Շաբաթ, 27 Հունվարի 2018 17:53
Կարինա Մելիքյան

2017 թվականի արդյունքներով Արդշինբանկը հիմնական ցուցանիշների գծով հաստատվել է առաջատար եռյակում

2017 թվականի արդյունքներով Արդշինբանկը հիմնական ցուցանիշների գծով հաստատվել է առաջատար եռյակում

Արմինֆո. 2017 թվականի արդյունքներով Արդշինբանկը հիմնական ցուցանիշների գծով հաստատվել է առաջատար եռյակում: ԱրմԻնֆո ԼԳ պատրաստած «Հայաստանի բանկերի էքսպրես-ռենքինգի՚ տվյալներով, բանկի ակտիվները հասել են 568.3 մլրդ դրամի (1.2 մլրդ դոլար), ընդհանուր պարտավորությունները` 501.7 մլրդ դրամի (1.04 մլրդ դոլար): Տարեկան կտրվածքով բանկն  ապահովել է ակտիվների 3,6% աճ` ինչպես վարկային պորտֆելի, այնպես էլ արժեթղթերում ներդրումների աճի հաշվին: Դրան զուգընթաց բանկը 5,2%-ով ավելացրել է ընդհանուր պարտավորությունները` հաճախորդների ժամկետային ավանդների և ցպահանջ ավանդների աճի հաշվին:

 

Արդշինբանկի ակտիվների կառուցվածքում վարկային ներդրումներին և այլ փոխատվություններին բաժին է ընկել ավելի քան 69% կամ 392.5 մլրդ դրամ (810.8 մլն դոլար, տարեկան աճը 9,6%): 2017 թվականին արժեթղթերում բանկի ներդրումների ծավալն ավելացել է 65,1%-ով` հասնելով 34.1 մլրդ դրամի (70.5 մլն դոլար): Իսկ բանկի ընդհանուր պարտավորությունների կառուցվածքում հաճախորդների ժամկետային ավանդների և ցպահանջ ավանդների բաժինը կազմել է 68,8% կամ 345 մլրդ դրամ (712.6 մլն դոլար, տարեկան աճը 11,9%), բանկերից և այլ ֆինանսական կազմակերպություններից ներգրավված միջոցներինը` 21,6% կամ 108.1 մլրդ դրամ (233.3 մլն դոլար), իսկ թողարկված սեփական կորպորատիվ պարտատոմսերից ներգրավված միջոցներինը` 9,3% կամ 46.7 մլրդ դրամ (96.5 մլն դոլար):

 

2017 թվականի արդյունքներով Արդշինբանկի զուտ շահույթը կազմել է 5.7 մլրդ դրամ (11.8 մլն դոլար): Բանկի ընդհանուր կապիտալի կառուցվածքում, որը կազմել է 66.6 մլրդ դրամ (137.6 մլն դոլար), կանոնադրական կապիտալին բաժին է ընկնում 75,4% կամ 50.2 մլրդ դրամ (շուկայում 1-ին դիրք), իսկ կուտակված շահույթին` 12,6% կամ 8.4 մլրդ դրամ: Տարեկան կտրվածքով բանկը 2,6 անգամ ավելացրել է կանոնադրական կապիտալը:

 

2017  թվականին բանկը նորմատիվային ընդհանուր կապիտալն ավելացրել է 29%-ով, մինչև 58.2 մլրդ դրամ, ինչը 94%-ով գերազանցում է 2017 թվականի հունվարի 1-ից ուժի մեջ մտած 30 մլրդ դրամի նվազագույն նորմատիվը: 2018 թվականի հունվարի 1-ին Արդշինբանկի կապիտալի բավականաչափության նորմատիվը կազմել է 13,29% (N1, պահանջվող նվազագույն 12%-ի դեպքում), ընդհանուր իրացվելիության նորմատիվը`28,28% (N2/1, պահանջվող 15% նվազագույնի դեպքում) և ընթացիկ իրացվելության նորմատիվը`131,26% (N2/2, պահանջվող 60% նվազագույնի դեպքում):

 

Նշենք, որ Արդշինբանկը պահպանում է առաջատար դիրքն արդյունաբերական հատվածի վարկավորման գծով, ամրապնդել է դիրքերը առաջատար եռյակում` շինարարության հատվածի, տրանսպորտի և կապի ոլորտի, հասարակական սննդի և ծառայությունների ոլորտների վարկավորման գծով, հաստատվել է 4-րդ դիրքում առևտրի հատվածի և ՓՄՁ ոլորտի վարկավորման գծով: Դրան զուգընթաց, բանկը դիրքերն ամրապնդել է սպառողական վարկերի գծով առաջատար եռյակում, մասնավորապես, առաջ անցնելով հիփոթեքային վարկավորման գծով:

 

Հիշեցնենք, որ «Արդշինբանկ՚ ՓԲԸ հիմնվել է 2003 թվականին: Այժմ Արդշինբանկը, հաշվի առնելով 2016 թվականի դեկտեմբերին նրա հետ միավորված Առէքսիմբանկ-Գազպրոմբանկ խումբը, ունի 64 մասնաճյուղ, որոնցից 19-ը Երևանում են, 42-ը` Հայաստանի մարզերում, և 3-ն` Արցախում: Մասնաճյուղերի ընդհանուր թվով և, մասնավորապես, տարածաշրջանային ցանցով բանկը պահպանում է 2-րդ դիրքը: Արդշինբանկն ունի նաև ներկայացուցչություն Փարիզում: Որպես Արդշինբանկի մեծամասնական բաժնետեր հանդես են գալիս «Արինս Գրուպ՚ ՍՊԸ-ն (վերանվանված «Բիզնես ներդրումների կենտրոն՚ ՍՊԸ-ն է)` 69,96%, և «ՌԵԳԻՈՆ արդյունաբերական-ֆինանսական կորպորացիա՚ ՓԲԸ` 27,53%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
07.07.2020
RUB6.72-0.02
USD485.120.77
EUR546.92-0.15
GBP605.43-0.06
CAD357.42-0.06
JPY45.040.00
CNY69.000.46
CHF513.74-0.60



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000