Հայաստանի և Ռուսաստանի միջև առևտրաշրջանառությունը 2017 թվականին ավելացել է 26,1%-ով` արտահանման 44,6% և ներմուծման 19,1% աճի հաշվին

Արմինֆո. Հայաստանի և Ռուսաստանի միջև առևտրաշրջանառության տարեկան դինամիկան 2017 թվականի հունվար-դեկտեմբեր  ամիսներին տարեկան աճի տեմպերն ավելացրել է մինչև 26,1% (2016 թվականի 15,1% աճի դիմաց)` գերազանցելով1.7 մլրդ դոլարը: Ռուսաստանը պահպանում է առաջատար դիրքը ոչ մի այն այդ ցուցանիկշի, այլև արտահանման և ներմուծման գծով, համապատասխանաբար, 541.6 մլն դոլար և 1.2 մլրդն դոլար, ներմուծման աճի 5,7%-ից մինչև 19,1% արագացման և արտահանման աճի 51,5%-ից մինչև 44,6% դանդաղման պայմաններում:

ՀՀ ազգային վիճակագրական ծառայության տվյալների համաձայն, Հայաստանի հետ արևտրաշրջանառության գծով երկրորդ դիրքում մնում է  Չինաստանը, որը տարեկան դինամիկան 2016 թվականին 5,7%  անկումից հասցրել է 33,3% աճ 2017 թվականին` ապահովելով 604.5 մլն դոլարի ծավալ: Մասնավորապես, հայկական ապրանքների Չինաստան արտահանման ծավ ալն ավելացել է 28,4%-ով (մեկ տարվա վաղեմության 41,7% անկման դիմաց), մինչև 123.8 մլն դոլար` ներմուծման 34,6% աճի պայմաններում (մեկ տարի առաջ 13,2% աճի դիմաց), մինչև 480.7 մլն դոլար (պահպանում է 2-րդ դիրքը):

Հայաստանի հետ առևտրաշրջանառության գծով երրորդ դիրքն զբաղեցնում է Շվեյցարիան` ապահովելով ծավալի 3 անգամ տարեկան աճ (մեկ տարվա վաղեմության 34,7% աճի դիմաց), մինչև 366.8 մլն դոլար: Մասնավորապես, Շվեյցարիա հայկական ապրանքների արտահանման ծավալն ավելացել է  3,6 անգամ (մեկ տարի առաջվա 91,6% աճի դիմաց) մինչև 269.4 մլն դոլար (3-րդ դիրք), ներմուծման 2,1 անգամ աճի պայմաններում (նախորդ տարվա 8,2% անկման  դիմաց) մինչև 97.4 մլն դոլար:

Հայաստանի հետ առևտրաշրջանառության գծով չորրորդ դիրքն զբաղեցնում են Գերմանիան և Բուլղարիան, համապատասխանաբար, 339 մլն դոլար և 326.6 մլն դոլար: Ընդ որում, երկու երկրների միջև առևտրաշրջանառության տարեկան դինամիկան 2017 թվականին հասել է 4,2% աճի` 2016 թվականի 4,9% անկումից հետո: Իսկ Հայաստանի և Բուլղարիայի միջև առևտրաշրջանառության աճի տեմպերը դանդաղել են 77,6%-ից մինչև 75,2%: Մասնավորապես, հայկական ապրանքների Գերմանիա արտահանման ծավալը կազմել է 132.5 մլն դոլար (4,7% տարեկան անկում) 206.5 մլն դոլարի ներմուծման ծավալի դեպքում (տարեկան աճը 10,8%), իսկ Բուլղարիա` համապատասխանաբար 286.2 մլն դոլարի (տարեկան աճը 87,8%) և 40.4 մլն դոլար (տարեկան աճը 18,9%):

Նախորդ տարվա հունվար-հոկտեմբերին  արտահանման ծավալով Ռուսաստանից հետո երկրորդ և երրորդ տեղերն զբաղեցնում են Բուլղարիան և Շվեյցարիան, իսկ ներմուծման գծով` Չինաստանն ու Թուրքիան:

2017 թվականի հունվար-դեկտեմբերի արդյունքներով հայկական ապրանքների հիմնական գնորդներն են Ռուսաստանը` արտահանման 24,1%, Բուլղարիան` 12,8%,

