Ուրբաթ, 12 Հունվարի 2018 13:11

Արմինֆո. 2017 թվականի գործունեության արդյունքներով ռուսաստանցի միլիարդատեր Սամվել Կարապետյանի «Տաշիր՚ ընկերությունների բազմապրոֆիլ խումբը պահպանել է դրական դինամիկան բիզնեսի բոլոր հիմնական ցուցանիշների գծով: Ռուսաստանում և դրա սահմաններից դուրս տնտեսության տարբերի ճյուղերում (շինարարություն, դիվելոփմենթ, արդյունաբերություն, մանրածախ բիզնես, էներգետիկա, ֆինանսական հատված, բժշկություն և այլն) ակտիվներ ունեցող և կառավարող խմբի միագումար հասույթը կազմել է 164 մլրդ ռուբլի:

2017 թվականին դիվելոփմենթի ոլորտում «Տաշիրը՚ պահպանել է առաջատար դիրքերը Ռուսաստանում` առևտրային օբյեկտների թվով: Տարեվերջին խմբի ակտիվում եղել է առևտրային անշարժ գույքի 51 օբյեկտ:

2017 թվականի գլխավոր իրադարձություններից է «ՌԻՈ՚ կենտրոնների դաշնային ցանցի մուտքը Հայաստանի շուկա: Երևանում կենտրոնի կառուցման նախագծում ներդրումների ընդհանուր ծավալը կազմել է 40 մլն դոլար:

Անցած տարի «Տաշիրը՚ ձեռնամուխ է եղել Մոսկվայի հարավ-արևմուտքում պրեմիում կարգի նոր բնակարանային համալիրի կառուցման նախագծի իրագործմանը, որում ներդրումների ընդհանուր ծավալը կկազմի շուրջ 2 մլրդ ռուբլի: 2017 թվականին Մոսկվայում սկսվել են «Ռոզմարին Դելյուքս՚ բնակարանային համալիրի կառուցման աշխատանքները. այդ նախագծում «Տաշիր՚ խմբի ներդրումների ընդհանուր ծավալը կազմել է շուրջ 150 մլն ԱՄՆ դոլար: Շարունակվում է Մոսկվայում չորս տրանսպորտային հանգույցների նախագծման աշխատանքները, որում խմբի ներդրումների ընդհանուր ծավալը կկազմի ավելի քան 30 մլրդ ռուբլի:

2017 թվականին խումբը մի շարք նախագծեր է իրագործել էներգետիկայի ոլորտում: Մասնավորապես, «Տաշիր՚ ընկերությունների խմբում ընգրկված «Հայաստանի էլեկտրական ցանցեր՚ ընկերության զուտ շահույթը տարվա արդյունքներով կազմել է  15,5 մլն դոլար: Բարելավվել են ցանցերում էլեկտրաէներգիայի կորուստների ցուցանիշները` 9,7%-ից մինչև 8,8%: 2017 թվականի նոյեմբերին Երևանում «Տաշիրը՚ հայտարարել է Հայաստանի Հանրապետության էներգետիկայի ոլորտում ներդրումային ծրագրի մասին, որը ներառում է երկու ուղղություն. 900 մլն ԱՄՆ դոլարի ներդրումներ առկա էլեկտրաէներգետիկ ենթակառուցվածքի վերակառուցման գործում և էլեկտրաէներգիայի առևտրային հաշվառման ավտոմատ համակարգի ներդրում, ինչպես նաև Շնողի ՀԷԿ-ի կառուցում:

2017 թվականին իր 25-ամյա հոբելյանն է նշել «Ֆորա-Բանկը՚, որն իր գործունեության ընթացքում ներառվել է Ռուսաստանի խոշորագույն բանկերի ցուցակում  և հաստատել է հուսալի բիզնես-գործընկերոջ կարգավիճակը` տարիներ շարունակ պահպանելով կայուն դրական դինամիկա: Բանկը ընդլայնել է ներկայության աշխարհագրությունը` բացելով 14 նոր բաժանմունք: Տարեվերջին Ռուսաստանի 18 տարածաշրջաններում գործում են «Ֆորա-Բանկի՚ 104 ստորաբաժանումներ:   

2017 թվականին «Տաշիր՚ խումբը շարունակել է զարգացնել սեփական ռիթեյլ-նախագծերը, գործարրկել է կոշիկի  նոր One Way բրենդը: Տարեվերջին վեց խանութ է բացել Մոսկվայում ու Երևանում: Տնային ապրանքների Goood's House ցանցը նոր խանութ է բացել Երևանի «ՌԻՕ՚ առևտրի և զվարճությունների կենտրոնում: Ցանցը ներառում է 8 խանութ Մոսկվայում, Կալուգայում ու Երևանում:

«Տաշիր Պիցա՚ ռեստորանայիան նախագիծն ընդլայնել է ցանցը: 2017 թվականի վերջին «Գրանդ Ֆուդ՚ կորպորացիան ներառում էր 132 ռեստորանային նախագիծ Ռուսաստանի, Հայաստանի, Բելառուսի, Վրաստանի ԱՄԷ 48 քաղաքներում: «Սինեմա Սթար՚ կինոթատրոնների դաշնային ցանցը նույնպես ընդլայնվել է. տարեվերջին Ռուսաստանում, ինչպես նաև Հայաստանում գործում է 28 կինոթատրոն: Դեկտեմբերին Երևանում բացվել է «Զուլանդիա՚ էկզոտարիումը, որտեղ պահվում են 30 տեսակի կենդանիներ երկրագնդի տարբեր անկյուններից:

Ընկերությունների «Տաշիր՚ խումբը շարունակում է դիվերսիֆիկացնել ակտիվների պորտֆելը և նախագծեր է գործարկում նոր ոլորտներում: Այս տարի կորեացի գործընկերների հետ միասին «Տաշիրը՚ ձեռնամուխ է եղել Սկոլկովոյում գերժամանակակից հոսպիտալի նախագծմանը. նախագծում ներդրումների ընդհանուր գումարը կկազմի 15 մլրդ ռուբլի: