Արմինֆո. Հայաստանի ծառայությունների ոլորտի ծավալները 2017 թվականի հունվար-նոյեմբերին աճել են 14,2%, մինչև 1,3 տրլն դրամ (2,7 մլրդ դոլար), նախորդ տարվա 8% աճի համեմատ: Իսկ միայն նոյեմբերին անկումը կազմել է 8.5%, մինչև 129 մլրդ դրամ (265.8 մլն դոլար):
Ըստ ՀՀ Ազգային վիճակագրական ծառայության տվյալների, տարեկան աճի տեմպերը պայմանավորված էին ծավալների բարելավումով հանրային սննդի ոլորտում` 19,7% աճ, մասնագիտական, տեխնիկական և գիտական գործունեությունում`1,8% աճ, առողջապահության ոլորտում`17.2% աճ, անշարժ գույքի գործառնություններում` 6,3% -ից մինչև 7,7% աճ, տեղեկատվության և հաղորդակցության ոլորտում`0.1%-ից մինչև 5.2%, վարչական և օժանդակ գործունեությունում`2.4% -ից մինչև 11.2% աճ, ֆինանսական և ապահովագրական գործունեությունում` 4.4% -ից մինչև 19.8% աճ:
Տրամադրված ծառայությունների ծավալներով առաջատարն է ֆինանսական հատվածը` 274.2 մլրդ դրամ (ընդհանուր ծավալից`20.9%-ը), որտեղ առյուծի բաժինը կազմել են բանկերը: Երկրորդ տեղում է մշակույթի, ժամանցի և հանգստի ոլորտը`260.4 մլրդ դրամ (19.9% ընդհանուրի), տարեկան աճը`22.7%: Երրորդ տեղում է տեղեկատվության և կապի ոլորտը`208.6 մլրդ դրամ (15.9%), որտեղ հիմնական բեռն ընկնում է հեռահաղորդակցության հատվածին: Չորրորդ տեղում է տրանսպորտի ոլորտը`176.8 մլրդ դրամ (13.5%), տարեկան 14.6% աճով: Հինգերորդ տեղում են տուրիզմի և հանրային սննդի ոլորտը`101,6 մլրդ դրամ (7,57%), տարեկան անկումը`19.7%:
ՀՀ դրամի միջին հաշվարկային փոխարժեքը 2017 թվականի նոյեմբերին կազմել է 485.36 դրամ/$ 1, իսկ հունվար-նոյեմբերին`482.67 դրամ/$ 1:
RUB | 4.27 | 0.00 |
USD | 394.71 | -0.97 |
EUR | 427.55 | -1.96 |
GBP | 498.56 | -2.21 |
CAD | 290.38 | -1.33 |
JPY | 26.11 | -0.04 |
CNY | 54.62 | -0.20 |
CHF | 435.85 | -3.60 |