«Մասրիկ -1» արևային կայանի կառուցման մրցույթի շրջանակներում մարտի 7-ին կբացվեն ներդրումային ընկերությունների սակագների փաթեթները

Արմինֆո. Մարտի 7-ին 55 ՄՎտ հզորությամբ «Մասրիկ -1» արևային կայանի կառուցման մրցույթի շրջանակներում կբացվեն ներդրումային ընկերությունների սակագնային առաջարկների փաթեթները: Այս մասին հունվարի 31-ին, նախամրցութային կոնֆերանսի շրջանակներում հայտարարել է վերականգնվող էներգետիկայի և էներգաարդյունավետության հիմնադրամի (R2E2) տնօրեն, «Մասրիկ -1» արևային կայանի կառուցման ծրագրի համակարգող Արմեն Մելիքյանը:

Պատասխանելով ԱրմԻնֆո գործակալության թղթակցի հարցին, նա նշել է, որ այդ 60 հայտերից երկրորդ փուլ են անցել 10 կազմակերպություններ, որոնք ունեն միջազգային ճանաչում և ոլորտի մեծ փորձ, որոնց թվում են իսպանական Axion, ամերիկյան «Contour Global» և ACCESS Energy, կանադական SkyPower Global և այլ ընկերություններ: Ըստ Մելիքյանի, այդ ընկերություններն արդեն աշխատել են Հայաստանի հետ, վերականգնվող էներգետիկայի ծրագրերի շրջանակներում: Ըստ նախնական գնահատականների, նախագծի արժեքը տատանվում է $ 40- $ 50 մլն շրջանակներում, իսկ ներդրողների ներդրած միջոցների վերադարձը`20 տարում: Բացի այդ, նա նշել է, որ կառավարության կողմից առաջարկվող պայմանների շրջանակներում ծրագրի իրականացման համար ընկերությունները կարող են ֆինանսական միջոցներ ներգրավել ֆինանսական կազմակերպություններից:

Ըստ ՀՀ էներգետիկայի և բնական պաշարների նախարարի տեղակալ Հայկ Հարությունյանի, «Մասրիկ-1» արևային կայանի էներգիայի տարեկան արտադրությունը կկազմի մոտ 80-90 մլն Կվտ/ ժամ: «Կայանը կապահովի Հայաստանում արտադրվող էներգիայի ընդհանուր ծավալի 1,5%», - նշել է նա: Փոխնախարարի խոսքերով, ծրագրի հիմնական նպատակն է վերջնական օգտագործողի համար ստանալ ռեկորդային ցածր սակագին: «Արևային էներգիան պետք է դրական ազդեցություն ունենա վերջնական օգտագործողի համար: Հետևաբար, հաղթող կլինի այն ընկերությունը, որը կառաջարկի առավել մրցունակ և արդյունավետ սակագին», - ասել է նա:

Մասնավորապես, Հարությունյանը նշել է, որ մինչև մրցույթի հայտարարումը մշակվել էր 400 էջից կազմված մի փաթեթ, որը պարունակում է կառավարության աջակցության պայմանները, լիցենզիայի ստացումը և էլեկտրաէներգիայի գնման պայմանագիրը: Այս առումով նա նշել է, որ եթե ընկերություններից ոչ մեկը չի ներկայացնի միջին սակագներից ցածր հայտ, ապա կառավարությունը իրավունք ունի դադարեցնել մրցույթի անցկացումը: Իսկ հաղթող ընկերության նկատմամբ, եթե նա հրաժարվի կայանի կառուցումից, կկիրառվեն լուրջ պատժամիջոցներ:

Նշենք, որ կոնֆերանսի ընթացքում մասնակիցները հնարավորություն կունենան պատասխաններ ստանալ իրենց հետաքրքրող բոլոր հարցերի վերաբերյալ: Էներգետիկայի և բնական պաշարների նախարարությունը, իր հերթին, կներկայացնի ծրագրի իրականացման նախապատրաստական ​​աշխատանքները: Հանդիպումը ներկա են նաև, միջազգային ֆինանսական հաստատությունների, այդ թվում`Համաշխարհային բանկի, Վերակառուցման և զարգացման եվրոպական բանկի, Միջազգային ֆինանսական կորպորացիայի, Հայաստանի առևտրային բանկերի, ՀՀ հանրային ծառայությունները կարգավորող հանձնաժողովի, և այլոց ներկայացուցիչներ:

Ինչպես տեղեկացրել էր ԱրմԻնֆո գործակալությունը, գեներացիայի այս օբյեկտի ներդրումների ընդհանուր ծավալը կկազմի 65-70 մլն դոլար: Ավելի վաղ ԱրմԻնֆո-ի հետ զրույցում փոխնախարար Հայկ Հարությունյանը տեղեկացրել էր, որ նախնական մրցույթը կհայտարարվի անցյալ տարվա ապրիլի 28-ին և կավարտվի հունիսի 10-ին: Ծրագրի արդյունքում Հայաստանը կստանա մրցունակ և ռեկորդային ցածր արևային էլեկտրակայան:

Նշենք, որ ավելի վաղ, ՀՀ Հանրային ծառայությունները կարգավորող հանձնաժողովը տրամադրել է ֆոտովոլտաժային 12 կայաների կառուցման լիցենզիա, յուրաքանչյուրը մինչև 1 ՄՎտ հզորոթյամբ: Դրանցից երեք արևային էլեկտրակայաններն արդեն հանձնվել են շահագործման: Ծրագրի ընդհանուր արժեքը կկազմի 129 միլիոն դոլար: Արդեն կան տեխնիկատնտեսական ուսումնասիրությունները: Ծրագրի շրջանակներում նախատեսվում է մինչև 110 մեգավատ հզորությամբ արևային էլեկտրակայաններ կառուցել Հայաստանի տարբեր մարզերում: Հետազոտված 6 տարածքներից երկուսի համար իսպանական Aries Engineering խորհրդատվական ընկերությունն արդեն ներկայացրել է տեխնիկատնտեսական ուսումնասիրությունները: Դրանք վերաբերում են Գեղարքունիքի մարզի «Մասրիկ» և Արագածոտնի մարզի «Դաշտադեմ» բնակավայրերին, իսկ մնացած չորս բնակավայրերի գծով ուսումնասիրությունները շարունակվում են: