Արմինֆո. Կոնվերս Բանկը՝ Ամանորին և Սուրբ ծննդյան տոներին ընդառաջ հայտարարում է ավանդական Cashback ակցիայի մեկնարկի մասին:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Բանկի գործընկերների ցանցում ընդգրկված են սպասարկման և ծառայությունների ոլորտի՝ այդ թվում հագուստի, կոշիկի, օծանելիքի, քաղցրավենիքի, մեծ պահանջարկ վայելող բրենդային խանութներ ու վաճառակետեր:
«Կոնվերս Բանկը, հավատարիմ հաճախորդներին խրախուսելու նպատակով, նախատոնական Cashback ակցիա է իրականացնում յուրաքանչյուր տարի՝ Բանկի քարտապաններին շահավետ գնումների հնարավորության ընձեռելով:Դեկտեմբերի 29-ին և 30-ին, կատարելով ամանորյա անկանխիկ գնումներ Բանկի գործընկեր խանութներում և վաճառակետերում, հաճախորդները կստանան գործարքի/ գործարքների գումարի 25 տոկոսի չափով հետվերադարձ: Ակցիան չի գործի առցանց գնումների դեպքում»,-նշում է աղբյուրը:
Միաժամանակ, այս Cashback ակցիայով Կոնվերս Բանկում մեկնարկում են Բանկի 25-ամյակին նվիրված միջոցառումները:
«2018թ՝ Կոնվերս Բանկի 25-ամյակին նվիրված միջոցառումների շրջանակներում, Բանկը իր նոր և գործող հաճախորդներին կներկայանա տարբեր նոր շահավետ ակցիաներով և պրոդուկտներով, ինչպես նաև լոյալության ու սոցիալական պատասխանատվության ծրագրերով ինչպես Երևանում, այնպես էլ մարզերում»,- ասել են Բանկում:
Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Իսկ Բանկի 100% բաժնետոմսերի անուղղակի բաժնետերն է Holding Company "Blakery Assets" LTD:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |