Արմինֆո. Նոյեմբերի 27-ից դեկտեմբերի 1-ն ընկած ժամանակահատվածում Հայաստանի արտարժույթի միջբանկային շուկայում արձանագրվել է ծավալի 59.3% աճ (նախորդ շաբաթվա 13.2% անկումից հետո). շաբաթվա ընթացքում խոշոր գործարքներ են տեղի ունեցել գրեթե ամեն օր` բացառությամբ երկուշաբթի օրվանից: Դրան զուգընթաց, արտարժույթի ներբանկային շուկայում դոլարի եւ եվրոյի առք ու վաճառքի նկատմամբ հետաքրքրությունը կտրուկ աճել է, ինչի ֆոնին ռուբլու գնումն ակտիվացել է` վաճառքի անկման դանդաղեցման պայմաններում: Բորսայի արտարժութային հարթակը դատարկ է արդեն յոթ ամիս :
Արդյունքում` հաշվետու շաբաթվա ընթացքում դոլարի նկատմամբ դրամն սկսել է արժեզրկվել` 484-ից մինչեւ 484.5 դրամ/1դոլար, շարունակելով արժեզրկումը եվրոյի նկատմամբ` 573-ից մինչեւ 577.5 դրամ /1եվրո, իսկ ռուբլու նկատմամբ` 8.2-ից մինչեւ 8.3 դրամ/1ռուբլի: Մեկ տարի առաջ, 2016 թվականի դեկտեմբերի 1-ի դրությամբ դրամի փոխարժեքը դոլարի նկատմամբ կազմել է 480.5 դրամ/1դոլար, եվրոյի նկատմամբ` 510 դրամ/1եվրո, իսկ ռուբլու նկատմամբ` 7.6 դրամ/1ռուբլի, ինչը, ընթացիկ փոխարժեքների համեմատ, ցույց է տալիս դրամի տարեկան արժեզրկումն այդ արժույթների նկատմամբ:
Ինչպես ԱրմԻնֆո գործակալությանը հաղորդել են ՀՀ Կենտրոնական բանկի մամուլի ծառայությունից, արտարժույթի միջբանկային շուկայում նոյեմբերի 27-ից մինչեւ դեկտեմբերի 1-ը ներառյալ իրականացվել են 30.5 մլն դոլարի գործառնություններ` 484,50 դրամ/1դոլար միջին կշռված փոխարժեքով (նախորդ շաբաթվա 483.75-ի դիմաց), ընդ որում, առավելագույն ծավալներն արձանագրվել են երեքշաբթի, չորեքշաբթի եւ ուրբաթ` 8.4 մլն դոլար, 8,7 մլն դոլար եւ 9.4 մլն դոլար: Դրան զուգընթաց, արտարժույթի ներբանկային շուկայում դոլարի առք/վաճառքի միտումը փոխվել է 31-10% անկումից մինչև 18,2-10,1% աճ, եվրոյի առքի միտումը փոխվել է 44% անկումից մինչև 57% աճ, վաճառքի` 6,3% աճից մինչևւ 20.3% արագացման պայմաններում, ինչի ֆոնին ռուբլու առքի 11.8% անկումը փոխարինվել է 27.8% աճով, իսկ վաճառքի անկումը դանդաղել է 23,4% -ից մինչեւ 2%: Արդյունքում` գնվել է 93,4 մլն դոլար` 483.31 դրամ/1դոլար է միջին փոխարժեքով, 13,2 մլն եվրո` 573.27 դրամ/1եվրո միջին փոխարժեքով եւ 1.9 մլրդ ռուբլի` 8.25 դրամ/1ռուբլի միջին փոխարժեքով, վաճառվել է 99.1 մլն դոլար 484.98 դրամ/1դոլար միջին փոխարժեքով, 18.4 մլն եվրո` 576.67 դրամ/1եվրո միջին փոխարժեքով եւ 475,7 մլն ռուբլի 8.35 դրամ/1ռուբլի միջին փոխարժեքով:
Աղբյուրի համաձայն, նախորդ շաբաթվա ընթացքում (նոյեմբերի 20 - 25) Հայաստանի բանկերը տրամադրել են 48,2 մլրդ դրամի եւ 47,2 մլն ԱՄՆ դոլարի վարկեր: Նախորդ ժամանակահատվածի համեմատ (նոյեմբերի 13-18) տրամադրված վարկերի դինամիկան հեևյալն է. դրամային վարկերի թրենդը 8% անկումից փոխվել է մինչև 10.6% աճ, ինչը դիտվել է նաև դոլարային վարկերի պարագայում, սակայն, ավելի պատկառելի տարբերությամբ` 51.6% անկումից մինչև 31.5% աճ: