Քարտից քարտ ակնթարթային փոխանցումներ ռուսական բանկերի քարտերից ՎՏԲ-Հայաստան Բանկի քարտերին

Արմինֆո. ՎՏԲ խումբը մեկնարկել է ակնթարթային դրամական փոխանցումներ ՎՏԲ-Հայաստան Բանկի քարտերին՝ ռուսական ցանկացած բանկի քարտից:

Ինչպես ԱրմԻնֆո-ին պարզաբանել են Բանկի մամուլի ծառայությունում, նոր ծառայության շրջանակներում ՎՏԲ-Հայաստան Բանկի քարտերին դրամական փոխանցումներ կարող են կատարվել ցանկացած ռուսական բանկի կողմից թողարկված քարտից՝ շուրջօրյա և ակնթարթորեն: Ընդ որում` փոխանցում ուղարկողի և ստացողի քարտերը պետք է թողարկված լինեն Visa կամ MasterCard վճարային համակարգերում: Նոր ծառայությունը հասանելի է հետևյալ հղումով. https://perevod.vtb24.ru:

Փոխանցման նվազագույն գումարը մեկ օրում կազմում է 100 ռուբլի, առավելագույնը՝ 100 000 ռուբլի: Փոխանցման դիմաց փոխանցողից գանձվում է միջնորդավճար՝ 1%, նվազագունը 75 ռուբլի (Mastercard քարտերի համար) և 150 ռուբլի (Visa քարտերի համար), իսկ փոխանցումը ստացողի համար ծառայությունն անվճար է:

Փոխանցում կատարելու համար փոխանցողը պետք է այցելի սույն հղմամբ https://perevod.vtb24.ru, որն առկա է նաև ՎՏԲ-Հայաստան Բանկի պաշտոնական կայքի գլխավոր էջում՝ նշել փոխանցման գումարը և փոխանցում ուղարկողի ու ստացողի քարտերի տվյալները: Փոխանցումներն իրականացվում են ՌԴ ռուբլով,   ՎՏԲ-Հայաստան Բանկի քարտերին փոխանցումը հաշվեգրվում է ևս ՌԴ ռուբլով՝ ՌԴ ռուբլու հաշվի առկայության դեպքում (ՎՏԲ-Հայաստան Բանկի գրեթե բոլոր քարտերն ունեն քատին կցված միաժամանակ 4 արժույթով հաշիվ՝  АМД, USD, EUR и RUB):

«Հաշվի առնելով հայկական շուկայի առանձնահատկությունները, արտերկրում` հատկապես Ռուսաստանի Դաշնությունում հայկական մեծ սփյուռքի առկայությունը և փոխանցումների զգալի մասնաբաժինը երկրի ՀՆԱ-ում, դրամական փոխանցումների հարմարավետ ծառայությունների ներդրումը կարևոր է Բանկի մրցակացային դիրքի պահպանման համար: Նոր առաջարկի յուրահատկությունն այն է, որ ոչ փոխանցողը ոչ էլ ստացողը կարիք չունեն այցելելու Բանկի մասնաճյուղեր, իսկ փոխանցումներն ակնթարթային են և շուրջօրյա` պահանջելով նվազագույն տվյալներ»,- մեկնաբանել են ՎՏԲ-Հայաստան Բանկում: 

Ավելի մանրամասն տեղեկություններին կարելի է ծանոթանալ ՎՏԲ-Հայաստան Բանկի մասնաճյուղերում, Բանկի կայքում www.vtb.am, ինչպես նաև Կոնտակտային կենտրոնի միջոցով՝ զանգահարելով 8787 հեռախոսահամարին:

Ըստ ԱրմԻնֆո գործակալության` «Հայաստանի բանկերի քարտային բիզնեսումե 16-րդ թողարկման վերլուծական Տեղեկագրի, ՎՏԲ-Հայաստան Բանկը հանդիսանում է Հայաստանի պլաստիկ շուկայի առաջատարը՝ ոչ թե միայն ակտիվ քարտերի քանակով (ինչպես ընդհանուր, այնպես էլ առանձին`Visa և MasterCard քարտերով), այլ նաև պլաստիկ տրանսակցիաների ծավալով:

Այսպես՝ 2017 թվականի հոկտեմբերի 1-ի դրությամբ բանկն ունի մոտ 334 հազար քարտ, որի ավելի քան 181 հազարը MasterCard են, շուրջ 153 հազարը՝ Visa քարտ: ՎՏԲ-Հայաստան Բանկի պլաստիկ քարտերով գործարքների ծավալը

2017 թ. 9 ամիսներին կազմել է 181.2 մլրդ դրամ, որից շուրջ 93%-ը կամ 167.2 մլրդ-ն կազմել են բանկոմատներով գործարքները: Պլաստիկ տրանսակցիաների ծավալը հաջողվել է ավելացնել տարեկան կտրվածքով 13,5%-ով, իսկ բանկոմատներով գործարքների ծավալը՝ 14%-ով: Մինչև 2013 թվականը ՎՏԲ-Հայաստան Բանկը թողարկում և սպասարկում էր միայն միջազգային visa քարտեր, իսկ նույն տարվա սեպտեմբերին, դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից բացի, բանկը նաև սպասարկում է տեղական ArCa քարտերը: Բանկն ունի իր սեփական պրոցեսինգը:

 «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: