Հայաստանի ապահովագրական շուկայում ապահովագրական պրեմիաների աճը շարունակում է զգալիորեն զիջել հատուցումների աճին

Արմինֆո.  Հայաստանի ապահովագրական ընկերությունների պրեմիաներիի աճը 2017-ին դանդաղել է`5,7% -ից մինչև 6,8%, իսկ ապահովագրական հատուցումների դինամիկայի 13.7% անկումը փոխարինվել է 30,4% աճով: 2018 թվականի հունվարի 1-ին ապահովագրական ընկերությունների պրեմիաների ընդհանուր ծավալը կազմել է 34,1 մլրդ դրամ, իսկ ապահովագրական հատուցումների ծավալը`18,6 մլրդ դրամ (ըստ Ընկերությունների հաշվետվությունների, IFRS ստանդարտներով):

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, արդյունքում, ապահովագրական համակարգի զուտ շահույթը 2017 թվականին նվազել է 58%, մինչև 1,6 մլրդ.դրամ (2016-ին `34% աճ): Իսկ ՀՀ Կենտրոնական բանկի ստանդարտներով հաշվետվությունների համաձայն, ապահովագրական պրեմիաները կազմել են 34.9 մլրդ դրամ (տարեկան աճն արագացել է`5% -ից մինչև 6,2%), իսկ հատուցումները կազմել են`17,8 մլրդ դրամ (տարեկան աճը`4,9% մինչև 24.9%): Հաշվետու ժամանակահատվածում պրեմիաների անկում է նկատվել է Հայաստանի 6  ապահովագրական ընկերություններից 2-ում, իսկ հատուցումների անկում չի արձանագրվել, ընդհանրապես:

Հավաքված ապահովագրական պրեմիաների ծավալով առաջատարն է «Ինգո Արմենիա» ապահովագրական ընկերությունը`9.6 մլրդ դրամ: Երկրորդ տեղում էր «Ռոսգոսստրախ Արմենիա» ապահովագրական ընկերությունը`9,4 մլրդ դրամ: Այնուհետև հաջորդում են` «Նաիրի Ինշուրանս» - 6,2 մլրդ դրամ, «ՍԻԼ ԻՆՇՈՒՐԱՆՍ» - 3.98 մլրդ դրամ, «ՌԵՍՈ» - 3,6 մլրդ դրամ և «Արմենիա Ինշուրանս», - 2.1 մլրդ դրամ:

Ապահովագրական պրեմիաների կառուցվածքում ավանդաբար առաջատարն է ԱՊՊԱ հատվածը - 54.41% (2016-ին`55.3%), կամ 19.02 մլրդ դրամ (տարեկան աճը`3,5%, մինչև 4,4%): Բժշկական ապահովագրության հատվածում (այդ թվում նաև կամավոր)  ապահովագրական պրեմիաների ծավալը կազմել է 7.1 մլրդ. դրամ (տարեկան աճը դանդաղել է`8,3% -ից մինչև 28,1%), ապահովագրական ընկերությունների պրեմիաների ընդհանուր ծավալում կազմելով 20.29% (2016-ին `16,8%): Գույքային ապահովագրության մասնաբաժինը կազմել է 7.57% (2016-ին `10.02%), կամ 2.6 մլրդ դրամ (տարեկան դինամիկան փոխվել է`9.5% աճչց մինչև 19,8% անկում): ԿԱՍԿՈ հատվածում ապահովագրական պրեմիաների ընդհանուր ծավալը կազմել է 1.9 մլրդ դրամ (տարեկան դինամիկան`10,2% անկումից մինչև 0.5% աճ), կամ ընդհանուր ծավալի 5.57%-ը (2016 թվականին`5.9 %):

Բացի այդ, 9 ապահովագրական դասերով հայկական ապահովագրողները հավաքագրել են 3,1 մլրդ դրամ: Ապահովագրական 4 դասերով (ջրային տրանսպորտի ապահովագրություն, ջրային տրանսպորտի օգտագործումից բխող պատասխանատվության ապահովագրություն, երաշխիքների տրամադրման ապահովագրություն և վարկային ռիսկերի ապահովագրություն) Հայաստանի ապահովագրողները հաշվետու ժամանակահատվածում չեն կնքել ոչ մի պայմանագիր: Հարկ է նշել, որ Հայաստանում վարկային ռիսկերի ապահովագրոթյամբ զբաղվում է միայն  վերաբերյալ: Հարկ է նշել, որ վարկային ռիսկի ապահովագրության Հայաստանում զբաղվում է միայն «Ռոսգոսստրախ Արմենիա» ընկերությունը, իսկ օդային տրանսպորտի ապահովագրության հատվածում ներգրաված են միայն 2 ընկերություններ`«Ռոսգոսստրախ Արմենիա» և «Ինգո Արմենիա»: Այս երկու ընկերություններն էլ լիցենզավորված են երաշխիքների ապահովագրական հատվածում, իսկ ջրային տրանսպորտի դրա օգտագործման պատասխանատվության ապահովագրության հատվածում` միայն «ԻՆԳՈ Արմենիա» ընկերությունը:

Հարկ է նշել, որ 2017-ի հոկտեմբերի 1-ից Հայաստանում մեկնարկել է պարտադիր բժշկական ապահովագրության գործընթացը, որի առաջին փուլի շահառուներն են պետական ծառայողները: Սոցիալական փաթեթի ծրագիրը բաժանված է 6 ապահովագրական ընկերությունների միջև, շուկայական ընդգրկվածությանը, հատուցումների ծավալներին համամասնությամբ: Առաջին փուլում, հաշվի առնելով շահառուների կարգավիճակը, ֆինանսավորումն իրականացվում է ՀՀ առողջապահության նախարարության հաշվին, պետական ​​միջոցներով: Նույնը կլինի նաև երկրորդ փուլում, երբ 2018-ի երկրորդ կեսին սոցիալական փաթեթի կտարածվի առավել խոցելի խավերի վրա, որոնք կազմում են 612 հազար քաղաքացիներ: Եվ միայն մեկ տարի անց, նշված երկու փուլերի դրական արդյունքների դեպքում, ՊԲԱ-ն ամբողջությամբ կներդրվի Հայաստանում: Իսկ դա նշանակում է, որ այդ պահից ՊԲԱ ծածկույթի տակ են ընկնում երկրի բոլոր աշխատող քաղաքացիները:

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2017 թ. կազմել է 480.47 դրամ/դոլար):