Հինգշաբթի, 8 Փետրվարի 2018 11:54
Տաթևիկ Շահունյան

Արայիկ Հարությունյան. Կարող եմ խոստանալ, որ 30 տարի անց Արցախը կլինի գրեթե հարյուր տոկոսանոց էներգետիկ անկախ և անվտանգ հանրապետություն

Արայիկ Հարությունյան. Կարող եմ խոստանալ, որ 30 տարի անց Արցախը կլինի գրեթե հարյուր տոկոսանոց էներգետիկ անկախ և անվտանգ հանրապետություն

Արմինֆո. Էներգետիկան Արցախի տնտեսության ամենառանցքային և դինամիկ զարգացող ոլորտն է: ԱրմԻնֆո-ի թղթակցի հետ զրույցում այդպիսի կարծիք է հայտնել ԼՂՀ պետնախարար Արայիկ Հարությունյանը:

«Եվ ամենագլխավորն այն է, որ մենք զարգացնում ենք այդ ոլորտը՝ միջազգային էկոլոգիական ամենախիստ ստանդարտներին համապատասխան: Արցախի ողջ էներգետիկան հիմնված է վերականգնվող հիդրոռեսուրսների վրա, որոնք էկոլոգիական առումով ամենամաքուրն են համարվում ամբողջ աշխարհում: Եթե Արցախը միջազգայնորեն ճանաչված պետություն լիներ, մենք կկարողանայինք այդ ուղղության համար զգալի միջոցներ ստանալ միջազգային դոնորներից ոլորտի հետագա զարգացման համար՝ որպես գլոբալ տաքացման և այլ էկոլոգիական կատակլիզմների հետ կապված խնդիրների լուծմանն աջակցող երկիր: Ներկայացնեմ ոլորտի ձեռքբերումները թվերով. մինչև 2007 թվականը հանրապետությունում արտադրվում էր շուրջ 90,5 մլն կՎտ/ժ էլեկտրաէներգիա, իսկ ծախսվում՝ 22,55 մլն կՎտ/ժ: Մինչդեռ այսօր արդեն արտադրվում է 350 մլն կՎտ/ժ էլեկտրաէներգիա, ծախսվում՝ ճիշտ նույնքան: Իսկ արդեն 2022 թվակիանին նախատեսում ենք այդ ցուցանիշը հասցնել մինչև 800 մլն կՎտ/ժ-ի՝ 400 մլն կՎտ/ժ ծախսի դեպքում: Այս առումով Արցախը կարող է էներգաարտահանող հանրապետություն դառնալ»,- հայտարարել է պետնախարարը:

Կիսվելով հիդրոէներգետիկայի զարգացման փորձով՝ նա նշել է, որ այդ ոլորտի առաջամարտիկը «Արցախ ՀԷԿ»-ն է: «Այն օրինակելի ձեռնարկություն է՝ ոչ միայն հայկական, այլ նաև միջազգային չափանիշներով: Այստեղ ներկայացված է ներդրումային լայն պալիտրա՝ ձեռներեցներ Կանադայից, Ռուսաստանից, Շվեյցարիայից, Գերմանիայից, Հայաստանից, ավելի քան 1000 փոքր և միջին ներդրողներ: Այն առաջին Բաց բաժնետիրական ընկերությունն է այդ ոլորտում: Մինչդեռ ի սկզբանե դա 100%-ոց պետական ձեռնարկություն էր, իսկ այսօր պետության ձեռքում բաժնետոմսերի միայն 10%-ն է մնացել, որից մենք կազատվենք արդեն մոտ ժամանակներս: Հետագայում ՀԷԿ-երի թիվը հանրապետությունում տարեցտարի ավելացել է»,- նշել է պետնախարարը:

Նա հայտնել է, որ այսօր արդեն սկսվել է մեկ այլ խոշոր էներգանախագծի՝ Սարսանգ-Մատաղիս հատվածում 40 ՄՎտ ընդհանուր հզորությամբ ջրամբարով ՀԷԿ-ի կառուցումը: Նախագծի ներդրումային փաթեթը գերազանցում է $100 մլն-ն: Հետագայում, ինչպես նշել է Հարությունյանը, այդ տեղանքում ևս մի քանի ջրամբարով ՀԷԿ կկառուցվի: «Ընդհանուր առմամբ մենք իրականացնում ենք ապագային միտված էներգետիկ քաղաքականություն, ինչը հնարավորություն է ստեղծում հետագայում էլ չվերանայել հանրապետությունում էլեկտրաէներգիայի սակագները, իսկ դա հզոր սոցիալական խթան է ԼՂՀ բնակչության համար, ապահովագրում է հնարավոր բոլոր կատակլիզմներից»,- հայտարարել է պետնախարարը՝ նշելով, որ ԼՂՀ կառավարությունն էներգետիկ ոլորտի զարգացման հետ կապված այլ հավակնոտ ծրագրեր ևս ունի: «Գիտեք, որ ամբողջ աշխարհն ընթանում է էներգատրանսպորտի մասսայականացման ճանապարհով՝ որպես էժան և էկոլոգիապես մաքուր երթևեկության միջոց: Այս առումով ևս մենք մտադիր չենք հետ մնալ համաշխարհային միտումներից: Էներգետիկ ոլորտի զարգացումը հնարավորություն կտա մեզ 30-40 տարի անց տրանսպորտի այդ միջոցը կիրառելի դարձնել նաև Արցախում»,- հավաստիացրել է Հարությունյանը: Մոտ ժամանակներս, ընդգծել է նա, Արցախը մտադիր է զարգացնել նաև արևային էներգետիկան: «Կարող եմ խոստանալ, որ 30 տարի անց Արցախը կլինի գրեթե հարյուր տոկոսանոց էներգետիկ անկախ և անվտանգ հանրապետություն»,- ամփոփել է պետնախարարը:

ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Ալլա
Իր խոստմանը հավատարիմ, Որոշել է Արցախը վերածել անմարդաբնակ էլեկտրաէներգիա արտադրող կայանի․․․ Միակ ծրագիրն է, որը իրականացնում է շատ արագ․․․

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
07.08.2020
RUB6.58-0.04
USD485.00-0.18
EUR573.17-2.20
GBP634.96-4.31
CAD362.97-2.54
JPY45.91-0.04
CNY69.880.01
CHF530.75-3.71



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000