Հայաստանի բանկերը 2017 թվականին պետական ​​գանձարանին վճարել են 40.1 մլրդ դրամի հարկեր, տարեկան աճը`16.6%

Արմինֆո. Հայաստանի բանկային համակարգը 2017 -ին պետական ​​գանձարանի վճարել է 40.1 մլրդ դրամի հարկեր, տարեկան աճը`16.6%: Այս գումարի ավելի քան 89%-ը կամ 35.7 մլրդ. դրամ վճարվել է որպես ուղղակի հարկեր (շահութահարկ, եկամտահարկ), տարեկան աճը`18,6%:

Ըստ ՀՀ Պետական ​​եկամուտների կոմիտեի տվյալների, 2017 թվականի արդյունքներով Հայաստանի հարյուր խոշոր հարկատուների ցանկում են հայտնվել գործող 17 բանկերից 12-ը (ինչպես և նախորդ տարի): Առաջին հնգյակում են`Արդշինբանկը, ՎՏԲ-Հայաստան Բանկը, ԱԿԲԱ-Կրեդիտ Ագրիկոլ բանկը, Ամերիաբանկը և Հայբիզնեսբանկը, որոնցից չորսը f լավագույն հնգյակում էր նաև նախորդ տարվա ցուցանիշներով: 2017 թվականին լավագույն հնգյակը պետական գանձապետրանին է վճարել 20,4 մլրդ դրամի հարկեր (22.2% տարեկան աճ), որից 18.5 մլրդ դրամի ուղղակի հարկեր (տարեկան աճը`22,5%):

Վճարված հարկերի ծավալով բանկերի մեջ առաջատարն է Արդշինբանկը, որը Հայաստանի խոշոր հարկատուների ցանկում զբաղեցրել է 26-րդ տեղը (նախորդ տարի`39 տեղ), վճարելով 4,7 մլրդ դրամ, այդ թվում, 4.4 մլրդ դրամի ուղղակի հարկեր: Այնուհետև հաջորդում են`ՎՏԲ-Հայաստան Բանկ - 29 տեղը (ինչպես և նախորդ տարի), վճարել է 4,2 մլրդ դրամ, 3,6 մլրդ դրամի ուղղակի հարկեր, ԱԿԲԱ-Կրեդիտ Ագրիկոլ Բանկ - 30 տեղ (նախորդ տարի`31 տեղ), վճարել է 4,2 մլրդ դրամ, 3,7 մլրդ.դրամի ուղղակի հարկեր, Ամերիաբանկ – 32 տեղ (նախորդ տարի`25 տեղ), վճարել է 4 մլրդ դրամ, 3.8 մլրդ դրամի  ուղղակի հարկեր, Հայբիզնեսբանկ, 43 տեղ (նախորդ տարի`45 տեղ), վճարել է 3,3 մլրդ դրամ, այդ թվում 2.8 մլրդ դրամի ուղղակի հարկեր:

Հայաստանի հարյուր խոշորագույն հարկատուների ցանկում են նաև`ԻՆԵԿՈԲԱՆԿ, 44 տեղ (3 մլրդ դրամ, 2.8 մլրդ դրամի ուղղակի հարկեր), Անելիք Բանկ, 48 տեղ (ավելի քան 2,7 մլրդ դրամ, 2,3 մլրդ.դրամի ուղղակի հարկեր), Յունիբանկ, 52 տեղ (2.7 մլրդ դրամ, 2.1 մլրդ դրամի ուղղակի հարկեր), Կոնվերս Բանկ, 55 տեղ (2.5 մլրդ դրամ, 2,3 մլրդ դրամի ուղղակի հարկեր) Արարատբանկ, 73 տեղ (2 մլրդ. դրամ, 1.7 մլրդ.դրամի ուղղակի հարկեր) Արմսվիսբանկ, 80 տեղ (1.8 մլրդ դրամ, 1,7 մլն.դրամի ուղղակի հարկեր) և Հայէկոնոմբանկ, 85 տեղ (1,7 մլրդ.դրամ, 1.5 մլրդ դրամի ուղղակի հարկերը):

Հայաստանի խոշորագույն հարկատուների երկրորդ հարյուրյակում են Էվոկաբանկը113 տեղ (1.3 մլրդ դրամ, 1.1 մլրդ.դրամի ուղղակի հարկեր), HSBC Բանկ Հայաստան, 149 տեղ (945.5 մլն դրամ, 680,5 մլն.դրամի ուղղակի հարկեր):

Հայաստանի 1000 խոշոր հարկատուների ցանկում է Մելլաթ Բանկը, 241 տեղ (582,8 մլն դրամ, 554,6 մլն դրամի ուղղակի հարկեր), ինչպես նաև Արցախբանկը, 594 տեղ (211 մլն դրամ, 189,5 մլն.դրամի ուղղակի հարկեր):

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Հայաստանի բանկային համակարգի կուտակված ընդհանուր շահույթը 2017 թվականի վերջին կազմել է 157.3 մլրդ դրամ, տարեկան անկումը`9.6%: Այս ցուցանիշով հինգ առաջատարներն են`Ամերիաբանկը - 29,8 մլրդ դրամ, ԱԿԲԱ-Կրեդիտ Ագրիկոլ բանկ - 20.4 մլրդ դրամ, HSBC Բանկ Հայաստան - 20,1 մլրդ դրամ, ԻՆԵԿՈԲԱՆԿ - 19.3 մլրդ դրամ և Արմսվիսբանկ - 14,7 մլրդ դրամ: Հայաստանի բանկային համակարգը 2017 թվականը եզրափակել է 48,5 մլրդ դրամ հաշվեկշռային շահույթով (տարեկան աճը`25,2%), իսկ զուտ շահույթը կազմել է 38,3 մլրդ դրամ, տարեկան աճը`15.6%: Միայն 2017-ի IV եռամսյակում բանկային համակարգի զուտ շահույթը նվազել է 14.2%, կազմելով 8.8 մլրդ դրամ: (ՀՀ դրամի հաշվարկային փոխարժեքը, 31.12.17թ. դրությամբ կազմել է 484.10 դրամ /դոլար):