Արմինֆո. Հայաստանի նախագահ Սերժ Սարգսյանը ճիշտ չի համարում Եվրամիության հետ նոր համաձայնագրի ստորագրումը դիտարկել զիջում-փոխզիջում ձեւակերպումների ներքո։ Այդ մասին նախագահը հայտարարել է նախօրեին «Արմենիա» հեռուստաալիքով հեռարձակված բացառիկ հարցազրույցում:
Պետության ղեկավարի ասելով, իրականում հաղթել է առողջ տրամաբանությունը, եւ եթե որեւէ կողմ պայմանագիր է ստորագրում, նշանակում է, որ կողմերը հասել են իրենց ցանկացածի գոնե նվազագույնին։ Սերժ Սարգսյանի հավաստմամբ, Արևմուտքի և Ռուսաստանի հետ երկխոսությունը երբեք հակադրության հարց չի եղել Հայաստանի համար: «Մենք մշտապես համոզված ենք եղել, որ պետք է երկխոսել թե Արեւմուտքի, թե Արեւելքի, կոնկրետ՝ Ռուսաստանի հետ։ Սա շատ լավ առիթ է, որ ես հակիրճ անդրադառնամ բանակցությունների պատմությանը։ Շատ մարդիկ, որ տարբեր կարծիքներ էին հայտնում մինչ համաձայնագրի ստորագրումը, իրենց նեղություն չէին տվել ետ գնալ եւ սկսել ակունքներից, - նշել է նա, հավելելով, - ովքեր փորձում են հակադրությունների վրա խաղալ, մշտապես գլխացավանք են ունենում»:
Անդրադառնալով այն մեղադրանքին, որ ԵԱՏՄ անդամակցության որոշումը կայացվել է մեկ գիշերում, Սերժ Սարգսյանը նշել է. «Ինձ համար շատ ծիծաղելի է, որովհետեւ հրապարակային հայտարարությունները կան, գոյություն ունեն։ Բանակցությունները շարունակվեցին նոր սկզբունքների ներքո, եւ 2015թ. Ռիգայի գագաթնաժողովում որոշում կայացվեց, որ ԱլԳ երկրների նկատմամբ պետք է տարբերակված մոտեցում ցուցաբերվի»։
Անդրադառնալով ԵՄ հետ վիզային ռեժիմի ազատակաանցման գործընթացին` Սերժ Սարգսյանը նշել է. «Ուզում եմ, որ բոլորի համար հասկանալի լինի. համաձայնագիրը առանձին գործընթաց է, իսկ վիզաների պահանջի վերացումը այլ գործընթաց է։ Դրանք, ամենայն հավանականությամբ, կապված են իրար հետ, բայց ստորագրել նոր համաձայնագիր չի նշանակում, որ ինքնին սկսվեց մուտքի արտոնագրերի ազատականացման գործընթացը՚։ Նախագահի ասելով, հնարավոր է, որ հաջորդ տարվա հենց առաջին կեսին մենք կսկսենք երկխոսությունը: «Այդտեղ եւս բազմաթիվ խնդիրներ կան, տեւական պրոցես է։ Եթե լավ աշխատենք, կարծում եմ՝ երկու-երեք տարի հետո հնարավոր կլինի հասնել վերջնանպատակին», - հայտարարել է նախագահ Սերժ Սարգսյանը։
Հիշեցնենք, որ նոյեմբերի 24-ին Հայաստանն ստորագրել է ԵՄ հետ համապարփակ և ընդլայնված գործընկերության շուրջ համաձայնագիրը: ԵԱՏՄ երկրներից Ղազախստանը 2015 թվի դեկտեմբերին ստորագրել է ԵՄ հետ ընդլայնված գործընկերության և համագործակցության շուրջ համաձայնագիր, որը ժամանակավորապես և մասամբ կիրառվում է 2016 թվականի մայիսից, և, եվրոպական փորձագետների վկայությամբ, արդեն նպաստել է երկկողմ հարաբերությունների բարձրացմանը որակապես նոր մակարդակի, իսկ ԵՄ անդամ բոլոր պետությունների կողմից դրա վավերացումն ու ուժի մեջ մտնելը թույլ կտան էլ ավելի ընդլայնել և ամրապնդել փոխգործակցության սպեկտրը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը