Հինգշաբթի, 14 Դեկտեմբերի 2017 15:14

Արմինֆո. Գերմանական զարգացման KFW բանկը  Հայաստանին կտրամադրի 5.3 մլն եվրո դրամաշնորհ`գյուղատնտեսության ապահովագրության համակարգի ներդրման նպատակով: Դեկտեմբերի 14-ին Հայաստանի կառավարությունը հաստատել է դրամաշնորհային պայմանագրի նախագիծը:

 

Ինչպես նշել է ՀՀ ֆինանսների նախարարի տեղակալ Կարեն Թամազյանը, դրամաշնորհային պայմանագիրն ուղղված է գյուղատնտեսական ապահովագրության համակարգի ներդրմանը: Ֆինանսները, ինչպես նշել է նախարարի տեղակալը, կտրամադրվի 2 տրանշով: Առաջին տրանմշը կկազմի 4.8 մլն եվրո, որը կուղղվի բացառապես գյուղատնտեսական ապահովագրության համակարգի շրջանակներում ապահովագրության տոկոսադրույքների սուբսիդավորմանը: Մնացած 515 հազար եվրոն կուղղավի խորհրդատվական ծախսերին: Հայաստանի կառավարությունը, ի դեմա Գյուղատնտեսության նախարարության, կհամաֆինանսավորի ծրագիրը 5 մլն եվրոյի չափով:

 

Ավելի վաղ ԱրմԻնֆո-ն տեղեկացվել էր, որ 2018 թ.-ից Հայաստանում կսկսվի գյուղատնտեսության ապահովագրության և հակակարկտային ցանցերի տեղադրման փորձնական ծրագիրը: Միևնույն ժամանակ, այդ մասին խոսակցութոյւններն ընթանում են արդեն 10-15 տարի: Վերջին անգամ այս թեմային անդրադար է եղել 2016 թ. դեկտեմբերին, երբ Գերմանիայի զարգացման KfW բանկը հայտարարեց, որ Հայաստանում գյուղատնտեսության ապահովագրության ինստիտուտի ներդրման ուղղությամբ հետազոտություն անցկացնելու նպատակով կտրամադրվի 1 մլն եվրո: Այն ժամանակ ՀՀ գյուղատնտեսության փոխնախարար Արմեն Հարությունյանը հայտարարեց, որ երկու տարվա ընթացքում հայկական կողմը համագործակցել է KfW- ի հետ: Ծրագիրն ուղղված կլինի գյուղատնտեսության ոլորտի շահութաբեր ուղղությունների ապահովագրությանը, ասել էր նա:

 

Ավելի վաղ KfW- ը գյուղատնտեսական ապահովագրության հայեցակարգի մշակման համար Հայաստանին և Վրաստանին  տրամադրել էր 400 հազար եվրո: Հետաքրքրական է, որ այդ աշխատանքների արդյունքները, որոնք KfW- ն հանձնարարել էր միջազգային խորհրդատվական ընկերություններից մեկին, Հայաստանի ապահովագրական շուկայի մասնակիցներն այդպես էլ չտեսան: KfW- ի երևանյան գրասենյակը հրաժարվեց ԱրմԻնֆո-ի հետ այդ հարցով հանդիպումից:

 

Մինչդեռ, 2015-ի նոյեմբերին «ԻՆԳՈ Արմենիա» ապահովագրական ընկերության գործադիր տնօրեն Լևոն Ալթունյանը, ով ներկայումս գլխավորում է ՀՀ առողջապահության նախարարությունը, ԱրմԻնֆո գործակալությանը տեղեկացվեց, որ գյուղատնտեսության, հատկապես Հայաստանի գյուղատնտեսության ոլորտում վնասները մեծ են, ինչն ունի միշարք պատճառներ: Նախ, բոլոր ռիսկերի կենտրոնացումը փոքր տարածքում, երկրորդ, խոցելիությունը բոլոր ռիսկերի նկատմամբ`ջրհեղեղներ, սառնամանիքներ, կարկուտ, սողանք և այլն: «Գյուղատնտեսական ապահովագրությունը, այս պարագայում, պետք է կրի կիսապարտադիր բնույթ, որպեսզի ապահովագրվեն ֆերմերական տնտեսությունների գոնե 30-50%-ը: Այլ պարագայում – դա անհնար է», - պարզաբանել էր Ալթունյանը: