Արմինֆո.Փետրվարի 1-ի նիստում կառավարությունը հավանություն է տվել Հայաստանի ԱԷԿ տուրբինային արտադրամասի արդիականացման համալիր միջոցառումների ծրագրին, որն իրականացվում է ՀԱԷԿ 2-րդ էներգաբլոկի շահագործման ժամկետի երկարաձգման նախագծի շրջանակում:
Որոշման նախագծի համաձայն, ծրագրի հաջող իրագործման նպատակով էներգետիկ ենթակառուցվածքների և բնական պաշարների նախարարին հանձնարարվել է 10-օրյա ժամկետում լրացուցիչ համաձայնագիր ստորագրել ծրագրի գլխավոր կապալառու «Ռուսատոմ սերվիս՚ ԲԸ հետ:
Հայաստանի ԱԷԿ երկու էներգաբլոկները զինված են ռուսական առաջին սերնդի ВВЭР-440 ռեակտորներով: Առաջին բլոկը շահագործման է հանձնվել 1976 թվականին, երկրորդը` 1980 թվականին: 1989 թվականի մարտին, Սպիտակի ավերիչ երկրաշարժից հետո, կայանի աշխատանքը դադարեցվել էր: 1995 թվականի նոյեմբերին էներգետիկ սուր ճգնաժամի առնչությամբ ՀԱԷԿ 407,5 ՄՎտ հզորությամբ երկրորդ էներգաբլոկը վերագործարկվեց: 2014 թվականի մարտին ՀՀ կառավարությունը որոշում կայացրեց երկրորդ էներգաբլոկի շահագործման ժամկետը 10 տարով երկարաձգելու մասին: Նախագծի համակարգումն իրականացնում է «Ռոսատոմի՚ դուստր կառույց «Ռուսատոմ սերվիս՚ ԲԸ: Աշխատանքների ավատրը նախատեսվում է 2019 թվականին: Ռուսաստանի կառավարությունը ՀԱԷԿ շահագործման ժամկետի երկարաձգման համար Հայաստանին 270 մլն դոլարի վարկ է տրամադրել` 15 տարվա ընացքում մարման պայմանով` 3% տարեկան տոկոսադրույքով: Բացի այդ, նույն նպատակների համար Ռուսաստանի Դաշնությունը 30 մլն դոլարի դրամաշնորհ է տրամադրել Հայաստանին:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար