Հինգշաբթի, 1 Փետրվարի 2018 17:05

Արմինֆո. Հայաստանի բանկերի կողմից ներգրավված ավանդների ծավալը 2017 թվականին աճել է 8.8%, իսկ միայն չորրորդ եռամսյակում`5.8%, 2018-ի հունվարի 1-ի դրությամբ կազմելով 2.624 տրլն դրամ ($ 5.4 մլրդ): Դրանց կառուցվածքում ավանդաբար գերակշռում են արտարժույթով ավանդները, կազմելով 60.4%, իսկ դրամով ավանդները կազմել են 39.6%: ՀՀ Ազգային վիճակագրական ծառայության տվյալներով, ավանդների կառուցվածքում արժութային բաղադրիչն աճել է 1,8%, իսկ միայն չորրորդ եռամսյակում`2,5%, կազմելով 1,585 տրլն դրամ, իսկ դրամով ավանդներն աճել են 21.5%, 4-րդ եռամսյակում`11.4%, կազմելով ավելի քան 1 տրլն դրամ:

 

Բանկային հատվածի կողմից ներգրավված միջոցների ծավալներում ռեզիդենտների մասնաբաժինը կազմել է 80.2% կամ 2.1 տրլն.դրամ (տարեկան աճը`19.5%, իսկ եռամսյակի աճը`8.6%), իսկ ոչ ռեզիդենտները `19.8% կամ 518.5 մլրդ դրամ (տարեկան անկումը`20.4% և եռամսյակային անկումը`4.2%):

 

Ռեզիդենտների ավանդների կառուցվածքում ցպահանջ ավանդների մասնաբաժինը կազմել է 30.7% կամ 647.1 մլրդ դրամ, իսկ ժամկետային ավանդներինը`69.3% կամ 1,4 տրլն դրամ: Ցպահանջ ավանդները մեկ տարում աճել են 30.3%, իսկ IV եռամսյակում`6.2%, ժամկետային ավանդները տարեկան կտրվածքով աճել են 15.3%, իսկ եռամսյակային կտրվածքով` 9.8%:

 

Հայաստանի բանկերում բնակչության ավանդները 2018-ի հունվարի 1-ին կազմել են 1.351 տրլն դրամ, տարեկան կտրվածքով աճելով 16.9%, իսկ եռամսյակային կտրվածքով`8.3%:

 

Վիճակագրական տվյալների համաձայն, դրամային ավանդների միջին տոկոսադրույքները դեկտեմբերին կազմել են 8.41%, նախորդ տարվա`9.82% -ի և նախորդ եռամսյակի`8.62% -ի փոխարեն: (2017 թ. դեկտեմբերի 31-ի դրությամբ ՀՀ դրամի հաշվարկային փոխարժեքը կազմել է 484.10 դրամ / $ 1):