Ա.Հարությունյան. Ներկայիս եղանակային պայմանների պահպանման դեպքում Սևանա լճից ջրի լրացուցիչ բացթողումները կդառնան անխուսափելի

Արմինֆո. ՀՀ Ջրային տնտեսության պետական ​​կոմիտեի նախագահը չի բացառում, որ 2018 թվականին կառաջանա Սևանա լճից լրացուցիչ ջրային բացթողումների անհրաժեշտություն: «Ներկա պահին անհնար է խոսել, թե ինչ ծավալների մասին է խոսքը: Սակայն, եղանակային սակավ տեղումներների պայմաններում լրացուցիչ ջրառը Սևանա լճից կդառնա անխուսափելի միջոց», - այս մասին փետրվարի 6-ին լրագրողների հետ հանդիպմանը հայտարարել է կոմիտեի ղեկավար Արսեն Հարությունյանը, պատասխանելով ԱրմԻնֆո գործակալության հարցին:

Ըստ Հարությունյանի, 2016 թվականին, 2015 -ի համեմատ, Սևանա լճի մակարդակը բարձրացել է 27 սմ, պահպանելով վերջին տարիների միտումը: Բացառություն էին կազմում` 2014 թվականը, երբ ջրի մակարդակն իջավ 2-3 սմ, իսկ 2017-ին`3-4 սմ: Նման իրավիճակը պայմանավորված էր երաշտով և լճից լրացուցիչ ջրբացթողումներով: Անցած 15 տարիներին կառավարությունը ոռոգման խնդիրների պատճառով մի քանի անգամ դիմել է այս միջոցառմանը:

Այս տարվա ձմեռը, ինչպես նշում է Հարությունյանը, տեղումների առումով սակավ էր: Արդյունքում, տարին անբարենպաստ եղավ ջրամբարներում ջրային պաշարների կուտակման առումով: Ներկայումս կուտակվել է պահանջվող նորմայի մոտ 25%-ը, նախատեսված 30% -ի փոխարեն: Այնուամենայնիվ, ռիսկերն արդեն տեսանելի են, քանի որ այսօրվա դրությամբ, նույնիսկ 2016-ի համեմատ, եղանակն անբարենպաստ է տեղումների առումով, Հայաստանի ջրամբարներում կուտակված ջրի ծավալը 75 միլիոն խորանարդ մետրով պակաս է: Միայն Ախուրյանի ջրամբարում չի հերիքում մոտ 56 միլիոն խորանարդ մետր ջուր:

Միևնույն ժամանակ, պետական ​​կոմիտեի ղեկավարը նշել է, որ իրենք դրականորեն են տրամադրված, քանի որ հայ օդերևութաբանները խոստանում են, որ փետրվարի երկրորդ կեսը և մարտը կլինեն տեղումներով հարուստ, ինչը կարող է մեղմել իրավիճակը: Այնուամենայնիվ, կարճաժամկետ տեղումները, ինչպես Հարությունյանն է խոստովանել, կարող է միայն խոնավացնել հողը: Անբավարարէ նաև ձյան ծածկույթի մակարդակը լեռներում:

Սակայն, նրա խոսքերով, նրա գերատեսչությունը ձեռքերը ծալած չի նստում: Արմավիրի մարզի 14 խորքային հորատանցքները վերականգնելու համար ձեռնարկվել են միջոցառումներ և հորատվել է ևս 23 հորատանցք: Բանակցություններն են ընթանում նաև ռուսական ընկերությունների հետ, շարժական պոմպակայանների ներմուծման նպատակով: «Ամեն դեպքում մենք կօգտագործենք Սևանա լճից ջրի բացթողման իրավունքը`առնվազն 170 մլն խորանարդ մետր», - եզրափակել է Արսեն Հարությունյանը: