Հինգշաբթի, 28 Դեկտեմբերի 2017 11:56
Ալեքսանդր Ավանեսով

2017թ. «Լիդիան Արմենիան» հողի վարձակալության համար մոտ 863 300 ԱՄՆ դոլար է վճարել տեղի համայնքներին

2017թ. «Լիդիան Արմենիան» հողի վարձակալության համար մոտ 863 300 ԱՄՆ դոլար է վճարել տեղի համայնքներին

Արմինֆո. Յուրաքանչյուր տարվա վերջում Լիդիան Արմենիան հրապարակում է Ամուլսարի հարակից համայնքների տեղական բյուջեներ վճարված գումարները՝ որպես թափանցիկ աշխատելու պարտավորության մի մաս: 2017թ.-ին Լիդիանը վճարել է մոտ 863 300 ԱՄՆ դոլար Ջերմուկ, Զառիթափ և Գորայք համայնքներին, որից՝ Ջերմուկ – 318 744 ԱՄՆ դոլար, Զառիթափ – 290 694 ԱՄՆ դոլար, Գորայք – 253 845 ԱՄՆ դոլար:

Սրանք ուղղակի կատարված վճարումներն են համայնքների տեղական բյուջեներ՝ Ամուլսարի Ծրագրի ենթակառուցվածքների համար հողի վարձակալության դիմաց:

2017թ.-ին Ամուլսարի հարակից Գնդեվազ, Սարավան և Գորայք համայնքները դարձան խոշորացված Ջերմուկ, Զառիթափ և Գորայք համայնքների մաս: Մինչև համայնքների խոշորացումը Լիդիանը վճարում էր հողի վարձակալության վճարները Գնդեվազ, Սարավան, Գորայք համայնքներին: Սկսած 2008թ.-ից Լիդիանն ավելի քան 4 միլիոն ԱՄՆ դոլար է վճարել նշված համայնքներին: Համայնքների խոշորացման արդյունքում այժմ վճարները ուղղվում են ավելի խոշոր համայնքներ՝ Ջերմուկ (ներառում է Գնդեվազը), Զառիթափ (ներառում է Սարավանը) և Գորայք:  Այս վճարները հնարավորություն են ստեղծել համայնքներին իրականացնել ենթակառուցվածքների վերանորոգման տարբեր ծրագրեր, ինչպես օրինակ՝ ճանապարհների, ոռոգման համակարգերի, դպրոցների և այլ տեղական ենթակառուցվածքների բարելավում, ջրամատակարարում, փողոցների լուսավորություն և այլն:

Լիդիան Արմենիան նաև խրախուսում է համայնքներին այդ գումարները ներդնել ընկերության կողմից իրականացվող սոցիալական զարգացման ծրագրերում՝ ակնկալելով մասնակի ֆինանսավորում նաև համայնքների կողմից:

Ամուլսարի ծրագիրը դեռևս չի սկսել արտադրությունը, բայց շինարարության այս ակտիվ փուլում Ծրագրի տնտեսական ազդեցությունը տարածաշրջանի վրա արդեն ակնհայտ է: Ամուլսարի ծրագրում այս պահին աշխատում է ավելի քան 1400 մարդ, որից 482-ը հարակից համայնքներից են:

Լիդիան Արմենիան հպարտ է, որ արդեն Հայաստանի խոշորագույն 20 հարկատուների շարքում է՝ համաձայն պաշտոնական վիճակագրության: Հաշվի առնելով, որ Ամուլսարի ծրագիրը դեռևս չի սկսել արդյունահանումը, այն փաստը, որ Լիդիանն արդեն 19-րդ խոշոր հարկատուն է Հայաստանում, ի ցույց է դնում Ամուլսարի ծրագրի շինարարության զգալի տնտեսական ազդեցությունը, ինչպես նաև՝ Լիդիանի պատասխանատու և օրինակելի ընկերություն լինելը:

Տարածաշրջանում տնտեսական ակտիվության մեկ այլ ցուցանիշ է Լիդիան Արմենիայի և կապալառուների կողմից իրականացվող տեղական գնումների կայուն աճը: Տեղական գնումների վրա Ամուլսարի ծրագրի ծախսված գումարը 2017թ.-ի մարտից աճել է ամսական 54 000 ԱՄՆ դոլարից մինչև ավելի քան 325 000 ԱՄՆ դոլարի 2017թ.-ի նոյեմբեր ամսվա ընթացքում: 

Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ: Ընկերության բաժնետերերն են` IFC- ն և ՎԶԵԲ-ը: Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում:


Նորություններ


Արտ. փոխարժեքները
22.10.2020
RUB6.420.01
USD494.31-0.06
EUR584.77-0.71
GBP647.001.65
CAD375.87-1.25
JPY47.190.06
CNY74.270.24
CHF544.93-1.58



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000