Չորեքշաբթի, 24 Հունվարի 2018 17:18

Արմինֆո. Փոխարինելով օֆշորային բաժնետերերին, «ՄՏՍ Արմենիա» բջջային օպերատորը մնաց վերջնական շահառուների ձեռքում: Նման պարզաբանմամբ է հանդես եկել «ՄՏՍ Արմենիա» ՓԲԸ մամուլի ծառայությունը, 2 օր անց այն բանից հետո, երբ ՀՀ Հանրային ծառայությունները կարգավորող հանձնաժողովում հայտնվեցին օպերատորի 100% -ը մեկ օֆշորային ընկերությունից մյուսին վաճառելու մասին փաստաթղթերը: Այսօր Հանձնաժողովը հավանություն է տվել այդ գործարքին, որը, ինչպես պարզաբանել է «ՄՏՍ Արենիան», տեղի է ունեցել վերջնական շահառուների միջոցով, «օպտիմալացման նպատակով:

Ընկերության երկարատև լռությունն այս թեմայով և անբարենպաստ ֆոնի առկայությունը ռուսաստանյան «ՄՏՍ» ընկերության շուրջ, կապված Ռոսնեֆտ, Բաշնեֆտ և Բաշկիրիայի հանրապետության միջև միլիարդավոր ֆինանսական վեճերի հետ, գործակալության վերլուծաբաններին առիթ են տալիս ենթադրել հայկական դուստր ընկերությունը վաճառելու մասին ռուսական մայր կազմակերպության մտադրությունների մասին: Խոսքը, սակայն, ինչպես իրականում պարզվեց, գնում էր ընդամենը օֆշորային ընկերությունների շղթայում բաժնետոմսերի վերաբաժանման մասին, ընդ որում`միայն բաժնետերերին հայտնի նպատակներով:

Փաստորեն, ինչպես և նախկինում, «ՄՏՍ Արմենիա» ընկերության շահերը պատկանում են վերջնական շահառուներին, ի դեմս «Մոբիլնիե ՏելեՍիստեմի» ԲԲԸ-ի, որը վերահսկում է ընկերության բաժնետոմսերի 80% -ը, ինչպես նաև Լիբանանի գործարար եղբայրներ Ֆաթթուշներին, որոնք վերահսկում են 20% բաժնեմասը: Նշված գործարքի արդյունքում «ՄՏՍ Արմենիա» ընկերության 99.99% բաժնեմասը, որը նախկինում պատկանում էր մեկ այլ օֆշորային ընկերությանը «КT (Holding) SAL», վաճառվել է մեկ այլ օֆշորային ընկերության`Aramayo Investments Limited-ին: Մնացած 0.01% բաժնեմասը, որը հավասարապես բաշխված էր երկու մյուս բաժնետերերի միջև, նույնպես պետք է օտարվեն հօգուտ Aramayo Investments Limited-ի: Այդ բաժնետերերի մեկը ՌԴ քաղաքացի Պավել Մաշարովն է, ով հանդիսանում է Aramayo Investments Limited-ի տնօրենը, որը, ըստ «ՄՏՍ»-ի հաշվետվությունների, հանդիսանում է ռուսական ընկերության հետ փոխկապակցված անձ:

Հիշեցնենք, որ Կիպրոսի ռեգիստրի շնորհիվ հայտնի է դարձել, որ Aramayo Investments Limited-ը որպես օֆշորային ընկերություն է գրանցվել է 2015 թվականի դեկտեմբերի 3-ին:   Ընկերությունը գրանցված է`1065, Nicosia, Cyprus, փող. Arch. Makarioy III, 2-4, CAPITAL CENTER, 9 հարկ: Կիպրոսյան օֆշորը հիշատակվում է նաև Bloomberg-ի տվյալների բազայում, որի համաձայն, Aramayo ընկերությունն իր դուստր ձեռնարկությունների միջոցով զբաղվում է մետաղների և համաձուլվածքների վերամշակմամբ: Ընկերությունը կառավարում է ներդրումային սեփականությունը և զբաղվում է նաև ֆինանսական ներդրումներով: Ընկերության մասնաճյուղերը գտնվում են Շվեյցարիայում, Մեծ Բրիտանիայում, Գերմանիայում, ԱՄՆ-ում, Ֆրանսիայում, Իտալիայում և Իսպանիայում: Ընկերության գլխավոր գրասենյակը գտնվում է Շվեյցարիայի Ժնև քաղաքում: Սակայն, ARAMAYO INVESTMENT S A անավանումով ընկերություն կա գրանցված նաև Պանամայում: Բայց դժվար է ասել, թե ինչ կապ կա Կիպրոսում և Պանամայում գտնվող այս երկու օֆշորների միջև:

Ըստ «ԱրմԻնֆո» գործակալության վարկանիշային ծառայության վերլուծական նյութերի, 2016 թվականի արդյունքներով արդեն ընկերության հասույթը նվազել էր 20.7%, համախառն շահույթը նվազել էր 27,4%, զուտ շահույթը, 61%, ընկերության ակտիվները նվազել էին 13.4%: EBITA ցուցանիշը վերջին տարիներին աստիճանաբար նվազել էր, մասնավորապես, 2014-ի 27.4% -ից մինչև 2017-ի 11.08%-ը: 2017 թ. ֆինանսական տվյալները դեռ չեն հրապարակվել: