Արմինֆո. Հայաստանի կենտրոնական բանկի գնահատմամբ` 2017 թվականին ՀՆԱ աճը կկազմի 6,4%, ինչը պայմանավորված է, հիմնականում, մասնավոր սպառման և մասնավոր ներդրումների աճի` սպասվածից բարձր (2 տոկոսային կետով) տեմպերով: Այդ մասին հաղորդել են ՀՀ ԿԲ մամուլի ծառայությունից:
Ավելի վաղ Կենտրոնական բանկի IV եռամսյակի դրամավարկային քաղաքականության ծրագրում, որը հրապարակվել է 2017 թվականի նոյեմբերին, նշվել էր ՀՆԱ 4,4-4,9% աճ (միջինը` 4,6%), իսկ միջնաժամկետ կանխատեսումները հետևյալն էին. 2018թ.` 3,5-4,6%, 2019թ.` 3,5-4,9%, 2020թ.` 3,8-5,4%: ԴՎՔ նույն ծրագրում ակնկալվում էր մասնավոր սպառման աճի արագացում` նախկին 4,8%-ից մինչև 7,4% և մասնավոր ներդրումների 6% ավելացում: Հիշեցնենք, որ Համաշխարհային բանկի վերջին կանխատեսումներով, 2018 թվականին Հայաստանում ՀՆԱ աճը կկազմի 3,8%` 2019թ. մինչև 4% արագացմամբ` 2017 թ. ակնկալվող 3,7% աճի դիմաց: Fitch-ը 2017թ. Հայաստանի ՀՆԱ աճի կանխատեսումը բարելավել է մինչև 4,3%` ավելի վաղ կանխատեսված 3,4%-ից, և տեսնում է 2018- 2019 թթ. աճի միջին հաշվով 3,6% արագացման հնարավորություն: Հայաստանի բյուջեում 2018 թվականի համար ամրագրված է ՀՆԱ 4,5% աճ:
ՀՀ ազգային վիճակագրական ծառայության տվյալներով, 2017 թվականի հունվար-նոյեմբեր ամիսներին Հայաստանում տնտեսական ակտիվության աճն արագացել է մինչև 7,3%` նախորդ տարվա 11 ամսվա 0,6%-ից: Որպես աճի դրայվեր հանդես են եկել առևտուրը, ծառայությունների ոլորտը և արդյունաբերական հատվածը: 2017թ. հունվար-դեկտեմբեր ամիսներին Հայաստանի սպառողական շուկայում ինֆլյացիան կազմել է 2,6%` տարեկան (2016թ. հունվար-դեկտեմբերի նկատմամբ) 1% ինֆլյացիայի պայմաններում:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |