Բժշկական ապահովագրության պրեմիաների ծավալը Հայաստանում 2017 թվականին  ավելացել է 28,1 տոկոսով

Արմինֆո. Բժշկական ապահովագրության պրեմիաների ծավալը Հայաստանում 2017 թվականին  ավելացել է 28,1%, մինչև 7,1 մլրդ դրամ ($ 14.7 մլն), իսկ հատուցումների ծավալը`17,8%, մինչև 4.03 մլրդ դրամ ($ 8.3 մլն): Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, բժշկական ապահովագրական շուկայի աճի տեմպերը նախորդ տարվա համեմատ զգալիորեն աճել են, հիմնականում 2017-ի հոկտեմբերից քաղաքացիական ծառայողների համար պարտադիր բժշկական ապահովագրության (ՊԲԱ) առաջին փուլի ներդրման հետևանքով:

Արդյունքում, ապահովագրական պրեմաների  ընդհանուր կառուցվածքում բժշկական ապահովագրոթյան մասնաբաժինն ավելացել է`16.82% -ից մինչև 20.29%, իսկ հատուցումների գծով նվազել է`24.02% -ից մինչև 22.66%, մասնավորապես, հատուցումների ծավալներն աճել են 24.9%, իսկ պրեմիաների ծավալները`6.2%: Հատկանշական է, որ բժշկական ապահովագրության գծով վերաապահովագրությանն ուղղված պրեմիաները նույնպես աճել են, տարեվերջին հասնելով 232.8 մլն դրամի:

Նշենք, որ վերլուծաբանների կարծիքով, բժշկական ապահովագրության դասում առաջատարն է «ԻՆԳՈ Արմենիա» ընկերությունը, 2018 թվականի հունվարի 1-ին ապահովելով 2.3 մլրդ.դրամ ծավալի ապահովագրաական պրեմիաներ, իսկ հատուցումների գծով` 1.3 մլրդ դրամ, տարեկան աճի տեմպերը համապատասխանաբար կազմել են`32.2 և 18.5%: Այնուհետև հաջորդում են` «Ռոսգոսստրախ Արմենիա» - 1,9 մլրդ դրամի պրեմիաներ և 1,2 մլրդ դրամի հատուցումներ, «Նաիրի Ինշուրանս» - 1,3 մլրդ դրամի պրոմիաներ, իսկ հատուցման գծով`«ՍԻԼ ԻՆՇՈՒՐԱՆՍ» - 713.8 մլն դրամ: Պրեմիաների գծով չորրորդ  տեղում է «ՍԻԼ ԻՆՇՈՒՐԱՆՍ»-ը`995.8 մլն դրամ, և հատուցումների գծով` «Նաիրի Ինշուրանս»-ը - 468.5 մլն դրամ: Հինգերորդ և վեցերորդ տեղերում են`«ՌԵՍՈ» և «Արմենիա Ինշուրանս» ընկերությունները, որոնց ապահովագրական պրեմիաները համապատասխանաբար կազմել են`327 մլն և 182,5 մլն դրամ, իսկ հատուցումները`173 մլն դրամ և 97.7 մլն դրամ համապատասխանաբար:

Ապահովագրական պրեմիաները 2017-ին աճել են բոլոր վեց ընկերություններում, ընդ որում, ամենամեծ և միատեսակ աճը գրանցվել է «ՌԵՍՈ» և «Արմենիա Ինշուրանս» ընկլերություններում`2.2 անգամ, իսկ «ՌԵՍՈ» -ն առաջատարն է նաև հատուցման աճի գծով (2.2 անգամ): Հատուցուների գծով տարեկան անկում են արձանագրել «Նաիրի Ինշուրանսը» և «Սիլ Ինշուրանսը»`8,3-10,1%, իսկ վերջինի մոտ նվազագույն աճ է արձանագրվել նաև ապահովագրական պրեմիաների գծով` ընդամենը 3%:

Հիշեցնենք, որ բժշկական ապահովագրության ցուցանիշների կտրուկ աճը   պայմանավորված էր 2017-ի հոկտեմբերից ՊԲԱ առաջին փուլի ներդրման մեկնարկով, որի շահառուները դարձան պետական ծառայողները, որոնց թիվը հասնում է 100 հազարի: Հատկանշական է, որ 4-րդ եռամսյակում սոցփաթեթի յուրաքանչյուր երրորդ շահառուն հասցրել է օգտվել բժշկական ծառայություններից, ներառյալ վիրաբուժական դեպքերը: Առաջին փուլում, հաշվի առնելով շահառուների կարգավիճակը, փաթեթի ֆինանսավորումը իրականացվում է ՀՀ առողջապահության նախարարության կողմից, պետական ​​միջոցների հաշվին: 2018 թվականի երկրորդ կեսից սոցիալական փաթեթը կներառի քաղաքացիների մի նոր խավի`բնակչության առավել անապահով հատվածին, որոնք թիվը հասնում է 612 հազարի: Ենթադրվում է, որ Հայաստանում ՊԲԱ լիարժեք ներդրումը կսկսվի 2019 թվականից:

Ապահովագրության մասնագետների կանխատեսումների համաձայն, բժշկական ապահովագրության վնասաբերության գործակիցն սպասվում է`90%, ինչը սոցիալական փաթեթի ներդրման առաջին փուլի համար համարվում է նորմալ ցուցանիշ: Այդ մակարդակը տարեցտարի կարող է աննշան տատանվել, իսկ ՊԲԱ լայնամասշտաբ ներդրման դեպքում այն կկայունանա որոշակի մակարդակում, որից հետո կսկսի աստիճանաբար իջնել`80-85%, գտնում են շուկայի փորձագետները: Նրանք գտնում են, որ 2-3 տարին բավարար է ՊԲԱ տնտեսապես արդյունավետ մոդելի ստեղծման համար: Նրանց կարծիքով, Հայաստանում ներդրվող ՊԲԱ մոդելը, հիմնականում ապահովադիրների համար է, և կոչված է ապահովել ոչ միայն վնասների կարգավորման լավագույն որակ, այլ նաև օպտիմալ սակագներ: