Միքայել Մելքումյան. Վառելիքի թանկացման արդյունքում Հայաստանում կբարձրանան բոլոր ապրանքների գները

Արմինֆո. «Եթե կառավարությունը բարձրացնում է ակցիզային հարկերը, ապա թող նվազեցնի աշխատավարձի հարկերը: Գազը թանկացել է, ինչի արդյունքում կթանկանա նաև տրանսպորտը, իսկ արդյունքում`կթանկան աամեն ինչ», - ասել է լրագրողների հետ զրույցում ՀՀ Ազգային ժողովի փոխխոսնակ, «Ծառուկյան» դաշինքի անդամ Միքայել Մելքումյանը:

Նա հաղորդել է, որ, 2018 թվականի հունվարից երկրի բյուջեն կհավաքագրի 10 մլրդ դրամով ավելի միջոցներ, կապված հեղուկ գազի ակցիզային հարկի բարձրացման հետ, իսկ արդյունքում կթանկանան բոլոր ապրանքները: Բենզինի ակցիզի բարձրացումից կառավարությունը կհավաքագրի լրացուցիչ 3 մլրդ դրամ, ևս 5 մլրդ կկարողանա ապահովել ծխախոտի ակցիզից: Պատգամավորի խոսքերով, նոր թանկացումը ոչ մի կերպ չի կարելի համեմատել անապահով ընտանինքների եկամուտների հարկերը 1-2 հազար դրամով իջեցնելու հետ: Հայաստանում մոտ 220,000 մարդ ապրում է նվազագույն աշխատավարձով, որը հարկայինի նվազեցումներից հետո կազմում է ընդամենը 55 հազար դրամ: Եվս 150 հազար մարդ ապրում է համեմատաբար համեստ աշխատավարձով` 100-120 հազար, և այդ գումարներով նրանք ստիպված են ապահովել ոչ միայն իրենց, այլև իրենց ընտանիքներին, քանի որ շատ հաճախ ընտանիքում աշխատում է միայն մեկ անձ», - ասել է փոխխոսնակը:

Այսպիսով, ըստ Մելքումյանի, ՀՀ աշխատող քաղաքացիների ավելի քան կեսն աղքատ է, և պարզապես անընդունելի է ներկայիս իրավիճակում հարկերի բարձրացումը: Եվ քանի որ ակցիզային հարկը մշտապես աճում է, տրամաբանական կլիներ նվազեցնել եկամտահարկի դրույքաչափերը, որպեսզի մարդիկ հնարավորություն ունեն գնել ապրանքներ, որոնք մշտապես թանկանում են», - ասել է Մելքումյանը: «Նրանք, ովքեր ամսական ստանում են մինչև 150 հազար դրամ աշխատավարձ, պետք է վճարեն ոչ թե 23%, այլ 21%, իսկ 150-ից մինչև 300 հազար դրամ ստացողները`ոչ թե 28%, այլ 26%: Այդ դեպքում նրանց ապրանքների և ծառայությունների զամբյուղը կմնա նույնը», - նշել է պատգամավորը:

Ինչ վերաբերում է նրան, թե արդյոք «Ելք»-ի երթին կմիանա «Ծառուկյան» դաշինքը, Մելքումյանը նշել է, որ այդ հարցը խմբակցությունում չի քննարկվել: «Մենք հարգում ենք

«Էլք» խմբակցության մեր գործընկերների տեսակետը, եթե նրանք գտնում են, որ պետք է անցկացնել հանրահավաք, ապա մենք հարգում ենք նրանց դիրքորոշումը», - ասել է նա, միաժամանակ թերահավատություն հայտնելով գների իջեցման առումով: Նրա խոսքերով, այս խնդիրը պետք է լուծվի այլ մեթոդներով, չնշելով դրանք:

Նշենք, որ «Ելք» խմբակցությունը, կապված լայնածավալ թանկացումների հետ, մտադիր է հունվարի 19-ին, ժամը 17.00-ին անցկացնել հանրահավաք: Սպասվում է, որ կբարձրանա նաև ծխախոտի գները: Ավելի վաղ հաղորդվել էր, որ գների բարձրացումը պայմանավորված է մաքսային տուրքերի աճով`ավելի քան 800 տեսակի ապրանքների գծով: Գների աճը հիմնականում պայմանավորված է նրանով, որ 2018 թվականի հունվարի 1-ից ուժի մեջ է մտել ԵԱՏՄ նոր Մաքսային օրենսգիրքը: