Արմինֆո. Հայաստանում կառավարող ՀՀԿ-ն ձեռնամուխ է եղել հարկային բեռի թեթևացմանը` նոր Հարկային օրենսգրքի գրեթե միաձայն ընդունումից հետո: Փետրվարի 7-ին ԱԺ նիսում առաջին ընթերցմամբ ընդունվել են Հարկային օրենսգրքի ուղղումներ:
Փաստաթղթի համահեղինակ, ՀՀԿ խմբակցության պատգամավոր Խոսրով Հարությունյանի ասելով, ի սկզբանե նախատեսվում էր հանրային ծառայություններ տրամադրելիս ԱԱՀ դաշտ բերել պետական կառավարման մարմինները և ՏԻՄ մարմինները: Այլ կերպ ասած` պետական կամ համայնքային գույքի վարձակալության դեպքում պետք է վճարեն ԱԱՀ: Սակայն իշխանության տեղական մարմիններն այդ քային դիմում են ոչ թե ձեռներեցության, այլ իրենց գույքի առավել արդյունավետ կառավարման նպատակով: Հետևաբար, ինչպես կարծում է Հարությունյանը, գործունեության այդ տեսակը չի կարող համարվել բիզնես և ենթակա լինել ԱԱՀ հարկման, ինչի առնչությամբ օրինագծում կատարվում է համապատասխանն փոփոխություն: Մյուս փոփոխությունն առնչվում է ավտոտրանսպորտային միջոցներով ուղեվորափոխադրումների դիմաց լիցենզիոն վճարումների դրույքաչափերի փոփոխությանը: Ինչպես հայտնի է, 2018 թվականի հունվարի 1-ից ավտոտրանսպորտային ընկերությունները ֆիքսված վճարումների համակարգից անցել են լիցենզիոն վճարումների համակարգի, ինչի առնչությամբ վճարումների դրույքաչափերն ավելացելեն: Նոր նախագծի համաձայն, միկրոավտոբուսով փոխադրումների լիցենզիոն վճարումների դրույքաչափը կկազմի 1800 դրամ` յուրաքանչյուր նստելատեղի համար նախկին 2 հազար դրամի փոխարեն, իսկ ավտոբուսների համար` 2300 դրամ` 2600 դրամի փոխարեն: Ընդհանուր առմամբ, միկրոավտոբուսների տերերը ամսական կվճարեն 9,1 հազար դրամ պակաս: Միևնույն ժամանակ, սուբյեկտներին առաջարկվում է ընտրություն ԱԱՀ դաշտում կամ լիցենզիոն վճարումների համակարգով աշխատելու միջև: Ընդ որում, հարկման համակարգի ընտրության վերաբերյալ հայտերի ներկայացման ժամկետը կերկարաձգվի մինչև մարտի 1-ը: Միևնույն ժամանակ, հունվար-փետրվար ամիսներին գոյացած հարկային պարտավորություններն անհրաժեշտ կլինի մարել մինչև հունիսի 30-ը: