Ապահովագրական հատուցումների ԱՊՊԱ գծով վերընթաց տրենդը կտրուկ արագացել է, իսկ ԿԱՍԿՈ գծով դանդաղել է

Արմինֆո. Հայաստանի ապահովագրական ընկերությունները 2017 թվականին ապահովագրական տարբեր դասերով իրականացրել են 17.8 մլրդ դրամի կամ $ 36.7 մլն-ի հատուցում (թվերը բերված են ՀՀ ԿԲ ստանդարտներով կազմված հաշվետվությունների հիման վրա): Հաշվետու տարում ապահովագրողների հատուցումներն աճել են 24.9%, 2016-ի 4.9% -ի փոխարեն: Իսկ ապահովագրական պրեմիաների գծով արձանագրվել է 6.2% տարեկան աճ, մինչև 34.9 մլրդ դրամ կամ $ 72.2 մլն, 2016-ի 5% աճի համեմատ: Ըստ ԱրմԻնֆո գործակալության`Հայաստանի Ապահովագրական Ընկերությունների Ռենկինգի, հատուցումների տարեկան աճ են արձանագրել Հայաստանում գործող բոլոր 6 ապահովագրական ընկերությունները, իսկ ամենամեծ աճը` ՌԵՍՈ ընկերությունը`55.5% և «Նաիրա Ինշուրանսը»`51.6%, իսկ ամենափոքր աճը` Ռոսգոսստրախ Արմենիան»` 7,8%:

Ըստ ապահովագրական դասերի, հատուցումների ամենաբարձր տարեկան աճն ապահովվել է ընդհանուր պատասխանատվության ապահովագրության գծով`10 անգամ,  գույքային ապահովագրության գծով`2,6 անգամ, բեռնափոխադրումների`2.1 անգամ, ԱՊՊԱ`32.7 %-ից, իսկ ԿԱՍԿՈ գծով աճը դանդաղել է մինչև 1,2%, 2016-ի 6.9%-ից:  Վերընթաց դինամիկա է արձանագրվել նաև արտասահման մեկնողների ապահովագրության գծով`27.8%, հրդեհներից և բնական աղետներից գույքի ապահովագրչության գծով`21,7%: Ապահովագրական մյուս դասերով հատուցումների տարեկան դինամիկան ուղղված է դեպի ներքև: Մասնավորապես, ցամաքային տրանսպորտի շահագործման պատասխանատվություն`45.9%, իսկ ֆինանսական վնասներից ապահովագրութոյւն`42,5% -ով, դժբախտ պատահարներից`20,8%: Կտրուկ արագացել են առողջության ապահովագրության հատուցումների աճի տեմպերը, մինչև 17,8%, ինչը պայմանավորված է 2017 թվականի հոկտեմբերի բժշկական պարտադիր ապահովագրության փոլային մեկնարկով, և սոցիալական փաթեթի առաջին շահառուները դարձան պետական ծառայողները: Այս միտումը կշարունակվի նաև 2018 թվականին, քանի որ հուլիսից կսկսվի երկրորդ փուլը, և այս անգամ սոցիալական փաթեթը կտարածվի առավել խոցելի խավերի`612 հազար հայ քաղաքացիների վրա:

Հաշվետու ժամանակաշրջանում ապահովագրության հատուցումներ չեն արձանագրվել  վարկային ռիսկերի ապահովագրության գծով (լիցենզավորված է միայն Ռոսգոսստրախ-Արմենիան), օդային տրանսպորտի և դրա շահագործման պատասխանատվության ապահովագրության գծով (լիցենզավորված են`ԻՆԳՈ Արմենիան, Ռոսգոսստրախ-Արմենիան և Նաիրի Ինշուրանսը), ջրային տրանսպորտի և դրա շահագործման պատասխանատվության ապահովագրության գծով (լիցենզավորված է միայն ԻՆԳՈ Արմենիան) և երաշխիքների տրամադրման ապահովագրության գծով (լիցենզիա ունեն միայն ԻՆԳՈ Արմենիան և Ռոսգոսստրախ-Արմենիան):

Ապահովագրական հատուցումների ամենամեծ ծավալներն ավանդաբար արձանագրել է «Ռոսգոսստրախ-Արմենիա» ապահովագրական ընկերությունը`5,3 մլրդ դրամ: Այնուհհետև հաջորդում են`«ԻՆԳՈ Արմենիա» - 4.1 մլրդ դրամ «Նաիրի Ինշուրանս» - 3.1 մլրդ դրամ, «Սիլ Ինշուրանս» - 2.3 մլրդ դրամ, ՌԵՍՈ - 1.97 մլրդ դրամ, «Արմենիա Ինշուրանս» - 1,1 մլրդ դրամ:

Հատուցումների ամենամեծ մասնաբաժինն ավանդաբար արձանագրել է ԱՊՊԱ հատվածը`65.76% կամ 11.7 մլրդ դրամ, նախորդ տարվա 61.88%-ի փոխարեն: Առողջության ապահովագրության մասնաբաժինը կազմել է ապահովագրական հատուցումների ընդհանուր ծավալի 22.66%-ը կամ 4.03 մլրդ դրամ, նախորդ տարի`24.02%, ԿԱՍԿՈ հատվածում ապահովագրական հատուցումները կազմել են 1,2 մլրդ. դրամ կամ 6.5%, նախորդ տարի`8.03%: Ֆինանսական վնասների ապահովագրության գծով հատուցումները կազմել են 1,36% կամ 241,2 մլն դրամ, նախորդ տարվա ցուցանիշը`2,95%: Ապահովագրության մյուս դասերով հատուցումները տատանվում 34-162 մլն դրամի սահմաններում, նվազագույնը`ցամաքային տրանսպորտի շահագործումից բխող պատասխանատվության ապահովագրության գծով (0.19%-ը ընդհանուր վճարումների), իսկ առավելագույնը`բեռների ապահովագրության գծով (0.91%, նախորդ տարի`0.54%):

2017 թվականին Հայաստանում արձանագրվել է ավելի քան 203 հազար ապահովագրական պատահար, որի մեծ մասը բաժին է ընկել առողջության ապահովագրությանը`140 հազար պատահար: ԱՊՊԱ  գծով արձանագրվել է 59 հազար ապահովագրված պատահար, ԿԱ ՍԿՈ գծով`2 հազար պատահար: Հայաստանի ապահովագրական շուկայում ներկայումս գործում են ապահովագրության 2 պարտադիր տեսակներ`պետական ծառայողների պարտադիր բժշկական ապահովագրությունը և ԱՊՊԱ-ն:

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2017 թ. կազմել է 480.47 դրամ/դոլար):-