Շվեյցարիան` 12%, Վրաստանը` 6,9%, Գերմանիան` 5,9%, Չինաստանը` 5,5%, Իրաքը`

5,4%, ԱՄԷ` 4,6%, Նիդերլանդները` 4% և Իրանը` 3,8%: Հայաստան ներմուծվող արտադրանքի հիմնական մատակարարներն են Ռուսաստանը` ներմուծման ընդհանուր ծավալի 28%, Չինաստանը` 11,5%, Թուրքիան` 5,5%, Գերմանիան` 4,9%, Իրանը` 4,3%, Իտալիան` 3,9%, ԱՄՆ` 3,3%, Ուկրաինան` 2,8% և ԱՄԷ` 2,4%. Ներմուծման և արտահանման ծավալների առավել պատկառելի տարեկան անկում է արձանագրվել Հայաստանի և Ռումինիայի միջև, համապատասխանաբար` 37,6% և 86,7%:

Հայաստանի արտահանման գերակշռող հոդվածների թվում տարեկան աճ է արձանագրվել հանքային արտադրանքի գծով` 46,9%, մինչև 692.3 մլն դոլար, պատրաստի սննդամթերքի գծով` 27,5%, մինչև 531.3 մլն դոլար, ոչ թանկարժեք մետաղների և դրանցից պատրաստված իրերի գծով` 24,9%, մինչև 277.5 մլն դոլար, տեքստիլ արտադրանքի գծով` 35%, մինչև 130.7 մլն դոլար,  թանկարժեք և կիսաթանկարժեք քարերի և իրերի գծով 14,1%, մինչև 289.6 մլն դոլար, բուսական ծագումով մթերքների գծով 29,1%, մինչև 49.2 մլն դոլար անկման պայմաններում: Իսկ ներմուծման հիմնական հոդվածներից անկում է արձանագրվել միայն արվեստի գործերի գծով` 65,1%, ինչի ֆոնին ներմուծման մյուս գերակշռող հոդվածների առնչությամբ արձանագրվել է աճ. հանքային հումքի գծով` 11%, մինչև 647.8 մլն դոլար, պատրաստի սննդամթերքի գծով` 14%, մինչև 378.2 մլն դոլար, փոխադրամիջոցների գծով` 53,7%, մինչև 246.8 մլն դոլար, թանկարժեք մետաղների և դրանցից պատրաստված իրերի գծով` 47,1%, մինչև 237.6 մլն դոլար, ոչ թանկարժեք մետաղների և դրանցից պատրաստված իրերի գծով` 35,2%, մինչև 296.5 մլն դոլար, մեքենաներ/սարքավորում/տեխնիկա`  36,4%, մինչև 639.3 մլն դոլար, տեքստիլ արտադրանք` 20,4%, մինչև 270.6 մլն դոլար: Քիմիական արտադրանքի արտահանումն ու ներմուծումն ավելացել է, համապատասխանաբար,  71,4%-ով և 27,9%-ով, մինչև29.8 մլն դոլար և 419.9 մլն դոլար` համապատասխանաբար:

Ընդհանուր առմամբ, Հայաստանի արտաքին առևտրի շրջանառությունը 2017 թվականի հունվար-դեկտեմբեր ամիսներին ավելացել է տարեկան 26,9%-ով, կազմելով 3100.4 մլրդ դրամ (6425.6 մլն դոլար): Դրա կառուցվածքում արտահանման ծավալն աճել է տարեկան 25,2%-ով` մինչև 1082.1 մլրդ դրամ (2242.9 մլն դոլար), իսկ ներմուծումը` 27,8% տարեկան աճ, մինչև 2018.3 մլրդ դրամ (4182.7 մլն դոլար): Մեկ տարի առաջ, 2016 թվականի հունվար-դեկտեմբեր ամիսներին արտաքին առևտրի շրջանառությունն աճել է 7,4%-ով` արտահանման 20% և ներմուծման 1,6% աճի հաշվին: 2017 թվականի հունվար-դեկտեմբեր ամիսներին Հայաստանի տնտեսական ակտիվությունն աճի տարեկան տեմպերն արագացրել է մինչև 7,7%` 2016 թվականի նույն ժամանահատվածի  գրեթե լճացման վիճակի 0,5%-ից:

2017 թվականի դեկտեմբերին դրամի միջին հաշվարկային փոխարժեքը կազմել է 483,18 դրամ/1դոլար, հունվար հունվար-դեկտեմբերին` 482,72 դրամ/1դոլար, 2016 դեկտեմբերի 482,84 դրամ/1դոլարի և 2016 թ. հունվար-դեկտեմբերի 480,49 դրամ/1դոլարի դիմաց: