Արմինֆո. Ռուսաստանը շարունակում է առաջատար դիրքեր զբաղեցնել դեպի Հայաստան ներդրումներ կատարող երկրների շարքում: Այս մասին դեկտեմբերի 13-ին կայացած մամլո ասուլիսում հայտարարել է Հայաստանում Ռուսաստանի առևտրի ներկայացուցիչ Անդրեյ Բաբկոն: Միևնույն ժամանակ, պատասխանելով ԱրմԻնֆո գործակալության թղթակցի հարցին, նա հայտարարել է, որ ռուսական ներդրումները Հայաստանի տնտեսությունում երկու տարի առաջվա ցուցանիշների համեմատ նվազել են:
Ըստ Բաբկոյի, սկսած 2013-ից դեպի Հայաստան ներդրումների ընդհանուր ծավալներով առաջատարն է Ռուսաստանը`բոլոր ներդրումների 38.3%-ը, կազմելով 2.5 մլրդ.դոլար: Ռուսական ներդրումները գերակայում են նաև օտարերկրյա ուղղակի ներդրումների (ՕՈւՆ) գծով` 1.755 միլիարդ դոլար, կամ 44.3%: Սակայն, ինչպես նշել է փորձագետը, ԵԱՏՄ մյուս անդամների ներդրումները հավասար են զրոյի:
Միևնույն ժամանակ, նա նշել է, որ երկու տարի առաջ ռուսական ներդրումները կազմել են ավելի քան 3 մլրդ դոլար: «Ցավոք, ներդրումները նվազել են», - ասել է Բաբկոն, ընդգծելով, որ այդ ժամանակ, հնարավոր է, որ բաժնետոմսերը գնվել են, իսկ հետո վաճառվել: Նա հիշեցրել է, որ այսօր Հայաստանում աշխատում են ռուսական կապիտալով շատ քիչ ձեռնարկություններ`«Գազպրոմ», «Ռոսնեֆտ», ՀԿԵ, հանքարդյունաբերական ընկերություններ: Ավելին, ըստ նրա, «Հայաստանի էլեկտրական ցանցեր» ՓԲԸ-ն արդիականացնում է իրականացնում, ինչը նաև նշանակում է նոր ֆինանսական ռեսուրսների ներհոսք դեպի երկրի տնտեսություն:
Մոտ ապագայում Հայաստանին նոր ներդրումներ են նախատեսվում, կապված Իրանի հետ սահմանին ազատ տնտեսական գոտու ստեղծման հետ: Բաբկոյի խոսքերով, ռուսական կողմը մտադիր է Մեղրու ԱՏԳ-ում կատարել ներդրումներ, բայց ձեռնպահ է մնացել թվեր նշելուց: «ԻԻՀ շուկան բավական բարդ է, և առանց իրանական շուկայի ուսումնասիրության չի կարելի ներդրումներ անել», - ասել է նա:
Ըստ ՀՀ տնտեսական զարգացման և ներդրումների նախարարության տվյալների, 2017 թվականի առաջին կիսամյակում Հայաստանի իրական հատվածում օտարերկրյա ներդրումները կազմել են 1,024 մլրդ.դոլար, այդ թվում, 328 մլն.դոլարի ՕՈՒՆ: Ներդրումների զգալի մասն ուղղվել է հանքարդյունաբերության ոլորտին`36 մլն.դոլար, անշարժ գույքի շուկային`7,9 մլն.դոլար, ջրամատակարարման և թափոնների կառավարմանը`7 մլն.դոլար, հանգստի կազմակերպությանը`2,5 մլն դոլար, իսկ ՕՈՒՆ գծով հիմնական ծավալը բաժին է ընկել մեծածախ և մանրածախ առևտրին`3.2 մլն.դոլար: