Վիճակագրություն. ՀՀ բնակչության 29.4%-ը գտնվում է աղքատության շեմից ցածր

Արմինֆո. Հայաստանում, ըստ օբյեկտիվ գնահատման, աղքատության շեմից ցածր է գտնվում բնակչության 29.4%-ը (ներառյալ ծայրահեղ աղքատները), իսկ սուբյեկտիվ գնահատման`16.6%-ը (2008-ին`17%): Նման տվյալներ է հրապարակել ՀՀ Ազգային վիճակագրական ծառայությունը 2016 թվականի արդյունքներով, հարցումներ կատարելով 16 տնային տնտեսություններում, ինչպես նաև տարեցների շրջանում, որոնք բնութագրել են բարեկեցության մակարդակը Հայաստանում:

Հարցվածների 34.3%-ն իր բարեկեցության մակարդակը համարել է միջին (2008-ին`43%), 45.8%-ը`միջինից ցածր (2008-ին` 35.6%) և 3,2% - հարուստ (2008-ին`4.2%): Հարցվածների միայն 0.1% -ն է իրեն համարում մեծահարուստ (2008-ին`0.2%):

Հարցվողների մեծամասնությունը`34.3% և 23.7%, առաջնային են համարել պարենային և բնակարանային խնդիրները: Հարցվողների 11.6% -ի համար կենսապահովման առաջնահերթ խնդիրը սնունդն է: Հարցվողների 8.4% -ը համարում է բժշկական խնամքն առաջնային է, իսկ 3.1% -ի համար հիմնական խնդիրը երեխաներին պատշաճ կրթություն ապահովելու հնարավորությունն է:

Այն հարցին, լավ ապրելու համար որքան պետք է վաստակել, հարցվածները պատասխանել են`շատ լավ - 655,060 դրամ , լավ - 347,234 դրամ, միջին - 120,523 դրամ:

Միևնույն ժամանակ, հարցվածների 39,6% -ը համարում է, որ իրենից ոչինչ կախված չէ, իսկ 19.3% -ը պլաններ չունի ընդհանրապես: Հարցվողների 12.3% -ն ունի շահութաբեր աշխատանք, և միայն 1.1% -ն է ցանկանում է Հայաստանում հիմնել սեփական բիզնես:

Ըստ վիճակագրական տվյալների, 2017 թվականի հոկտեմբերի 1-ի դրությամբ Հայաստանի բնակչությունը կազմել է 2,980 մլն մարդ, 2008-ի 3,238 մլն-ի փոխարեն: Գործազրկության մակարդակը 2008 թվականի վերջին կազմել էր 6.3%, 2017 թվականի հուլիսի 1-ին հասնելով 17.8%-ի: 2017 թվականի հուլիսի 1-ի դրությամբ Հայաստանի տնտեսության մեջ զբաղված էր ընդհանուր բնակչության 36.7% -ը:

Հիշեցնենք, որ Համաշխարհային բանկի կանխատեսումների համաձայն, Հայաստանում աղքատության մակարդակը 2017-2018 թվականներին կնվազի մինչև 24.1-23.2%: Հայաստանի կենտրոնական բանկը բարելավել է գործազրկության մակարդակի 2017 թվականի կանխատեսումը - 17.9%, միջին հաշվով տարեկան նվազելով 0.3-0.5%: