նա:

 

Այս առումով Ա. Բարսեղյանն ուշադրություն է հրավիրել Ամերիաբանկի ակտիվությանը պարտատոմսերի թողարկման տեսանկյունից (7 թողարկում, այդ թվում`4-ը դոլարով, 1-ը եվրոյով և 2-ը դրամով), ինչը տեղի է ունենում ցածր տոկոսադրույքների ֆոնին: Նա նշել է, որ ներկայումս Ամերիաբանկն արդեն կատարել է 7 թողարկում, այդ թվում, 4-ը 45 մլն. դոլար, 1-ը`3 միլիոն եվրո և 2-ը`2.5 մլրդ դրամ ծավալներով, և բոլորն էլ շրջանառվում են բորսայի հիմնականում Abond ցուցակում: Դոլարով թողարկման շրջանառության ժամկետը սահմանված է 27 ամիս, ՀՀ դրամով`1-2 տարի: Արժեկտրոնի եկամտաբերությունը դոլարով թողարկման համար առաջին տրանշից մինչ օրս 6.75% -ից նվազել է մինչև 5.4%, իսկ ՀՀ դրամով թողարկման համար`10.75%-ից մինչև 9% (Խ,ն. Ըստ ՀՀ ԿԲ տվյալների, դոլարով ավանդների տարեկան տոկոսադրույքը նոյեմբերի 1-ին կազմել է 4%, իսկ դրամով ավանդներինը` 8.8%):

 

Նշենք, որ Nasdaq OMX Armeniana ֆոնդային բորսայում 2017 թվականի նոյեմբերի 29-ի դրությամբ շրջանառվում են 12 թողարկողների կորպորատիվ պարտատոմսերի 40 թողարկումները, ընդ որում, 22 թողարկումները կատարվել են 9 բանկերի կողմից: Դրանք են`Արարատբանկը և Ամերիաբանկը (7 թողարկում), Արմսվիսբանկ (6), Անելիք Բանկ (4), երկու-ական տրանշներով`Հայբիզնեսբանկը, Կոնվերս Բանկը և Յունիբանկը և մեկական տրանշերով`ԱԿԲԱ-ԿՐԵԴԻՏ ԱԳՐԻԿՈԼ Բանկը և DSTDB-ն: Շրջանառվող թողարկումներից 23-ը թոլարով է, որից 21-ը`8 բանկերի կողմից`Արարատիբանկ (6), Ամերիաբանկ և Արմսվիսբանկ (4), Անելիք Բանկ (3), և մեկական - Հայբիզնեսբանկը, Կոնվերս Բանկը , Յունիբանկը և ԱԿԲԱ-ԿՐԵԴԻՏ ԱԳՐԻԿՈԼ Բանկը: Բացի այդ, բորսայում շրջանառվում են նաև Ամերիաբանկի և Արմսվիսբանկի եվրոյով մեկական  թողարկումները: Բորսայում շրջանառվող պարտատոմսերի մեջ են նաև Ազգային հիփոթեքային ընկերության 3 թողարկումները և «Գլոբալ Կրեդիտ»-իև «Ֆինքա»-ի 2 թողարկումները (1 դոլարով և 1 դրամով):

 

Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականի հունվարի 1-ի դրությամբ Բանկի բաժնետերեն են` Ameria Group CY ՍՊԸ – 65,8%, ՎԶԵԲ - 20,7%, ESPS Holding Limited - 13,5%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
18.02.2020
RUB7.51-0.06
USD478.95-0.10
EUR518.37-1.06
GBP622.40-2.23
CAD361.01-1.06
JPY43.660.06
CNY68.59-0.05
CHF488.330.35



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000